مصر موتورز مجتمع السيارات - اللوجان بعد الـ 100 الف كيلو

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - اللوجان بعد الـ 100 الف كيلو (https://www.masrmotors.com/vb/showthread.php?t=101094)

رد: اللوجان بعد الـ 100 الف كيلو

تسلم ايدك على التقرير

رد: اللوجان بعد الـ 100 الف كيلو

اقتباس:

المشاركة الأصلية كتبت بواسطة Mohamed Magdy (المشاركة 785811)

بسم الله الرحمن الرحيم
كل سنة وانتم طيبين بمناسبة عيد الاضحى المبارك
أعاده الله عليكم وعلى الاسرة الكريمة بالخير واليمن والبركات

انا بعيد عنكم من فترة طويلة يمكن تعدت السنة كاملة

لما دخلت اتصفح المنتدى وجدت ان مفيش حد وصل للـ 100 الف كيلو مع اللوجان

ووجدت البعض يتسائل عن احوالها بعد 100 الف

مبدئيا انا تحت امركم فى كل التساؤلات بس هضيف لكم بعض الانطباعات والامور الخاصة بالسيارة خاصة فى الشهور الاخيرة
سيارتى موديل 2010 فول اوبشن ترخيص مارس 2010
واللوجان الان 103 الف كيلو

قطع الغيار التى تم تغييرها حتى الان :

التيل الامامى

تم تغييره عند 44 الف والثانية من اسبوعين بس نوع سيئ وفى احتمال انى اغيره واركب واحد جديد

التيل الخلفى

غيرته مرة واحدة عند 25 الف كيلو

الكوبلن الشمال

اكتشفت عيبه عند 77 الف تقريبا ومشيت حوالى 20 الف كيلو أو اكثر بقليل بالكوبلن الشمال وهو تعبان وتم تصليحه فى صقر قريش لكن رجع لحالته القديمة بعد يومين فقط ونظرا لأن الصنايعى قاللى ان الكوبلن ده ممكن تمشى بيه لحد ما الكوبلن يعمل صوت عالى زى كارونة الفيات القديمة فمشيت بيها بالفعل واستحملتنى والصوت معليش وسافرت بيها حوالى 3 مرات لاسكندرية بدون أدنى مشكلة لحد ما غيرته ووقتها فوجئت ان المساعدين الشمال ضرب

المساعدين الشمال

ماشى بيه بقالى شهرين والمفروض هغيره بعد العيد مباشرة .. ولا انصح بالمشى بمساعدين ضارب زيت لان العربية بتتعب مع المطبات خصوصا المطبات الضخمة ولولا قلة الماديات كنت غيرته فورا

البطارية

غيرتها عند 90 الف بعد ما فرقعت .. الاول طلعت ريحة كلب ميت وكانت الريحة لا يمكن تصديقها وكنت متخيل ان العيب من بره العربية لكن لما الريحة فضلت اكتر من ساعة تروح وتيجى وعلى ما روحت البيت ولقيت الشارع كله رحته زفت عرفت ان العيب من العربية ولما بطلتها مردتش تدور تانى وغيرت البطارية

الكاوتش

غيرته مرتين الاولى عند 44 والتانية عند 85 لانى مبحبش اصبر على الكاوتش ولازم اغيره لما يجى وقته خصوصا لو كانت الخروم كتير

ديسكات الفرامل الامامية

تم تغييرها من اسبوعين مع التيل الامامى ووقتها كانت 100 الف تقريبا

طنابير الفرامل الخلفية

زى الفل ومتلعبش فيها

التكييف

من يوم ما بطلت اعمل صيانة فى التوكيل وكل يوم أداءه بيضعف وشكله عاوز يتعمله صيانة

الماتور والريداتير وخلافه

كله تمام الحمد لله وبغير زيت توتال 5000 كل 9 الاف كيلو تقريبا وفى كل مرة الزيت بينزل زى الفل وكأنه جديد .. ومن شهر العربية عطلت منى وسخنت وده كان بسبب صدى بماسورة حرف تى اتخرمت وغيرتها وبعدها بأيام اتقطع واير الدبرياج وغيرته

