رد: مش ندمان لإختيار عربيتك؟؟
 

فكرني بالذي مضي انا اتعلمت السواقة علي لانسر كريستالة بتاعت والدي والحمد لله لحد ما اتعلمت السواقة وبقيت بشد وصياعة متخدشتش مني ولا مرة
بس ركبت ديفل وابتديت العب
والدي قالي انزل ياض وجابلي 124 fiat سبورت دي كنت مسقط لها مكنة لانشيا 2000
واما كبرت واشتغلت هديت شوية قلت ابرشت علي والدتي واخدت منها لانسر بومة glx اوتوماتيك بس دي رشقت بيها رشقة وحشة اتعقدت منها اشتريت نيسان صني كنت هتجن واجيب جيتا بس ربنا مقدرنيش
والصراحة شايف انها عربية روعة وبتجري واما جنط العربية مسكت في الطريق وبتجري وشايف انها قمة في الروعة اسف تقلت عليكم

رد: مش ندمان لإختيار عربيتك؟؟
 

رد: مش ندمان لإختيار عربيتك؟؟
 

اول عربيه ملكى هى بونتو 1997 احلى عربيه فى الكون بالرغم من تعبى منها احيانا ولكن هى المعشوقه الاولى لى وللمستقبل ا لقريب فيرنا زيرو يعنى بعد سنه مثلا ان شاء الله واما للامام فاهى شيروكى 3700سىسى ويارب لفرجها من عندك

رد: مش ندمان لإختيار عربيتك؟؟
 

انا اتولدت و لا قيت عندنا 132 كنت بعشقها اتعلمت عليها السواقة و بجد عربية تحفة و لحد دلوقت بحن لايامها اول ما سافرت الامارت قلت اجيب عربية زيرو تعد معايا 4 سنين و انزلها مصر روحت مدبس في 307 2006 زيرو و دي كانت غلطت عمري رغم ان ناس كتير هناك حظروني منها بس نقول اية ساعة القضي يعمي البصر المهم بعتها في اواخر 2007 و قلت العب في العربيات شوية روحت شاري تيدا كانت مع واحد صحبي و كان نازل مصر نهائي فضلت معايا شهرين بالظبط و بعدين بعتها و بعدين واحد صحبي سابلي لانسر بومة لمدة 3 شهور 1300 عربية تعبانة في السحب جدا كان نفسي اوي اشتري كورولا 2007 1300 و ابقي انزلها مصر بس كانت موش موجوده علشان الموديلات 2008 الشكل الجديد كان نزل خلاص المهم انا دلوقت معايا يارس 2007 1300 فل اوبشن عربية بجد تحفة و موش ناوي افرط فيها
اول السنة دي بابا باع 132 و بجد زعلت اوي و هو كمان بعد ما باعها فضل بتاع شهر زعلان العربية كانت معاة لمدة 30 سنة عشرة بردوا المهم اشتري هو دلوقت بعد نصيحة مني طبعا و بعد ما تعبت المنتدي معايا اشتري كورولا 2003 اوتو يعني حاجة من ريحة الكورلا 2007 . و الحمد لله موش ندمان لا علي الكورولا دي و لا ندمان علي اليارس بس بفكر كمان شوية ابقي ادي اليارس للمدام و اجيب لي حته سيفك VTI

رد: مش ندمان لإختيار عربيتك؟؟
 

والله يا شباب موضوع جميل انا بالنسبالي لسه جديد في موضوع العربيات و لسه متعلم سواقه علي عربيتي اللي اشتريتها من عشرين يوم و هي اكسيل 97 و انا كنت رافض فكرة المستعمل بس انا غيرت رائيي بعد رحلة عذاب مع البنوك المهم ربنا كرمني بالعربيه دي ومستحملاني فترة تعليم السواقه و ابتديت احبها مع اني كان نفسي في نيو اكسنت اتوماتيك جديدة لدرجة اني كنت باحلم بيها و الحمد لله بعد ثلاث شهور حيرة بين شري مستعمل و لا جديد ربنا كرمني بالعربية الاكسيل و هي شكلها مش قد كد لكن حالتها كويسه و سليمه زي ما بيقولو فابريكه و الحمد لله الواحد باله مرتاح و مش ندمان

رد: مش ندمان لإختيار عربيتك؟؟
 

انا مش بندم على اى عربية لانى مش بركب الا العربية اللى بينى وبينها قصة حب

لو مبحبش العربية مبركبهاش حتى مع حد زى البويك مبحبهاش مبركبهاش مع صاحبى