رد: اجمد مقابلة واحلى اعضاء
 

طيب يا سيدى ماتزعلش ! ماهو كل يوم جزء ! والنهارده تانى يوم ! و هنبتدى بيك النهارده !

يعنى ح أفطر عليك ! طبعآ يوم المقابله من قبل الصلاه لغاية ميعاد المقابله اتهريت تليفونات بتأكد على الميعاد !

و طبعآ أنا كده كده جاى لعدة أسباب أهمها :- انى و الحمدلله عمرى ما وعدت و أخلفت ! و المواعيد بالثانيه عندى

من أهم الآشياء ! حتى اسمى " موافى " يعنى بأوفى بالمواعيد و الوعود ! المهم صليت المغرب و أنا نازل الحكومه

أصدرت لى أمر لا يمكننى مخالفته و هو التوجه الى مسجد " يوسف الصحابى " بميدان الحجاز لاعطاء أمين المسجد

كيس مهول من الملابس المستعمله بصوره جيده للتبرع بها لطلبة الآزهر المحتاجين ! و الملابس دى مش من بيتنا !

احنا مجرد ناقل للخير مع التبرع أحيانآ برده ! لذلك تأخرت عن ميعاد المقابله حوالى نصف ساعه ! ووصلت لمكان

المقابله بمساعده بسيطه من " أبو صلاح " لآنى اكتشفت انهم مش عارفين ينطقوا اسم الكافيه أو يوصفوا مكانه تحديدآ !

هاههاههاهههاى ! و دخلت وجدت مكان جميل و الناس اللى جوه أجمل ! حوالى 5 - 6 و المفاجأه " برومادا " !

و بصراحه شكله كان غير اللى فى بالى ! يعنى كنت متخيله رفيع و قصير و لابس شورت و فانله و كاب ! بس لقيته

شاب طويل " بس مش قوى " حوالى 180 سم و نحيف آه بس برده مش قوى و لو لعب رياضه ح يبقى 100/100
و طبعآ كثير الحركه و بيتكلم بعفويه و مش هايب الموقف ! بس كان مصدر سعادة و ضحك الحاضرين ! :HAPPY_~211:
بخفة دمه ولآنه من عفويته و طيبته طبعآ بيتكلم بسرعه و اللى فى قلبه على لسانه و بيتقبل النقد بروح حلوه !

هوه آه بيرد و " بيلابط" بس مهذب و فى النهايه ما بيغلطش ! بالرغم انه قبل نهاية المقابله كان ح ينضرب من كل

الموجودين " زى شجرة الدر " ! بس الحمدلله عدت ! و ح أحكيها فى وقتها ! وبم ان الكلام قى المشاركه دى تحديدآ عن

برومادا فاحنا قعدنا نناقشه و نغلس عليه فى مشاركاته مثلا زى الشكمان اللى بيفرقع والولد اللى طلع له من البلاعه !

و معجزة المعجزات فى الجاموسه اللى كانت ح تخبط جولييت جنب بيتهم ! ( جاموسه فى بورسعيد ) !؟؟؟ والله ينفع

اسم فيلم كوميدى بطولة أبو العربى ! ولا حكاية العيل أبو 12 سنه و راكب مرسيدس قديمه و بيشد معاه و ضرب

هاند بريك ( ملحوظه: المرسيدس مافيهاش هاند بريك و لكن فرمله تالته على شمال الدوبرياج يعنى رجل بريك ) !

وطبعآ قعدنا نضحك على كيفية عثور أبو صلاح على برومادا تائهآ فى شوارع المحروسه ! مش ح أحكى كل الكلام

بس نقطه واحده فقط ! لما أصبحوا قريبين من بعض و طبعآ ما يعرفوش شكل بعض ! صلاح بيقول له انت جنب الكليه

الحربيه ! طب فيه ايه تانى جنبك ؟ قال له فوقى طياره طايره أهيه و ديلها لونه أحمر !! يالااااااااااااهوى !!!