ملحوظة

اللوجان لما قربت على الـ 100 فتحت بقها وكل شوية محتاجة شئ جديد يتغير بس كل اللى غيرته كان سوء استخدام او ده عمرها الافتراضى
وقريت ان فى حاجة اسمها ثروتل بادى المفروض بتتغير بعد 70 الف ديه بقى معرفش هى ايه اصلا

وبالنسبة للعربية ففيها شوية خبطات ونقرات وخدوش ومش عاوز اعملها سمركة ودوكو الان وسايبها لحد ما تتبهدل اكتر :)
بالنسبة لثبات العربية واتزانها وموتورها فكله زى الفل وكأنها زيرو
والعفشة عاوزه كشف عليها فربما تكون محتاجة قطع غيار جديدة

وتحت أمركم فى اى استفسار

ربنا يباركلك فيها

رد: اللوجان بعد الـ 100 الف كيلو

اقتباس:

المشاركة الأصلية كتبت بواسطة عاوز عربية (المشاركة 823263)

بجد موضوع هايل وتسلم ايدك وربنا يطرحلك فيها البركة بس انا ليا كذا استفسار :

- حضرتك ذكرت انك صلحتها في صقر قريش ممكن اعرف اسم الورشة وعنوانها لاني قريب من صقر؟
- قطع غيار العربية بتجيبها منين؟
- ليه حضرتك خرجت من الضمان قبل ميعاده (سنتين او 100 الف)؟

انا لوجي عاملة ليسا 10 الاف والحمدلله ربنا يبارك فيها شايلاني بس خايف اوي من مرحلة فتحة البق خايف مسدش عليها مع التوكيل بتاعها.

الف شكر على سعة صدرك

العفو يا غالى وانا تحت امرك واسف على التأخير فى الرد
للاسف مش فاكر الورشة وعنوانها بس عارفها بالشبه فقط مش باسم الشارع والصنايعى متخصص كبالن فقط لكل السيارات
وخرجت من الضمان والتوكيل لانى لقيتهم زى عدمهم بعد 50 الف ومش محتاج لا ضمان ولا صيانة لانها زى اللى بره

رد: اللوجان بعد الـ 100 الف كيلو

ذكرت فى موضوعى انى غيرت سيرالكاتينة واتأسف على ذكر ذلك لان سير الكاتينة مغيرتوش لحد دلوقتى 125 الف واللى غيرته كان سير الدينامو والبليتين على 40 الف و124 الف لذلك وجب التنويه والاعتذار

رد: اللوجان بعد الـ 100 الف كيلو

اقتباس:

المشاركة الأصلية كتبت بواسطة Mohamed Magdy (المشاركة 883926)

هل حضرتك متأكد أنك لم تغير سير الكاتينة حتى الآن ولا مرة ؟ فى هذه الحالة أنصحك بأن تغيره فورا لأن المفروض يتغير على 60 ألف كيلو واذا انقطع فجأة سوف يسبب أضرارا خطيرة للموتور مثل اعوجاج الصبابات أو تحطم البساتم أو غيرها . كفاكم الله شر هذه المشاكل .

رد: اللوجان بعد الـ 100 الف كيلو

Jemmy
انا هغيره فعلا الاسبوع ده ومش هستنى عليه لانى عرفت انه المفروض يتغير عند 60 الف وده محصلش

رد: اللوجان بعد الـ 100 الف كيلو

ربنا يباركلك فيها يارب

بالنسبة للكوبلن انا رايح الصيانة يوم الاحد 26 -5 فى صوت تكتكة ابتدى يبان من ناحية الشمال اكتر من واحد قالى دة ممكن يكون الكوبلن العربية عاملة 41.500 كيلو والعربية هتخرج من الضمان 20-6-2013
السؤال هنا الكوبلن الضمان بتاعة 3 سنين ولا اقل ولا بعدد الكيلو مترات انا موش فاهم وبردووا بسمع صوت تزييق جى من المساعد الخلفى يمين .. انا مليش خبرة فى العربيات ممكن تفدنى ...