رد: ما هى حقيقه رينو ميجان ؟
 

السلام عليكم
اسف لانقاعى طوال هذه المده عن المنتدى وعدم السرعه فى الرد على الاخوه الاعضاء نظراً لغيابى
طبعا فى البدايه احب احييك يا حضره المشرف الف الف شكر يا احمد باشا دا حضرتك و الله اللى كلك ذوق الله يكرمك دا نورك والشرف ليا حضرتك انا وانا عارف طبعا ان حضرتك مش قصدك اى حاجه لا سمح الله و العفو حضرتك صادق من غير حلفان وكلنا هنا اخوه و اصدقاء و مفيش بينا اى زعل لا سمح الله مهما اختلفت اراءنا و الف شكر مره تانيه
بارك الله فيك

رد: ما هى حقيقه رينو ميجان ؟
 

زميلى العضو هانى محمد
اهلا بك و مرحبا من جديد و اسف على الغياب وعدم سرعه الرد
وانت طيب وبعوده الايام ان شاء الله ( ولو انها متأخره)
حلو انك كتبتلى باسمى الحقيقى دا نادر لما بيحصل فى المنتديات (ولو نى مش عارف السبب لانك لو قولتلى يا اكس كنت هاأرد برضه) وخلانى احس اننا معرفه شخصيه عشان كدا عملت زيك .
اولا انا مش زعلان منك ولا من اى حد الحمد لله و ربنا مايجيب زعل
ثانيا (وخلى بالك عشان نانيا دى هاطول شويه !!)
ايه اللى خلاك تتصور انى زعلان منك بس؟ ازعل منك ليه ؟ دا انا بعد اول مره دخلت وشاركت فيها دخلت صفحتك و كتبت لك رساله زائر وانت رديت عليا هزرت معايا و دعتلى ، فاكر؟
انا ازعم انى متفهم جيد لطبيعه البشر ، واتعاملت مع ناس ياما من كل صنف تقريبا ًوعارف ان فيه ناس لما يحبو حاجه او يؤمنوا بيها بيدافعو عنها بمنتهى القوه حتى لو وصلت لانهم يضحو يحياتهم فى سبيلها .
و دا فى حد ذاته شئ جميل ( اقصد طبعا الثبات على المبدأ والتضحيه فى سبيله ) لكنى احبذ دوما لغه الانحياز الحيادى بمعنى ان ادافع عما اؤيد دون ان اهاجم او احتد او اسخر او اقلل من شأن الاخر مهما كانت قوه معارضته لى و اختلافه معى فى الرأى ، فمن حق الجميع التعبير عن افكاره و ابداء اراءه مهما كانت دون ان يكون من حق احد ان يصادر على اراءه و هذه من حقوق اى انسان ( حق التعبير عن الرأى و حق عرض الافكار ) والتى تقع فى اطاره الحريات الشخصيه (حريه التعبير وحريه الفكر)
ارجو انك تاخد كلامى بصدر رحب فانا طبعا لم اتهمك بحده الطبع او الهجوميه ما شابه و كذلك لم اتهمك بالمصادره على اراء الاخرين ولكنى فقط اوضح لك بعض مما شعرت به و مما قد يشعر به اى شخص من خلال كلماتك برغم انك قد تكون لا تقصد و ربما يكون هذا هو اسلوبك وهذه هى طباعك الذى نحترمه جميعا ( اسلوبك) ولكن هذا الامرقد يتسبب فى الزعل لدى بعض ممن ( اختلفت )معهم مما يؤدى الى انخفاض الود بننا جميعا كزملاء واعضاء فى منتدى واحد.
و لقد وافقتك فى الرأى بالفعل فى بعض النقاط واذا راجعت كلامى هتلاقى دا واضح .
بالنسبه للاند روفر و جاجوار فهما شركتان بريطانيتان عريقتان ولهما اثر كبير و بصمه غائره فى مجال صناعه السيارات و هذا الاهر لا يختلف اثنان ولكنى لم اشاء عندما ذكرت لاند روفر واد ايه هيه قويه وجباره واتصدت للازمات عبر الزمن انى اقولك ان لاند روفر بمجرد حدوث الازمه الماليه العالميه انهارت وكانت هاتفلس هى وجاجوار لولا تاتا احقتهم واشترتهم و دا شراء نهائى مش مجرد مساهمه لا رجعه فيه لدرجه انهم اتفقوا مع تاتا على انشاء صندوق تأمينات للعاملين عشان حقوقهم ماتضيعش و طبعا وافقت تاتا على الصقفه واشترت الشركتين الجبارتين ، يعنى لاند روفر لا طلعت قويه و لا بتتصدى للازمات ولا ولا حاجه وحصلها نفس اللى حصل لكريسلر وحنرال موتوز ولو راجعت اخبار الاقتصاد السنه اللى فاتت وتحديدا فى بدايه الازمه الماليه العالميه اللى ابتدت تقريبا شهر تمانيه السنه اللى فاتت (بالمناسبه تاتا دى شركه صناعه سيارات هنديه صاحبها الملياردير الهندى الشهير راحيف تاتا ) لحسن تقول دا داخل يتفذلك علينا و لا حاجه . ( اصل دا جزء من دراستى وانا عملت السنه اللى فاتت بحث كامل عن الازمه واثارها وسبل مواجهتها )
