|
رد: نايل موتورز الحرامى المسروق
اقتباس:
بعد متابعتي للموضوع من الاول سؤال بقي انت بقي مين عشان تقيم وتقول ان اللي هناك بيفهموا اكتر من اللي في مصر موتورز وبالنسبه للملل وان المنتدي هنا نايم طب ما قولتش الكلام ده لنفسك ليه وانت مشترك بقالك ازيد من 3 سنوات ومشاركاتك لم تتعدي ال 200 مشاركه فين نشاطك انت الاول عشان تتهمنا او تحثنا علي النشاط ومالك ياعم داخل فارد صدرك علينا كده ليه وانت مش غلطان ومعملتش حاجه امال احنا اللي عملنا وبما ان المنتدي وحش وممل وابو نورا ديكتاتوري واحنا كأعضاء مبنفهمش في العربيات زي حبايبك اللي بيفهموا هناك وانت ولا وقف ولا حظر يهم داخل ليه هنا بقي :23_10_13: |
رد: نايل موتورز الحرامى المسروق
اقتباس:
انا من الاول والله شايفك مظلوم واتاكد من شوية حذكرها في اخر الكلام وبصراحة الي البشمهندس صفوت اتقي الله واستغفر ربنا لانك نميت في الراجل دة وافشيت سرة والي الاستاذ crazydeepman انك تقول كلام في حق الاعضاء في الغياب مش كويسة يا سيدي صديقي العزيز كار امير عامل جروب اسمة مخربين السيارات واوقات كتير بنجد تهكمات علي مواضيعنا مش عيب انت شايفنا مش كويسين اعمل موضوع ولم اخطاءنا ياسيدي وما اوتيت من العلم الاقليلا ثانيا انا حعرض لك حاجة ما اعرفش حتزعلك ولا لا واتمني من الله انك تسامحني عليهم عارف في الافلام الاجنبية ما بيقبضو علي مشتبة فية بيقلولو اية الزم الصمت الزم الصمت والا اخذنا هذا الكلام ضدك ودة الي حصل معاك هنا الكلمتين الي عرفوني انك مظلوم انك عملت موضوعين هناك بتثتغيث بحد يجي يرد اغلقو لك موضوع والتاني حذفوة بصراحةانت صعبت عليا في الموضوعين جدااااااا وبصراحة انا زعلت من قرار الادارة هناك في مثل ذلك وممكن اعرف يعني اية غلق بقرار اداري بحت وبموضعك هناك تسببت في اهانتنا جميعا هنا الله يسامحك بس اظن الان انت ممكن تقرر الصح فين اة نسيت انهم راضوك في رسالة خاصة |
رد: نايل موتورز الحرامى المسروق
اقتباس:
نصيحة اخوية الكلمتين الحلوين الي بعتوهم لك في رسالة وانت شكرتهم اوعي حد يستدرج وتقول عليهم علشان الموضوع ما يكبرش اظن انك عرفت الصح فين وخليك بعيد:fun_36_3_11[1]: |
رد: نايل موتورز الحرامى المسروق
عمرو بيه ردك و كلامك على راسي من فوق
بالنسبه لاستاذ رامي والموضوع خلص خلاص كانت نيه و كويس انها فشلت و بالنسبالي انا ممكن اكون كلمت عضو و قولت في حق المنتدي كلام بس مكنتش اقصد اساءه ليكم كاعضاء انا اتكلمت في قصه التفاعل و المشاركات لكن فهم اعضاء طبيعي ان بيبقى الدتيا فيها ناس اساس و دول قله والباقي سنيده وبالنسبه لقرار الحذف و التراضي اللي حصل بعديها انا هارف انك بتنصح نصيحه اخويه لكن الواحد مش صغير يا صديقي 30 سنه لكن من وظيفتي الحمد لله مفيش صنف بني ادم متعملتش معاه متقلقش الواحد عرف الصح من الغلط بس ارجع واقول تاني اللي قولته قبل حتى التراضي انا لا يخصني اداره هنا او هناك انا يخصني المنتدي نفسه واخر حاجه بالنسبه للايقاف لا تقلق احنا منعرفش بعض شخصيا( طبعا وانا اتشرف بمعرفتي بيك شخصيا) لكن انا ورا صحبي حتي الموت.... الجيش علمني كده ( الموضوع اكبر من رساله على الخاص يا سيدي) Sent from my LT26i using Tapatalk |
رد: نايل موتورز الحرامى المسروق
شوف يعنى انت قولت مش هترد على وانا احترمت رغبتك لانى للمرة المليون بكرر الموضوع مش شخصى معاك
