|
رد: اغيثونا يا ولاد البندر فى جوان وش السلندر
اخر المستجدات ، امبارح نزلت اخر النهار دورت العربيه وزودت مية ع الاخر ومشيت بيها واحدة واحدة لحد الزتون واحد كويس اوى فى شارع ترعة الجبل فى اولة من ناحية قصر القبة هو فنى ريداتير وجمبية محل بيع قطع غيار ريداتير وريدراتيرات نفسها طبعاً
المهم رحلته وكان فاضى وحكيتله القصة واتفقنا يغسل دورة المية والقربة طبعاً بس غسيل الدورة خارجى بمعنى انه مش هينفع يحل الريتاتير علشان حسب كلامة انه حته واحدة ملوش قواعد فيبر تتفك ! انا كنت اسمع ان القواعد الفيبر ديه مشكلة وكانت دائماً تبوظ فى البى ام e60 وكنت معتبرها مشكلة وعيب كدة طلعت ميزة لانة فى حالة الريداتير بتاعى لو فيه حاجة بايظة من جوة ييتفك ويركب واحد جديد مفيش تصليح .. والعهدة على الراوى طبعاً المهم اول ملاحظة بعد ما بداء يفك ودورت العربيه ان لسه فيه فواران من الريداتير فقالى المفروض لو الميكانيكى عامل شغلة صح ميبقاش فيه الفواران ده بس خلينا نشوف المهم فى بحر نص ساعة كنا عملنا غسيل للدورة والقربة وزود مية وسحب هواء وكله تمام حسابك كام يا عمنا قالى 50 جنية دفعتهم ومشيت طلعت على اقرب بتاع زيت اعرفه وسقط يا عم الزيت وحط واحد تانى وخد بالك العربية سخنة وخد بالك فيه تسريب زيت ونبهت عليه اكتر من مرة علشان طبعاً مش ناقصة اصابات تحت العربيه العربية مفقورة خلقة الراجل نزل تحت العربيه واكد كلامى بخصوص التسريب وحاول يحل الطبة ومعرفش وطلع قالى عقل الطبة مفوت وطبعاً لازم يتحل الاول بمعرفة ميكانيكى وبعدين نبققى نشوف قصة الزيت كده لينا وقفة احكيكلو فيه نبذة سريعة عن قصة الزيت اولاً فى الفترة الاخيرة ديه زى ما قولتلكو كنت بفنش تقارير وتجارب منها تجربة استخدام زيوت xado فى العربيه ديه وعربيات تانية قبل كدة على مدى حوالى سنة فاتت وبالتالى موضوع تغيير الزيت بالنسبالى كان ماشى بجدول وعارف ان اخر تغيير زيت كان من اقل من شهرين وفى نفس المكان ده برضو ومابين المرتين فى نفس المكان الايد الوحيدة اللى اتمدت على الطبة كانت ايد الميكانيكى وهنا افتكرت ليه استهبل على وقالى ابقى اغير زيت بره ومرضاش يفهمنى ليه مسقطش الزيت هو ماهى اصلها حاجة تجنن انا جايبلك الزيت والفلتر ومادة لمعالجة الموتور من زادو برضو وقايلك هتغير زيت وفلتر وتحط المادة الاقيه يركب الفلتر وميغيرش زيت طب ليه يعنى !! علماً بانى قايلة برضو ان اخر تغييرة زيت كانت من اقل من شهرين ومغير فيها الفلتر طب ليه مكنتش قادر افهم وكانت التبرير الوحيد بالنسبالى هو الكسل والخيابة وبس |
رد: اغيثونا يا ولاد البندر فى جوان وش السلندر
صاحبك صاحب الورشة تاخده معاك المشاوير دي وتوريه اللي بيحصل من تصليح لاخطاء الميكانيكي اللي تبعه
|
رد: اغيثونا يا ولاد البندر فى جوان وش السلندر
طب لما جيت تغير الزيت والطبة مفوتة ليه مسحبتش الزيت بطريقة الشفط مؤقتا علي بال ما تشوف صرفة
|
رد: اغيثونا يا ولاد البندر فى جوان وش السلندر
انا مش هخش الموضوع ده تانى لأنى بجد محبط والله العظيم محبط مافيش فايده فينا كلنا يعنى الصانيعى ده ربنا ينتقم منه زيه زى كل الحكمونا من 54 الى وقتنا هذا مافيش فايده كله بيكذب كله بيسرق وكأننا عايشين فى بلد المفروض فيه شعب ومؤسسات وشوارع ومصانع ومدارس وتعليم وبحث علمى علمك (أظن ده أكبر كأن) وكأن فى ترابط اسرى عايشين مع اطفال الشوارع ,, مش هطول وكأن فى ميكانيكياوالتعبير الأصلح وكأن فى صنيعية ولكن للأسف كله على رأى الأستاذ فؤاد المهندس راح --السلام عليكم علشان انا محروق دمى ودموعى وإبتسامتى
|
رد: اغيثونا يا ولاد البندر فى جوان وش السلندر
بصراحه ربنا يكون فى عونك و يخرجك من القصة دى فى اقرب وقت
|
رد: اغيثونا يا ولاد البندر فى جوان وش السلندر
اقتباس:
|
رد: اغيثونا يا ولاد البندر فى جوان وش السلندر
الله يخرب بيت ده صاحب على بيت أم العبيط اللى عامل نفسه بيفهم
الخلاصة يا باشا اطلع على حد بيفهم و يعمل لك كل اللى فى العربية و ربنا يعوض عليك مع الصنايعى الحمار ده و انا لو مكانك و طلب منى فلوس هاضربه بالجزمة و حتى لو صاحبك كلمك فى فلوس قول له انت المفروض تدفع كل التكاليف لحد ما العربية تتظبط هو مش قال لك الصنايعى ده فورة و ما فيش زيه و كان لسه حالل وش سلندر بتاع تيريوس قبل كده ! و هو طلع حمار ما بيعرفش حتى يحل الطبة بتاع كارتيرة الزيت ؟!!! و لما الحيوان ده كان بيطلب منك فلوس هو كان قاعد جنبه ! ده حتى ما استناش لما يطمن على العربية مااااااااا تحرقش دمك ، صلح فى مكان نظيف عند حد بيفهم و ربنا يعوض عليك |
| الساعة الآن 11:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017