لما جبت انا سيره جيب و هامر قولت عليهم جبابره لكن مقولتش فين ؟ لانى شايف ان دول جبابره فى امريكا و روفر فى اوروبا و فى النهايه الاتنين ليهم جمهور عريض هنا وهنا يعنى جيب وهامره بيبيعوا حلو فى اوروبا وروفر شرحه فى امريكا ولولا اختلاف الاذواق لبارت السلعه و انا ماقولتش ولا عمرى هاقول ان دول احسن ناس ولا دى احسن عربيات فى الدنيا ولا هاقول كدا ابدا حتى من وجه نظرى لانى اعتقد ان دا ممكن بيقى فيه شبه تعصب وانحياز و ضرب باراء الاخرين عرض الحائط دا اللى لا يمكن اعمله ابدا ، و التعبير مش جذل ولا حاجه دى مجرد استعاره ( على ما اظن اصلى ماكنتش ادبى ) و دا مش معناه انهم لوحدهم اللى الدنيا ما عنك فورد اهه بتعمل فور باى فور زى الفل وشغاله فى كل حته محدش قال عليها وحشه و بى ام ومرسيدس كمان وانفنتى و ميتسوبيشى وحت هيونداى و شغالين ولهم زبونهم و ميه ميه واهم مش متخصصيين دفع رباعى ولا حاجه اهم اما اسبابى انى بستظرفهم يعنى بيعجبونى كاشكال وتصميمات و كلام بقراه عنهم لكن اداء مخبيش عليك عمرى ما جربت اى وحده منهم !! بس
و نفس الكلام بالنسبه لكاديلاك ولعلمك انا من معجبى جاجوار وبنتلى الكبار big fan ، شوفت الكونتننتال ؟ حته تحفه !!
يعنى من الاخر انا لا منحاز لامريكان وضد اوروبيين لا دول و لا عمى ولا دول ولا خالى انا مع الصناعه الحلوه وبس
اما اعتراضى فكان على ان الحكايه راحت بعيد وخدت منحنى تانى ، منحنى مقارنه بين الامريكى والاوروبى ومين حلو ومين وحش ودفاع وهجوم فخشيت اننا نخش فى قصص تانيه ملهاش لازمه و ملهاش علاقه بالموضوع من اصله
عشان كدا قولت الكلام دا عشان نرجع للموضوع الاصلى .
الكمال لله وحده دى مش مجتاجه تعليق .
كل عربيه و ليها مميزات وليا عيوب و فعلا مفيش حاجه ولا حد فى الدنيا اجتمعت عليها او عليه الاراء سواء بالسلب او بالايجاب دا شئ طبيعى اوافقك الرأى عليه ومش محتاج تعليق ، لكن لما تختلف الاراء بالحده دى وبالشكل دا حولين عربيه يعنى ناس تقول عليها اسوء عربيه عبر العصور وناس تانيه تقول عليها اعظم عربيه فى الدنيا بيقى لازم اسال عشان افهم ايه الحكايه، ادينى رديت على سؤالك برغم انك مرديتش على سؤالى وجاوبتنى بسؤال تانى .
انا بس ضد الانحياز والتعتصب مش اكتر . وعلى فكره انا لما كتبت الكلام دا ماكنش موجه ليك تحديدا لكن و لا موجه لحد لكن كان مجرد تعبير عن رأى المتواضع غير الخبير فى الموضوع و اعتقد ان احساسك بأنى لا سمح الله عاوز اشكك فى كلامك ولا اطلعك غلطان او حتى انى احسسك ان العربيات الامريكانى احسن عربيات فى الدنيا اسمح لى ماكنش فى محله وانا عمرى ماقولت ولا هاقول كدا .
وفعلا محدش بيفهم فى كل حاجه و المنتدى مرجع رائع فعلا يا رب يفضل كدا على طول باعضاءه الكرام ومجهوداتهم المشكوره.
وانا معاك معاك ان المغالاه و المبالغه فى اظهار عيوب شئ او مميزاته كذلك خطأ ولا ينبغى ان تحدث و ينبغى على كل انسان توخى الدقه والحياده عند اباء الرأى يعنى زى ماتقول الحو قول الوحش والعكس صحيح طبعا
اشكرك على تدقيقك فى مدى دقه تعبيراتى واتمنى انى مكونش طلعت ببالغ و اسف اذا كان دا عن غير قصد .
و فى النهايه انت لا غلطان ولا حاجه يا سيدى العفو ومعاك حق لو انا عايز فعلا اجابه شافيه مع احترامى لاراء كل الزملاء الاعضاء واراءهم كلهم على راسى من فوق اللى وحشه واللى قال حلوه لازم اجرب الميجان بنفسى واحكم
شكرا لمرورك .
و.....
اوعى تزعل ............. فاهم ولا لأ ؟ LOL

