رد: الفضل ليكو جميعا - باركولى اشتريت لانوس 2010
 

الف مبروك وربنا يعطيك خيرها ويباركلك فيها ويكفيك شرها

رد: الفضل ليكو جميعا - باركولى اشتريت لانوس 2010
 

مبروك لك على السيارة وربنا يبارك لك فيها ممكن حضرتك تقولى اسباب اختيارك لللانوس لانى عاوزة اشترى عربية ومتحيرة ممكن تقولى جبتها بكام وعلى وهى لانوس شيفرولية ولا دايو ومين وكيلها واية هى كماليات العربية
شكرا لك فى انتظار الرد

رد: الفضل ليكو جميعا - باركولى اشتريت لانوس 2010
 

تحية للاخت السائلة
1- أسباب الاختيار كالتالى:
لأن مشوار شغلى طويل حوالى 60 كيلو يوميا - ولأنى بسافر كتير لذلك كان التفكير فى سيارة عائلية ويكون لها شنطة كبيرة (لذلك استبعدت سيارات الهاتش باك) - صالون مريح - اقتصادية - وكيل كويس - منتشرة ( لسهولة الصيانه ) .
وحيث ان الميزانية مش كبيرة اوى (جزء بالتقسيط ) فكان الاختيار من بين السيارات التى يكون سعرها بحد اقصى 70 الف
فكانت المفاضله بين : لانوس - فيرنا - لوجان
واخيرا تم ترجيح اختيار اللانوس نتيجة عدة عوامل ومن اهمها الارتياح النفسى

2- السيارة هى شيفروليه لانوس (لان مفيش دايو لانوس زيرو )
سعرها 70 الف كامله الكماليات ( باور - تكييف - 4 زجاج كهرباء - ساعة رقمية بالتابلوه - فانوس ستوب خلفى - راديو سى دى - زجاج مظلل ) - 1500 سى سى - خمس سرعات

3- الوكيل هو منصور شيفروليه
له عدة فروع فى جميع المحافظات وكمان يوجد مراكز صيانه معتمده مثل ابوغالى واخرون .

تحت امرك فى اى سؤال .

رد: الفضل ليكو جميعا - باركولى اشتريت لانوس 2010
 

ولية لم تختار الفيرنا

رد: الفضل ليكو جميعا - باركولى اشتريت لانوس 2010
 

الف شكر على الرد بس ممكن ترد على الاستاذ اللى سال لية لم تختار الفرنا او ساجا الجديدة من بروتون وسوال تانى من فضلك هل اللانوس منخفضة عن الارض يعنى اية اخبارها فى المطبات

شكرا فى انتظار الرد

رد: الفضل ليكو جميعا - باركولى اشتريت لانوس 2010
 

مبروك عليك وربنا يديك خيرها وهيا فعلا احسن حاجة فى حدود ال 69 الف

رد: الفضل ليكو جميعا - باركولى اشتريت لانوس 2010
 

لـ 3 اسباب :
1- موتور الفيرنا 1600 سى سى - اعتقد انه قوى جدا على البودى بتاعها
وده كان رأى بعض الناس اللى معاهم فيرنا فعليا - قالوا انها خفيفه شويه ع الطريق
2- ناس كتير اشتكت من توكيل غبور فى الهيونداى
3- كنت بمشى اعد العربيات اللانوس فى الاشارات بمقارنه بماركات تانيه
وجدت ان اللانوس منتشرة جدا (يمكن لانها موجوده فى مصر من 1998 ) لكن هذا لا يمنع استمرار الطلب عليها نتيجة اعتماديتها العاليه وملاءمتها للمستهلك المصرى
ولأن هذه اول عربيه زيرو اشتريها فحبيت تكون العربيه لها تاريخ ومتجربه فى السوق .
وكما قلت سابقا : ارتياح نفسى لشكل العربيه الداخلى والخارجى

** أما عن اللوجان او ويرا : بصراحه خفت من عدم توافر قطع الغيار او ارتفاع ثمنها نتيجه لحداثتها فى السوق وانه لم يتكون رأى مكتمل عنهما فى السوق المصرى

** ارتفاع اللانوس عن الارض مناسب جدا - حتى مع التحميل الكامل للسيارة (5 افراد والشنطة ) وذلك مع الحرص الطبيعى عند المطبات .

أخيرا : احب اقول انها فى الاول والاخر مسأله تجارب شخصية واراء واذواق ، وهذا لا يمنع بالطبع اشادة كثيرون بالفيرنا واللوجان
وتقبلوا تحياتى ،،،