و بعد ساعتين تلاته بعض الناس طلبت ساندوتشات و الآخ برومادا افتكر ان ساندوتش الهامبورجر صغير زى صوابع

زينب ! فطلب 3 ساندوتشات ! و لما جاء الطلب لقينا الساندوتش الواحد قطره بتاع 45 سم ! فأصيب برومادا بالهلع !

و البورسعيدى طلع بأه ! وقال للراجل لآه أنا طلبت واحد بس ! و بعد أخذ و رد الراجل وافق يتحمل 1 و برومادا 2

لكن برومادا أكل واحد بس و ساب التانى لآى حد يلبسه وقال انه ما يقدرش يا كل غير 1 بس ! و بعد نصف ساعه

أكل التانى و قبل ما يخلصه طلب التالت ! طبعآ متنا من الضحك ! وأنا قلت له أنا شايفك بتتخن وانت بتاكل !

ههههاهههاه و قبل المقابله ما تنتهى و كنا بنتناقش مناقشه حاميه فى موضوع ما ! اقترح يرومادا الاقتراح الرهيب

اللى كان ح ينضرب بسببه ! و ما فيش داعى أقول اقتراحه لسببين ! أولا المناقشات دى لست فى حل من اعلانها !

و السبب التانى علشان على الآقل ربع ال 20000 عضو اللى فى المنتدى ح يروحوا بورسعيد يسلموا جامد قوى

على أبو العربى ! عمومآ معرفة خير ! وان شاء الله لما أروح بورسعيد قريبآ نعدى عليه و على الآخ حازم شاهين

اللى افتقدنا وجوده ! بس مش ح أسمع كلام برومادا و أشد معاه بسيارتى لآنى كما قلت له ح ألبسه فى أول حيطه !
أو مركب ماشيه فى قناة السويس !أو طياره ديلها أزرق ! بس كفايه عليك كده يا عم ! خدت حقك و زياده ! :HAPPY_~211:

Dr. Bolbolan :260309~146:

رد: اجمد مقابلة واحلى اعضاء
 

رد: اجمد مقابلة واحلى اعضاء
 

بس حته غرزه عسل

رد: اجمد مقابلة واحلى اعضاء
 

رد: اجمد مقابلة واحلى اعضاء
 

ابوصلاح حبيبى احد اضلاع مربع الهلاك شكرا ياكبير على الوصف التفصيلى للغرزه يامعلم و لو سمحتوا دعونا نعمل فى صمت الحمد لله و انا راجع على البيت و مشغل عبد الحليم كنت هاكون توتال لوس فى عربيه نقل بنزين و الحمد لله ربنا لطف

نيجى بقى لحجر الاساس او العمود الاساسى فى مربع الهلاك دكتور عبد السلام انا مش عارف اقولك ايه اوجزت فانجزت فى برو مادا حبيبى

اجى بقى لحاجه انا عاوز اقولها و انا فى الاول قولت انى مش هاذكر اسماء علشان محدش يزعل منى لو نسيت حد لكن فى واحد لازم اذكره و اذكره جامد قوى لانه انسان عزيز عليا و هو الاستاذ شريف شاكر او زى ما هو معرف مابينا SAbuhashem الراجل ده بجد كان نفسى اشوفه جدا جدا جدا برغم انى ماكنتش شوفته قبل كده غير مره واحده و من سنه كمان لكن الناس الكويسه و اللى تدخل القلب على طول محدش يقدر ينساها خالص و الف شكرا ليه انه شرفنا

رد: اجمد مقابلة واحلى اعضاء
 

رد: اجمد مقابلة واحلى اعضاء
 

احنا اتفقنا مبدئيا على التجمع والذهاب للمعرض كجروب واحد بدل ماكل واحد يروح لوحده

لكن لسه الاتفاق النهائى بخصوص موعد ومكان التجمع وان شاء الله فى وقتها هايتم الاتفاق

وهاتبقى فرصة جميلة بجد اننا نتجمع تانى فى مناسبة زاى دى ونكون صحبة كلنا ان شاء الله