|
رد: العضو pro mada ومكالمة مباحث امن الدولة
يا خبر أبيض على اللى حصلك يابو حميد والله دا أنا نفسى اتخضيت خصوصاً لما قلت اسمى ( للعقيد ) صلاح وهو سابكها عليك وقلت دانا كمان ها أتجر معاه ... الحمد لله ربنا ستر بس الأستاذ صلاح عرف يظبتها معاك قوى برافو عليك يا بو صلاح ...وآل يعنى أبو حميد مسك عليك شوية أخطاء ... بعد ايه ما كنت تكتشفها قبل ما هو يكشفلك نفسه
والله يا جماعة انا سعيد بالمقالب والحركات دى واللى بتبين اننا بنحب بعض حتى قبل ما نشوف بعض وأنا فى انتظار دعوتك يا باشمهندس أحمد وتقبل تحياتى لك وللأسرة ولأهل بورسعيد الأحباب نبيل عبد الرحمن الإسكندرية |
رد: العضو pro mada ومكالمة مباحث امن الدولة
واحد صحبى عملها فيه زعلت منه اسبوع كان بيكلمنى على الياهو ومره واحده لقيت التليفون بيرن ومفيش رقم
كان منزل برنامج اتصال من النت اسمه جلوبى وكان بيجربه فيه الندل |
رد: العضو pro mada ومكالمة مباحث امن الدولة
[quote=salahabdelnabi;9677 2]
يوم الاتنين الساعة تقريبا 9:15 بالليل و برو مادا او خلينا نقول اسمه الحقيقى م/ احمد راقد على السرير مريح شوية عشان وراه مشوار فجأة لقى الموبايل بيرن احمد بصوت واطى نعسان : الو......... مين الطرف التانى بصوت صارم حبتين : المهندس احمد الشهير بـ برو مادا احمد ولسه صوته نعسان : ايوة انا احمد .......... استاذ نبيل اللى معايا ؟؟ الطرف التانى والصوت بقى اشد صرامة : لا مش الاستاذ نبيل .......... معاك العقيد صلاح من مباحث امن الدولة فجأة وبلا مقدمات احمد فط من السرير وشعر راسه وقف وشفايفه ابيضت وريقه نشف وبصوت مبحوح : ايوة يافندم ......... خير فيه حاجة؟؟!!!! العقيد صلاح وصوته بقى اشد صرامة : لا مش خير .......... احنا عايزينك تشرفنا شوية ابو حميد ركبه سابت ومفاصله بقت بتخبط فى بعض ومش عارف ينطق كلمتين على بعض العقيد صلاح بصوت بارد : انت ماسمعتنيش والا ايه؟؟!!! احمد بارتباك : لا سمعت ياباشا ......... بس هو انا عملت ايه ؟؟؟!!!!! العقيد صلاح : مش انت عضو برضه فى منتدى اسمه مصر موتورز ؟؟؟ احمد وارتباكه زاد : ايوة ياباشا بس انا ماعملتش مشاكل مع حد العقيد صلاح : مش انت برضه اللى كاتب موضوع ما الاسباب من وجهة نظركم احمد ومش عارف يبلع ريقه : ايوة ياباشا بس انا مش قصدى حاجة العقيد صلاح : طب فيه واحد رد على موضوعك ........ واحنا كتا عايزينك تشرفنا شوية عشان نتناقش فى اللى اتكتب احمد وخلاص دمه هرب : اشرفكم فين ؟؟؟؟ فى امن الدولة ؟؟؟؟ وبعدين ياباشا انا لسه ماشوفتش الردود وماليش دعوة باللى هو كتبه العقيد صلاح : طب خلاص ماتخافش ........... انا صلاح عبد النبى اللى رديت عليك فى الموضوع صمت رهيب وصوت ضربات قلب ابو حميد بقت واصلة من بورسعيد لحد عندى والضحك مسكنى ومابقتش عارف ارد عليه من كتر منا متخيل شكله من الخضة والمفاجأة احمد : الاستاذ صلاح ؟؟؟!!!! .......... ياراجل دا انا دمى نشف حرام عليك والله ده انا مش عارف اتلم على بعضى طبعا القصة دى حصلت فعلا بينى وبين ابو حميد وكان اتصالى اصلا بيه عشان اسأله على حاجة فى الكومبيوتر لكن مش عارف ليه الفكرة دى جت فى دماغى وعملت المقلب ده معاه وبعد ما فاق وراق ودمه رجع تانى وريقه جرى وضربات قلبه هديت وعرف ياخد نفسه اتكلمنا حوالى ساعة الا ربع فى حاجات كتير وعرض عليا مقابلة فى بورسعيد مع جميع الاعضاء اللى يقدرو يروحو لسه هايظبط ميعادها بالظبط مع وعد منه ان لو اتعملت مقابلة فى القاهرة هايكون اول واحد موجود فيها عشان يتعرف بكل الاعضاء واتفقنا فى الاخر نعملها قصة نحطها فى الاستراحة عشان يعرف ردود جميع الاعضاء على المقلب اللى حصل فيه والخضة اللى كان فيها وفى الاخر نسيت الموضوع اللى انا اصلا متصل بيه عشانه ptmnlo123per1106 ودى حكاية برومادا مع مكالمة مباحث امن الدولة :HAPPY_~211: [/quote ياههههه يااستاز / صلاح المهندس / احمد؟ لسه مكلمنى حالا وكويس انى سمعت صوته لو شفتها قبل ما اسمعه كنت هقلق عليه اوى تعمره مراح قسم الا علشان يطلع بطاقه وبيخاف من العسكرى وملوش فى فى اى حاجه وماشى جنب الحيطه وخدوم وبيحب الخير للناس تكويس انه رد على حضرتك تممكن كان يموت فيها |
رد: العضو pro mada ومكالمة مباحث امن الدولة
اقتباس:
|
رد: العضو pro mada ومكالمة مباحث امن الدولة
[/quote ياههههه يااستاز / صلاح
المهندس / احمد؟ لسه مكلمنى حالا وكويس انى سمعت صوته لو شفتها قبل ما اسمعه كنت هقلق عليه اوى تعمره مراح قسم الا علشان يطلع بطاقه وبيخاف من العسكرى وملوش فى فى اى حاجه وماشى جنب الحيطه وخدوم وبيحب الخير للناس تكويس انه رد على حضرتك تممكن كان يموت فيها[/quote] الله يخليك يا باشا علي كلامك الجميل ده و الكلام ده اكتر من حقي بكتير و طبعا صلاح اخويا الكبير ( مش كبير اوي ههههههههههه ) اللي كلنا بنحبه هنا و بنحترمه |
رد: العضو pro mada ومكالمة مباحث امن الدولة
العزيز pro mada دايما بيهاجم العربيات الصينى وده حقه ياريت حد يعرف رقم تليفونه ويدعى انه السفير الصينى ويحكى على المكالمة
|
رد: العضو pro mada ومكالمة مباحث امن الدولة
والله يا جماعة انا اللى كنت هموت من الضحك لما عرفت ان الموضوع مقلب انا كنت فاكر الاول انها قصة من قصص صلاح وقولت اكيد محطش الايكونه بتاعة (قصة)http://www.masrmotors.com/vb/images/icons/story2.gif علشان يشتغلنا
طلعت الاشتغالة لمادا ورد مادا بعد كده فطسنى من الضحك بجد انت طلعت شاب دمك زى العسل بس خد بالك امن الدولة بيخشو على النت بجد وعلى الفيس بوك كمان :waving: |
| الساعة الآن 02:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017