مصر موتورز مجتمع السيارات - جيت اكحلها عميتها

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - جيت اكحلها عميتها (https://www.masrmotors.com/vb/showthread.php?t=94651)

رد: جيت اكحلها عميتها

اقتباس:

المشاركة الأصلية كتبت بواسطة Vanditta (المشاركة 748465)

جزاك الله خيرا استاذ borio1704 على المعلومات دى شكر وتقديرSLAM:fun_36_3_9[1]:

بس هى الصورة دى لاسبراتير عادى ولا الكترونى !!
اصلى ملاحظ فيها وجود ابلاتين وكوندينسر واللى اسمعة عن الاسبراتيرالالكترونى انة مافيهوش او مابيتغيرلوش ابلاتين وكوندنسر !!
اصل انا اللى عندى الكترونى:shyy:

ياااا رااااااجل... مش تقول كده من الأول :)

عموما... كده الموضوع بقى واضح.... وزي ما قالك الأستاذ هشام الجزار... اتأكد من اتجاه الشاكوش مع تقسيمة البوجيهات

آه صحيح... انت متأكد إن أسلاك البوجيهات واصلة في أماكنها صح؟؟؟

غالبا هتلاقي وش الاسبراتير مترقم حسب التقسيمة... اتأكد إن رقم 1 متوصل على بوجيه السلندر نمرة 1، و2 مع 2 ... وهكذا

بس في العربيات الياباني غالبا الشاكوش بيركب في وضعية واحدة... لو لقيت لخبطة يبقى لازم الاسبراتير يتشال ويتلف الترس بتاعه على الظبطة الصح

...

رد: جيت اكحلها عميتها

اقتباس:

المشاركة الأصلية كتبت بواسطة miam0502788391 (المشاركة 748320)

جميل اوى المناقشات دى
بالمناسبة بقى سؤوال على الماشى عن الفاكيوم ؟؟؟
اعرف منين انه تلف وانه مش شغال ؟؟؟
اصل العربية عندى بطقطع تقطيعة خفيفة وساعات بتكون كبيرة خصوصا لما العربية تكون باردة وتحس ان العربية قطعت كهربا والكهربا رجعت تانى فجأة ودفعة واحدة الكلام ده لما اكون مهدى عند مطب مثلا واكبس بنزين بعد المطب , بالظبط كده زى ما يكون الميه قاطعة وتقوم مشغل موتور الميه تقوم الميه تجىء دفعة واحدة وبقوة
وبسؤال الميكانيكى قالى ان ده من الفاكيوم وده مش موجود يعنى مش بيتباع لوحدهوكيف نفسك على كده
هو ممكن يتباع لوحده ؟؟؟ ويعمل كام لعربية اكسيل
يارب تكون الفكرة وصلت

اسمحلي أصحح بعض المصطلحات

الفاكيوم (Vacuum) يعني شفط... وده شيء بيتولد بشكل طبيعي في الموتور، واللي بيحصل إننا بنستغل وجود الظاهرة دي في تشغيل أجزاء تانية... زي تقديم الكهرباء على سبيل المثال

اللي بايظ عند حضرتك هو (الديافرام) Diaphragm ، وده جزء ميكانيكي جواه رقاقة جلدية متثبتة على عمود... ومع اختلاف الضغط الرقاقة الجلدية دي بتحرك العمود

الديافرام بيستخدم في استخدامات ميكانيكية كتير في العربيات والماكينات بشكل عام

بص على الصور دي كده

ده شكل الديافرام من برة
http://1.2.3.4/bmi/cdn0.autopartsnet.../640/VC181.jpg http://1.2.3.4/bmi/www.v8engines.com...e-on-dizzy.jpg

وده تركيبه من جوه

http://1.1.1.1/bmi/0.tqn.com/d/autor...7/41985183.gif

الديافرام في الحالة بتاعة الاسبيراتير بيحرك قاعدة الأبلاتين في اتجاه تقديم الكهربا...

زي الصور دي:

http://1.1.1.3/bmi/www.howacarworks....9d05e0ed_s.jpg http://3.bp.blogspot.com/-cSTA-iw4IW...+operation.png http://2.bp.blogspot.com/-CLdzfSB2nw...600/vacuum.png

المشكلة بتحصل لو الجلد ده اتخرم

لو عايز تعرف إذا كان شغال كويس ولا لأ... اخلع الخرطوم بتاع الفاكيوم من الكربيراتير واشفط في الخرطوم... لو لقيت فيه تنفيس (يعني كإنك بتشفط في شاليمو) يبقى عندك تسريب

شوف الخرطوم نفسه الأول... يمكن يكون العيب منه

...

رد: جيت اكحلها عميتها

اقتباس:

المشاركة الأصلية كتبت بواسطة Hisham.Elgazzar (المشاركة 748494)

يا أستاز مصطفى انا قلتلك من زمان اوى اوى الجهاز معايا فى شنطة العربية
هتعدى عليا نظبط العربية سوا
وعندى كل قطع الغيار اللى انت عاوزها والحمدلله وبفضل الله أمتلك عدد تعمر مواتير
وكفاية زيارتك الكريمة مش هتكلفك غير شوية بنزين 80
وساعة ولا ساعتين من وقتك ، اه المشكلة فى كده SLAM

ياباشا والله ماعارف ارد على حضرتك اقولك اية
بجد جزاك الله كل خير على تعاونك مع الاعضاء ومعايا انا خصوصا
وعرضك للمساعدة ليا اكتر من مرة بجد والله لسانى عاجز عن الشكر شكر وتقدير:Wkiss5:

وانا يزيدنى شرف بمقابلة حضرتك طبعا
بس انا كل الحكاية بس مش عايز اتقل على حضرتك خصوصا ان مواعيد شغلى واجازاتى ملخبطة وصعب جدا تتوافق مع اى حد

على العموم انا شاكر جدا جدا لزوق حضرتك وبأذن الله فى اقرب فرصة هكلم حضرتك اشوفك فاضى ولا لأ عشان نتقابل لمجرد التعرف بشخصك الكريم (بس) مش اكتر والله
جزاك الله كل خير

رد: جيت اكحلها عميتها

اقتباس:

المشاركة الأصلية كتبت بواسطة borio1704 (المشاركة 748564)

اعذرنى لعدم ذكرى موضوع الاسبراتير الالكترونى دة :shyy:
وجارى ان شاء الله فى اقرب فرصة افضى فيها التأكد من وضعية السلوك وفتح وش الاسبراتير وعمل التجربة اللى الاستاذ هشام قال عليها وهابقى اقول النتيجة عشان الكل يستفيد ان شاء الله

رد: جيت اكحلها عميتها

ناااااااااااااااااااااااا اااااااااااايس