مصر موتورز مجتمع السيارات - تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

مصر موتورز مجتمع السيارات (https://www.masrmotors.com/vb/index.php)

- تكييف السيارة (https://www.masrmotors.com/vb/forumdisplay.php?f=150)

رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

السلام عليكم يا أستاذ سيد لو سمحت ممكن تبعتلي العنوان ورقم التليفون وشكراً لحضرتك ROSE4U

رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

حضرتك انا العربية عندي مفيش فيها تكييف وفيها دفايه
العربية فيات 131 موتور 1600 2 كامة
اتمني اني اركب ليها تكييف و يكون له منافذ هواء للكراسي الامامية والكنبه الخلفية
فهل ممكن الفني بتاع التكييف يكون عنده فكره انفذ بيها ده
ورجاء تحديد المحافظة او المكان المتواجد به للنظر هل هو بعيد عنى ام لا

رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

ممكن حضرتك تكتبلنا عنوان الصنايعى ده و رقم تليفونه ؟

رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

اقتباس:

المشاركة الأصلية كتبت بواسطة Islam abu rahmah (المشاركة 697714)

شكرا جدا يا استاذ سيد.

سافرت يوم السبت الى المهندس (عشان هو مش فنى بس) الراجل فاهم العربيه كويس جدا. قام بتركيب ليا التكيف بسعر (2800) وشغال معيا كويس جدا علما انا سيارتى شاهين 1400 سس موديل 2001. بس المشكله ان درجة حراره السياره في عز الظهر لا تقل عن 90 (طول المشوار) ولكن بليل حراره تصل الى من 80 الى 70. دى كانت تجربتى امبارح.

اما التكيف نفسة بيسقع من اول ما تشغلوا. اخديت السياره 13 ساعة تركيب. طبعا انا مش عارف اذا كان موتور السيارة يستحمل 2 ساعة مشوار داخل البلد على درجه حراره 90.

بس التكييف يستاهل.

الـ 90 - 92 درجة مئوية للشاهين درجة حرارة مثالية بيكون عندها الحرق أفضل مايمكن واستهلاك البنزين أفضل مايمكن ومفيش منها خوف
الخوف لو الحرارة زادت عن 92

يفضل لو عندك تكييف تحسن أداء دورة التبريد عندك
فيه ناس ركبت مروحة راداتير بتاعت اوبل استرا وركبت بدون تعديل
وفيه اخ تانى ركب مروحة تمبرا استيراد
وبالتالى تبريد السيارة اتحسن واداء التكييف بقى أفضل

رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

اقتباس:

المشاركة الأصلية كتبت بواسطة sayed2077 (المشاركة 688019)

السلام عليكم ورحمة الله وبركاته

النهارده كنت عند الكهربائى (كهربائى سيارات و تكيف سيارات)
ولقيته بيركب تكيف لعربيه شاهين وللاسف وصلت متأخر كان قرب يخلص خلاص وبعدين قلت اصور لكم التجربة واقولكم رأيى فى التكيف على العربيه مع العلم انها 1300 CC فقط وغير ان الشاهين نفسها تقيله وده الى هنعرفه بعدين

اولا بالنسبه للتكلفه والضمان والنوع

التكيف نوعه :ساندن يابانى
الضمان : لمدة عام كامل شامل كل شىء فى التكيف كله
التكلفة 3000 وخصم خاص لاعضاء مصر موتورز هيكون ب 2800 جنية فقط

ثانيا بالنسبه لمدة التركيب

يوم واحد من اول النهار وتستلم العربيه بليل

نيجى بقى لقوة التبريد وديه اللى تهم الجميع

بصراحه قوية جدا وفوق الخيال بجد قوية لدرجة انا الى بنزل فى عز الشتا بتشيرتات نص كم بردت من قوة التكيف وعلى السرعة الاقوى للمروحه بيبقى فيه اعصار بمعنى الكلمه فى العربيه فعلا حتى اللى بيبقى قاعد ورا على الكنبه كان الهواء البارد واصله كويس جدا جدااااا

تقيمى لاداء التبريد فعلا يستاهل
9.99 من 10

بالنسبه للسحب
الشاهين عربيه تقيلة فعلا غير ان الموتور اللى ركب عليه التكيف 1300 يعنى مش مستحمل بس فعلا التكيف مش محمل للدرجه اللى مخلية العربيه زى البطه زى ما بنسمع يعنى العربيه عادى جدا مفيش فرق بين التكيف وبدونه وبصراحه الفرق البسيط فى السحب مش مهم فى مقابل الاعصار اللى جاى على الواحد من التكيف

نيجى بقى للصور

ديه صور العربيه من برا وكان بيتم افراغ دايرة التكيف من اى هواء علشان التكيف يتشحن على نضيف

http://www10.0zz0.com/2012/06/05/21/777810744.jpg

http://www10.0zz0.com/2012/06/05/21/650747011.jpg

http://www10.0zz0.com/2012/06/05/21/857288776.jpg

وديه العربيه من جوة مع وجود وحة التكيف اللى بتخرج هواء بارد خارج التابلوه (يعنى خلاص كل الى كان بيشتكى ان تابلوه الشاهين لايصلح اساسا لمهمة التكيف ) وفعلا بيؤدى الغرض المطلوب منه بكفائه وزياده كمان

http://www10.0zz0.com/2012/06/05/21/324854573.jpg

http://www10.0zz0.com/2012/06/05/21/399199348.jpg

وديه الوحده اللى بنقول عليها وزى ما باين موجود فيها زرارين تحكم

http://www10.0zz0.com/2012/06/05/21/737923509.jpg

ده زرار قوة التبريد وهيبقى ليه شرح فى الفيديوا اللى هحطه والاسطى احمد بيشرح للزبون كيفية التعامل مع التكيف

http://www10.0zz0.com/2012/06/05/21/175050209.jpg

وده زرار قوة المروحه كل ما كان اعلى المروحه اسرع وبرضوا هتشوفوا فى الفيديوا وهتسمعوا صوت الاعصار اللى طالع منها

http://www10.0zz0.com/2012/06/05/21/112207079.jpg

و ده بقى الفيديوا اللى بقولكم عليه وفعلا قوة التبريد قوية جدا فوق الوصف

غير ان اصلا المروحه وهى شغالة على السرعه الاولى والتانية بتبقى عامله هواء جميل جدا ولو خليتوها على الخر سرعه بتبقى عامله اعصار بمعنى الكلمه والفيديوا فيه شرح بسيط من الاسطى احمد لصاحب العربيه

http://www.youtube.com/watch?v=UF9in...ature=youtu.be

وانا سألته بكام قالى ب 3000 ساندن يبانى وعليه ضمان سنه شامل كل اجزاء التكيف والتركيب بياخد يوم واحد فقط من اول النهار لاخره

ولما قلتله على موقع مصر موتورز قالى خلاص يبقى فيه خصم 200 جنية لاعضاء موقع مصر موتورز ويبقى السعر 2800 جنية فقط

مع العلم التكيف ممكن يركب على اغلب العربيات
حتى ال 128 1100 CC

ولو حاد عاوز العنوان يقول وان شاء الله هبعتهوله على الخاص

و

السلام عليكم ورحمة الله وبركاته

ده يبقى لووووووووووووز ممكن العنوان ورقم التليفون على الخاص لو امكن