مصر موتورز مجتمع السيارات - ثرموستات الكوعة.... المفترى عليه

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - ثرموستات الكوعة.... المفترى عليه (https://www.masrmotors.com/vb/showthread.php?t=97486)

رد: ثرموستات الكوعة.... المفترى عليه

اقتباس:

المشاركة الأصلية كتبت بواسطة ahmedraafat00 (المشاركة 943598)

هوه فعلا واضح ان الحراره عندى مش متظبطه خالص انا النهارده سخنت العربيه 5 دقايق وبعدين سوقتها نص ساعه متصله على سرعات 80-90 ومؤشر الحراراه كان فى اول الربع الأولانى تفتكر حضرتك ده ممكن يسكون سبب لأستهلاك البنزين ؟ انا فى الزحمه بحرق 40 لتر على 80 كيلو :(
دى صوره لمؤشر الحراره بعد مشى نص ساعه على سرعه 80-90
http://im31.gulfup.com/gq97Q.jpg

الوضع ده سبب رئيسي لارتفاع استهلاكك البنزين

طيب ليه انخفاض الحرارة بيبقى سبب في زيادة الاستهلاك؟؟؟

أنا أقولك..

أولا.. انخفاض درجة الحرارة بيسبب امتصاص الحرارة من حجرة الاحتراق، وبالتالي بيحصل كذا حاجة:

1- الاشتعال ممكن بيبقى ضعيف .. أو بمعنى أصح .. أحيانا ممكن الشرارة ما تنجحش في إنها تعمل إشعال لكل البنزين اللي دخل.
2- الحرارة اللي بيمتصها جدار السلندر بتأثر على حجم الغاز اللي بيتولد من الانفجار... بمعنى إن الغاز حجمه هيقل نتيجة إنه بقى أبرد... وبالتالي دا بيضعف عزم الموتور.
3- لو غرفة الاحتراق كانت أبرد من اللازم.. ده بيخلي الاحتراق نفسه ما بيتمش بصورة كاملة، وبالتالي ده بيظهر في صورة هباب وسواد بيطلع من الشكمان وتقطيع في أداء الموتور.

طبعا... كل الكلام ده بيخليك تضطر تدوس بنزين زيادة علشان تاخد عزم معقول من الموتور، وبالتالي استهلاك البنزين بيزيد بشكل كبير جدا.

ثانيا.. الخلوصات بتاعت أجزاء الموتور ما بتبقاش مظبوطة ، لإنها محسوبة على أساس درجة حرارة التشغيل والثرموستات موجود، وبالتالي ده كمان ممكن يخلي جزء من الضغط جوه السلندر يهرب للبلوك.. وده كمان معناه عزم أقل...

ده بالإضافة إلى إن الوضع ده ممكن يكون سبب في تآكل زايد لأجزاء الموتور بسبب إن بعض أجزاؤه بقت قافشة أكتر من الطبيعي وأجزاء تانية بقت مبوشه... وده كله بسبب تمدد المعادن مع الحرارة

الطبيعي لما تركب الثرموستات إن تسخين الموتور ما ياخدش أكتر من 3 دقايق.. منهم 30 ثانية بالكتير قبل ما تتحرك بالعربية عشان نضمن إن الزيت وصل لكل أجزاء الموتور قبل ما نبدأ نحمل عليه حمل تحريك العربية.

...

رد: ثرموستات الكوعة.... المفترى عليه

السلام عليكم
هل عند تغيير الكوعه يلزم تغيير الترموستات ولا لا ؟
(الكوعه عندى اتاكلت وسربت وغيرتها بدون تغيير الترموستات والحمد لله المراوح بتشتغل فى ميعادها وبتفصل طبيعي )( فيرنا)
وشكرا

رد: ثرموستات الكوعة.... المفترى عليه

اقتباس:

المشاركة الأصلية كتبت بواسطة waelsalah (المشاركة 983775)

لو أداء ثرموستات الكوعة سليم .. فلا يلزم تغييره

طيب إزاي تعرف إنه سليم؟؟

يعني العربية لما بتبقى باردة تماما بتسخن بسرعة وتثبت على درجة الحرارة (قبل نص المؤشر) طول ما هي شغالة..

لو عندك تأخير في التسخين أو عدم ثبات في درجة الحرارة يبقى الثرموستات فيه مشكلة ولازم يتغير

أنا عموما شفت موضوعك التاني
http://www.masrmotors.com/vb/showthread.php?t=133144

المية الخضرا ليها نسبة بتتحط بيها حسب درجة الحرارة الخارجية.. ولازم تتأكد إن المية اللي بتحطها مش بتتفاعل مع معدن الموتور.

ارجع لكتالوج العربية أفضل ي الموضوع ده.

...

رد: ثرموستات الكوعة.... المفترى عليه

الحمد لله
العربية لما بتبقى باردة تماما بتسخن بسرعة وتثبت على درجة الحرارة (قبل نص المؤشر) طول ما هي شغالة.
جزاكم الله خيرا

رد: ثرموستات الكوعة.... المفترى عليه

كلا صح جدا .. وانا شايف ان الترموستات المفروض يتغير تغيير وقائى كل 20 الف كيلو مثلا لتفادى انه يعلق و ما يفتحش وخصوصا ان سعره لا يتعدى ال50 جنية لمعظم العربيات