رد: مشكلة محيرة جدا فى الماتريكس
 

الاخوه الأعزاء توجهت بالأمس الى أحد مراكز الصيانه المهم علشان ما اطولش عليكم العربية كان فيها مشكلتين المشكله الأولى كانت بتغيب فى الدواره وهى سخنه وفى الآخر تبين انها فبرة الكونتاكت بتعلق وللأسف هى ناقصة فى السوق شوية مش هنلاقيها هنضطر نغير الكونتاكت وبالنسبة لأن العربية كانت ساعات بتقطع لدرجة انها بتبقى متلته تبين ان الفيشة بتاعاة الكهرباء اللى داخله على المبينة كانت مقطوعه والميكانيكى الغبى كان معدل فى المبينه وركب فيشه تانية فالفيشة دى ماكانتش موصله كهرباء صح وبالتالى العربية كانت لما تاخد مطب ساعات بتقطع وشكرا لكل اللى اهتم ورد على المشكله

رد: مشكلة محيرة جدا فى الماتريكس
 

الحمد لله
و فعلا جزاك الله خيرا على نقل التجربة

رد: مشكلة محيرة جدا فى الماتريكس
 

الحمد لله ان المشكلة انتهت
بس انا اعرف ان فبرة الكونتاكت لما تعلق ما توصلش كهربا للمارش فما يدورش اساسا
وبعدين ايه علاقة السخونية او البروده بالفبرة كونها تشتغل والعربية باردة وتعطل لما تكون سخنة الصراحة انا مش مقتنع ان ده كان سبب المشكلة ... بس عموما خير ان العربية بقت تمام معاك

رد: مشكلة محيرة جدا فى الماتريكس
 

أشكر لحضرتك متابعتك للموضوع ببساطه لما تدور بالمفتاح وتدوس عليه جامد العربية كانت بتغيب فى الدواره ولكن لما بتلمسه بالراحه شوية وتثبت ايدك كانت بتدور على طول ده الاختبار اللى المهندس عمله وبناء عليه قرر انها فبرة الكونتاك وبينى وبينك انا لما لقيت الموضوع هيتحل ماسألتش فى منطقيته لأنى كنت تعبت واتكلفت وقت ومجهود وفلوس كتير ومره تانيه اشكرك واشكر كل اللى تابع المشكله باهتمام

رد: مشكلة محيرة جدا فى الماتريكس
 

من فضلك هى العربيه كانت بدور وتعتل وهى سخنه وﻻ مكنتش بدور خالص . انا عندى نفس المشكله بتاعتك. ابدء من فبره الكونتاكت