رد: رساله مصوره من د/بولبولان ( مع الخاصية الصوتيه ) !
 

كل سنه وانت طيب يادكتور عبدالسلام
وجميله اوى الرساله دى وبعتبرها هدية العيد منك
ومنتظر رساله تانيه تقول فيها اسمى لوحدى مش مع حد
وبعوده الايام يا باشا:260309~146:

رد: رساله مصوره من د/بولبولان ( مع الخاصية الصوتيه ) !
 

كل سنة و انت بخير و صحة و عافية و طاعة يا دكتور و فعلا الواحد حاسس انه يعرفك من زمان و حسيت براحة نفسية لما شوفت حضرتك . يعنى زى ما تكون اخ - قريب - صديق . المهم ان الواحد استريحلك و حبك
و احب اشكر كل اعضاء المنتدى على الروح الجميلة اوى دى و انتهز الفرصة و احب اقول للجميع كل عام و انتم بخير
بالمناسبة يا دكتور انت شكلك ما جربتش تاكل فى الميز بتاع الحفارات المصرية ( عجب .... نظرية عك و لييس كله كويس )
ده لو الطباخ مزاجه رايق اما لو حد زعله و قال له اى تعليق على الاكل تانى يوم تلاقى الاكل ( مش الاكل خالص ) لم يتعرف باى حال من الاحوال على النار ( نظرية الجمع و الالتقاط ) يمكن يحاول يضيف عليه شوال ملح يعنى بيحاول يغير الطعم اهو فى الاخر بيعودك على الخشونة عشان الدلع وحش . مش تقولى الجمبرى مش عارف ايه ( اخشوشنو فان النعمة لا تدوم)

رد: رساله مصوره من د/بولبولان ( مع الخاصية الصوتيه ) !
 

سيدى الفاضل أشكرك شكرآ جزيلا على النصف الآول من مشاركتك !

أما النصف الثانى فاسمح لى أعلق عليه ! أنا دكتور من 31 سنه ! منهم 20 سنه فى حفارات !

جربت الآكل فى 14 حفاره تقريبآ فى مصر بس كلها تبع شركه واحده أميريكيه ( المفروض محترمه ) !

أشهد الله ان الآكل فيها كان لا أجمل ولا أروع وساعات أحسن من البيت ! وممكن نفس شركة

التغذيه اللى عاجبانى تكون هى نفسها اللى مش عاجباك ! بس الفرق ان شركتى بتدفع على الفرد كتغذية مثلا

45-50 دولار يوميآ وشركتك بتدفع 15 دولار ! ( نظرية يا جاريه اطبخى...كلف يا سيدى )

بالاضافه الى اننا كنا بنحاسبهم حساب عسير ولازم كل حاجه فى الآكل تكون درجه أولى و كذلك

طقم الطباخين وعاملى النظافه ! والطبيب بيكون من ضمن اختصاصاته مراقبتهم وفحص أنواع

الطعام قبل وبعد الطبخ ! ونظافة الموقع وعمل تقرير أسبوعى بالكلام ده ! وأنا عملت فى تونس

والعراق و قطر والسعوديه ولم نر يوم واحد من أيام مصر بالنسبه للآكل !

بالنسبه ل ( اخشوشنوا فان النعمة لا تدوم ) ياسيدى مصدقين ومآمنين بالله ! وأنا شخصيا أكلت

حاجات لا أتخيل أى حد تانى ياكلها ! وبأحب المش باللى فيه والفسيخ والسردين وأى أكل خلقه ربنا

وبألتقط قطعة اللحم لو وقعت على الآرض وأرميها فى بقى ( بعد تسمية الله ) !

لذلك أنا مش لاقى سبب يخليك تضع الجمله دى فى مشاركتك ! يعنى المقدمه جميله والخاتمه ؟؟

اللهم أحسن خاتمتنا !

Dr. Bolbolan :waving:

رد: رساله مصوره من د/بولبولان ( مع الخاصية الصوتيه ) !
 

دكتور انا اسف جدا انا فعلا لا اقصد الجزء بتاع اخشوشنو ده كان من باب المزاح و السخرية على الاكل عندنا فى الميز لكن لا اقصد المعنى الواصل لسيادتك يا دكتور
اما بالنسبة لموضوع شركات التغذية احب اقول لحضرتك ان تخفيض التكاليف قضى على شهيتى المرتفعة ( جدا جدا ) و يا ليت الايام الحلوة اللى سيادتك بتكلم عنها ترجع تانى
شكرى الشديد لسيادتك و اسفى الشديد جدا جدا جدا لاى معنى لم اقصده و لكن احب ان اقولك حاجة ( انى احبك فى الله )

رد: رساله مصوره من د/بولبولان ( مع الخاصية الصوتيه ) !
 

فكره جميله جدا جدا جدا

و محدش فكره فيها قبل كده خالص

و الله يادكتور انت كل يوم بتخلينى اعجب بحضرتك اكتر من اللى قبله

و كل سنه و انت طيب ياباشا