رد: سؤال لملاك الميجان، ليه بتبيعوها برخص التراب
 

يعني كل حاجة فيها بالكمبيوتر مبرمجة وكل حاجة متصلة ببعضها فعشان تغير حاجة منهم صعب يتصلوا تاني ببعض وترجع زي الاول

وبالنسبة لاي حد ميشتريش مستعمل لا طبعا مش بتسري علي اي عربية مستعملة يعني مثلا وجه المخاطرة بين انك تشتري اي عربية عادية مانيوال مستعملة وبين انك تشتري عربية زي الميجان كلها كبيوترات ولوح الكترونية بتحركها واتوماتيك متهيقلي دي اصعب علي واحد هيشتري مستعمل الاضمن طبعا وقتها المانيوال او حتي الاتوماتيك العادي مش كله كمبيوتر.

وشكرا لاهتمامك وردك

هل الكورولا موديل 2008 و ما فوق خالية من " الكمبيوترات " ؟؟؟
هل الأسترا و الفيكترا و الجيتا و الأوكتافيا و السيفيك و الإمبريزا و المازدا 3 خاليين من " الكمبيوترات " ؟؟؟

كون إن الميجان سبقت الناس التانيين بسنتين و لا تلاتة مش معناه إنها تبقى ما تنفعش مستعملة...و إلا معنى ذلك إن السيارات المتقدمة تكنولوجيا كلها لا تصلح للبيع مستعملة
و تبقى العربيات المستعملة فقط هى الفيرنا و اللانوس و النوبيرا علشان هما دول إللى أى ميكانيكى بيعرف لهم...!!!

كل ما فى الأمر إنها زى أى عربية زيها محتاجة عمالة مدربة لصيانتها...إيه العيب فى كده ؟؟؟؟
و إللى لسه عايز يصلح فى أى ورشة ميكانيكا من إللى متعود عليهم من زمان فليتفضل بعمل ذلك و ما أكثر السيارات التى تصلح للمهمة....
لكن مش معنى كده إن السيارات المتقدمة تكنولوجيا معيوبة
مع الوقت لازم سوق المستعمل هايغير فكره...و يبدأ مبدأ تاريخ صيانة السيارة و ملفها فى التوكيل تكون ثقافة شائعة ....لإن كل العربيات بتتحول للاتجاه ده

رد: سؤال لملاك الميجان، ليه بتبيعوها برخص التراب
 

أى عربية فيها الكماليات التالية
1- ABS
2- أيرباجز
3- ESP
4- أتوماتيك أو ستيبترونيك
5- باور كهرباء ( بس مش متأكد من دى 100% )

هتلاقى لكل واحد منهم كنترول يونت خاص بيه ( وحدة تحكم )
و الكلام ينطبق على الميجان و التويوتا و الأسترا و الفيكترا و الجيتا و غيره و غيره و غيره
ولا ينطبق على العربية اللى مفيهاش أى من الكماليات المذكورة
يا ترى فى عربية مفيهاش واحدة بس من الكماليات دى ؟؟؟ أحتمال و لو أنى معرفهاش
طيب و لو الأحتمال دع موجود نعمل أيه
هنسأل الأول هيا أنجكش ولا كربراتير.....لو طلعت أنجكشن يبقى برضه فيها كنترول ptmnlo123per111

يبقى الحل عربية من غير الكماليات الحديثة و كمان تكون كربراتير :waving:

رد: سؤال لملاك الميجان، ليه بتبيعوها برخص التراب
 

انا بشترى دلوتى رينو ميجان ياريت تنصحونى ده ايمالى houkahoukahouka@yahoo.com ودة رقمى 0102966544

رد: سؤال لملاك الميجان، ليه بتبيعوها برخص التراب
 

أهم حاجة تكشف عليها كشف كامل فى التوكيل...هيكلفك 550 جنيه و هتقضى النهار هناك
حضرتك بتحجز ميعاد عن طريق التليفون ( نمرة التوكيل 16202 )...و نثيحة تروح بدرى من الساعة 8 الصبح و تروح و نقضى النهار هناك و فى الآخر بتستلم تقرير بحالة كل مسمار فى العربية و الكشف شامل كل حاجة من ميكانيكا لكهرباء لعفشة....و ممكن تعمل الكشف فى فرع المقطم أو فرع مدينة العبور......

رد: سؤال لملاك الميجان، ليه بتبيعوها برخص التراب
 

ياجماعة مالكم بس في ايه انتو محسسني اني طلعت العربية متنفعش ومش حلوة وملهاش لازمة انا كل اللي عملته اني رديت علي سؤال الموضوع ليه بتبيعوا الميجان بسعر ارخص من سعرها بكتير هوا انا قولت حاجة غير اني قولت سبب بس مش اكتر

انا قولت ان العربية حلوة ومفيهاش اي عيب وهيا جديدة العربية تحفة وانا مقولتش غير كده

انا بس مجرد جاوبت علي السؤال

وبالنسبة للاستاذ chato_eg انا معاك ان لازم سوق المستعمل هايغير فكره بس احنا بنتكلم في الوقتي ليه الوقتي الميجان ببتاع بسعر ارخص وانا رديت ومش معني كده انها مش حلوة لا بالعكس هيا مع واحد اعرفه ومرتاحلها جدا جدا ومش متضايق انه بيصرف عليها في التوكيل والصيانة هما ادري بيها وعارفينها حتة حتة.

وشكرا لردكم

رد: سؤال لملاك الميجان، ليه بتبيعوها برخص التراب