ولا هعتبر ابداً ان ده موقف كافى لانى احكم عليك ولا اعرفك وتبقى غلطان لو تخيلت برضو انك تعرفنى بس انت بتوجهلى كلام دلوقتى تانى وانا بقولك مع احترامى للى علمهولك انا كمان ورا مبادئى حتى مع بعد الموت مش الموت بس علشان ديه اللى هبعث عليها يوم القيامة وهنحاسب عليها قدام ربنا صاحبى اللى يطلع حرامى او خاين او كذوب اديله بالجزمة ومعرفوش وعمرى ما ادافع عنه انا كدة عندى محرمات ثلاته كدب سرقة خيانة طماع طفس غبى ندل دمه يلطش اى طبع تستحملة فى صاحبك لكن متصاحبش حد فيه حاجة من التلاته دول خدها منى نصيحة اخوية المرة دى حتى باعتبار السن بدام بتتكلم فى السن اللى اكبر منك بيوم بيقولو فما بالك بسنين |
رد: نايل موتورز الحرامى المسروق
شكرا يابو نورا لردك وحاخد بنصحتك
Sent from my LT26i using Tapatalk |
رد: نايل موتورز الحرامى المسروق
انا عملت اللى يمليه عليا ضميرى يا سيد عمرو . عملية تفريغ المنتديات من عناصرها الفعالة تصرف غير اخلاقى و بتعمله الدول الاستعمارية فى تصفية الدول النامية زى بتاعتنا كده من عقولها و تاخدها بره و تقتل اللى يعاند ويقعد
الموضوع مكنش شخصى و لا سر لأن ده فيروس لو سكت عليه هينتشر فى المنتدى كله و مسير حد يتكلم لو انا سكت غيرى هيتكلم و بعدين انا ملياش فى الموضوع كله ناقة ولا جمل لا انا باخد نيشان مثلا انى بكتب هنا ولا بعمل فلوس من الموضوع ولا ليا مركز بسوقله ولا بوجع دماغى بالكار ده انا بنقل تجارب شخصية عشان لو غيرى اتحط فيها يعرف ايه اللى حصل و هو ياخد قرارت مبنية على خبرات عملية يا اما بحط افكار جديدة تخلى حياتنا افضل فبدل ما بحتفظ بيها لوحدى بقول صدقة معلومة وبحطها يمكن واحد ينتفع بيها انا مليش منتديات تانية اساسا بدخلها هو القرية الالكترونية كنت فيه من 2006 ل 2009 و بعد كده وقفت النشاط لما عرضت على فهد المنصور مؤسس المنتدى انى اعمل قسم للأختراعات و الافكار الجديدة و اتحط للتصويت و مجبش اصوات فقولت خلاص كفاية كده و رحت ماشى و لحد انهارده انا و فهد اصدقاء على الفيس و بنتكلم عادى مفيش مشاكل و لسه عضويتى الذهبية زى ما هيا و مصر موتورز دخلته لما لقيت عبط و غباء الميكانيكية فقولت يبقى ليا تواصل مع بيقة الناس و نفيد و نستفيد مع انى مش اول مره السنادى اركب عربيات كان عندنا السفينة و قبلها ال28 لكن الموضوع كان عادى بالنسبالى لما لقيت مستوى تانى من التعامل و التعقيد و لقيت ان فتاوى الميكانيكية بتودى فى داهية و شوفت ده بعينى مع الجول قررت اشارك مع مجتمع موجود على الاقل محدش يحصله اللى حصلى بقية المنتديات معتقدش انها ليها علاقة بالعربيات او اللغة العربية منتدى لمطورى الهردوير الهادروير ديفيلوبر سنترال و ده تبع ميكروسوفت و منتدى للأنوفيشن ماركت و منتدى الساينس دايركت سيكر للناس اللى بتحمل اوراق بحثية من الساينس دايركت بنتبادل التحميلات عشان بفلوس و منتدى للى بيدورو على زواج من مسلمات اجانب عشان لو هاجرت قبل ما اتجوز من مصر ابقى عارف عائلات كويسة فى الغربة اخد منها اما نايل موتورز انا ملياش لا عداوة ولا صداقة معاها بس بعد اللى نشره وائل انا متعجب جدا من موضوع التبرعات و الفلوس و الجو ده - ما تنظمو ايفينتات و لا ريس ولا كارتنج تكسبو منه بدل الجو ده و بعدين انا مستغرب مصر موتورز مش محتاجه دعايا لأن الميتا تاج بتاعتها قوية جدا فجوجل بيعملها فى الاول بسهولة و لو على الميديا اكلم حبايبى الصحفيين بعد هوجة الدستور و الاستفتاء انزل كام مقال حلوين و ليكم فى اقرب لقاء تلفيزيونى كلمتين حلوين و لو المنتدى هنا عنده حد عاوز يتكلم فى الميديا عن المنتدى و عنده الكارزيما وائل يبلغنى بيه و انا هرتبله الموضوع و بدون ما نتكلف ولا ملميم ولا اعلانات مدفوعة و لا حاجه الرابط يتحط على الشاشة و هما بيرغو و خلصت على كده |
| الساعة الآن 12:16 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017