و شكرا

رد: ما هى حقيقه رينو ميجان ؟
 

أستاذ محمد طالما أن مجال دراستك يشمل مجال كهذا يبقى أكيد كلام حضرتك له قيمه علميه و يجب ان تحترم
و وجهات نظرك واسلوب عرضك لها أراه جدير بالاحترام والتقدير

شكرا لك أسلوبك العلمي المهذب :260309~146:

رد: ما هى حقيقه رينو ميجان ؟
 

الف شكر يا استاذ بايو على مجاملتك اللى الرقيقه
العفو انا مجرد انسان بسيط بحاول اتعلم من الاخرين اللذين يفقوننى علما و خبره فى اى مجال وانا لا استحى انى اقوا مش عارف او مش فاهم و احاول اتعلم من اللى سبقونى فى اى مجال واتعلم منهم .
وانا مؤمن بان "الاختلاف فى الراى لا يفسد للود قضيه" و ان "رأى خطأ يحتمل الصواب ورأى غيرى صواب يحتمل الخطأ".
وانا الحمد لله مفيش بينى وبين اى حد هنا زعل و انا متهفم لان اى حد ممكن يتحمس زياده حبتين لكنى خشيت من ان الموضوع يتحول لمناظره و جدال عقيم يخلى الموضوع - لا قدر الله - يبقى شبه ساحه المعركه فيها دفاع وهجوم و كل واحد يتشبث برأيه و بيقى الكلام على طريقه الفضائيات اللى بيجيبو الضيوف عشان يتعاركو فيها مش يتناقشوا . برغم ان الحكايه مش مستاهله الموضوع عباره عن سؤال و جواب بس لا مناظره و لا جدال ولا مقارنه و اى حاجه يعنى ببساطه اللى عنده تجربه يلخصها سواء سيئه او جيده( زى مانتا عملت) ويحاول يفيدنا بيها بس يعنى كل واحد يبدى رأيه فى هذا الاطار .
و على رأى الزميل شاتو كل حاجه نسبيه و وجهه نظر حتى الخير والحب نفسهم بالنسبه للبشر ، لكن القيم المطلقه موجوده زى الحق والعدل والسلام والا ماكانش ربنا نفسه سمى و وصف نفسه بيهم و تجلى لعباده على انه مصدرهم سبحانه وتعالى لكن طبعا هو كان يقصد ان مفيش قيم مطلقه فى صناعه السيارات مش فى الدنيا وانا فهمت قصده عشان كدا معاقتش على الحته دى ، وعشان ما نخرجش من الموضوع الاصلى وندخل فى جدل فلسفى ملوش اخر ( ربنا يكفينا شر الفلسفه و اللك اللى فيها LOL).
اما المناظره والجدل دول بقى يتعملو فى موضوع لوحده ( وبصراحه مااظنش انى ساعتها هاشارك فيه لانى مبحبش الجدال ).
وانا لولا ضيق الوقت كنت كتبت فى ردودى السابقه اكتر من كدا بس للاسف ماعنديش وقت فراغ كافى عشان كدا تلاقينى باكتب فى المفيد و مش باكلم فى كل حاجه والا كنت كتبت خمس اضعاف اللى كتبته قبل كدا .

شكرا ليك مره تانيه على المرور الكريم
و اللى اللقاء

رد: ما هى حقيقه رينو ميجان ؟
 

انا معايا الميجان والحمد لله انا شايف لحد دلوقتى انها سيارة هايلة بكل المقاييس وانا فضلتها على الاوكتافيا والكورولا وانا بشترى وده بناءا على ركوبى لهذه السيارات و قناعاتى الشخصية. بس مش اى حد يركب الميجان . تماما زى مش اى حد يركب المينى او الفيات 500 او السوبارو او الاودى او الفولفو او الساب. أنا شايف ان الميجان فيها المواصفات دى:
-احلى سيارة فى فئتها مع السيفيك من الخارج والداخل
- أأمن سيارة فى فئتها 5 نجوم
- وسعها معقول جدا جدا من الداخل
- كماليتها اللى موجودة من 4 سنين باقى السيارات بتحاول تقلدها دلوقتى
- مريحة جدا جدا جدا فى السفر
- ثابتة جدا وخاصة على المنحنيات وعلى سرعات كبيرة
-ناعمة جدا
-مثالية فى التعامل مع المطبات
-مصفحة من الاسفل ومزودة بقضبان حماية
- افضل توكيل فى مصر

العربية فيها عيبين:
- متنفعش للشباب الاهوج اللى عايز يوصل لسرعة 200كم/س فى 10 ثوانى وفاكرين نفسهم راكبين عربيات سباق
- لازم يتعملها صيانة دورية منتظمة ومينفعش تروح لعكاشة الميكانيكى او يركبلها قطع غيار من عند بقله بتاع الصينى

الموضوع مش ايه اللى بيتباع فى امريكا ولا ايه اللى مغرق اوروبا ولا ايه اللى بيفضلوه فى الخليج، الموضوع انا فى مصر شايف ايه افضل سيارة تناسبنى واجيبها وبالنسبة لاعادة البيع ممكن تجيب عربية بتتباع بدون خسارة تركنها وتطلع تنام يدخل فيها بلدوزر وهيا راكنة تتباع خردة. اللى بيشترى عربية غير اللى بيشترى شقة او حتة ارض ياريت نفهم ان السيارات سلعة استهلاكية مش استثمار بنسقع فيه فلوسنا. العربية دى مكنة بنسبها فى الشارع ممكن تتخبط او تتسرق او يحصلها اى حاجة ماينفعش واحنا بنشتريها نفكر فى بيعها.

واخيرا لو رجع بيا الزمن ليوم ماشتريتها اكيد اكيد كنت هاشتريها تانى وشكرا

رد: ما هى حقيقه رينو ميجان ؟
 

ana shaief en el megan 3rbia kwisa w m7trma, hia mshkltha bs s3r e3adt be3ha w7sh 7bten, w kt3 3'iarha mes mtnasba m3 se3r el 3rbia (3'lia nsbian) w feha 7bt mshakel, bs kl el 3rbiat feha msghakel, hia ah mshakelha ktera shwia bs mesh ldrgt enna n2ol 3rbia fashla, lakn hia mesh 3rboa ng7a

رد: ما هى حقيقه رينو ميجان ؟
 

السلام عليكم
معلش ممكن حد يقولى سعر الميجان موديل 2007 او 2008 اي الفانوس الجديد بتبتدي من كام علشان انا بدور علىها و مش لاقى الاسعار ديه
اصحابها بيطلبوا 80 الف وانتا طالع
حد ممكن يوقولي سعر البيع الحقيقي علشان لما ازهئ منها ماخسرش