المشاركة الأصلية كتبت بواسطة Ayman_Nazeih (المشاركة 691380)

المشاركة الأصلية كتبت بواسطة samirayad (المشاركة 696620)

يعنى فيه تحسن أهو بعد تغيير بلوف التاكيهات

وهل تأكدت أن الميكانيكى راجع صح

على تقسيمة سير الكاتينه

بعد ماغير البلوف .......؟

------------------

معلش أعتبرنا بندرش أى كلام

على مانوصل لمكمن الداء

المشاركة الأصلية كتبت بواسطة Ayman_Nazeih (المشاركة 697129)

والله يا باشمهندس سمير ،،،،،،،، يشرفنى جداً ويسعدنى اهتمامك بموضوعى.
موضوع سير الكاتينة ده بالذات غرمنى طقم صباب من شهرين بسب ميكانيكى الله يسهله ويسامحه خلف التقسيمة وهو بيركب الكاتينة.
طبعاً بعد تغيير طقم الصباب العربية بقت حاجة تانية من فضل الله،،،،،،
وفضلت ماشية زى الساعة لغاية ماحصل موضوع التبطيل فى السلانسية ده واللى محيرنى ومحير ناس كتيير معايا لحد دلوقتى.....بس انا حاسس ان شاء الله فرجه قريب.
عموما انا غيرت محطة البنزين اللى متعود اتعامل معاها وكمان حطيت STP مع التفويلة الاخيرة دى وربنا يسهلها من عنده بقى........وهبلغ بالمستجدات أول بأول ان شاء الله ،،،،،
دعواتكم
جزاكم الله خيراً

المشاركة الأصلية كتبت بواسطة Ayman_Nazeih (المشاركة 691380)

والله عندك حق يا باشمهندس انا غلط انى من الاول اعتقاداً مذكرتش موضوع التاكيهات ده منى انه مش مؤثر علماً بأن عيب التاكيهات ده بقاله حوالى 3 شهور وإن مشكله التبطيل دى ظهرت من حوالى 3 اسابيع بس بدون أى مقدمات"
وانا سألت على التاكيهات من فترة وماكنتش متوفرة بس من كام يوم لقيت واحد عنده اوريجينال بس مش طقم فطلبت منه طقم وهيجيبهولى ان شاء الله فى خلال كام يوم.
ربنا يسهل واغير بلوف التاكيهات وان شاء الله تظبط موضوع السلانسية ده ونخلص بقى علشان انا تعبتكم معايا جداً.

المشاركة الأصلية كتبت بواسطة Ayman_Nazeih (المشاركة 687346)

السلام عليكم ورحمة الله.....
أولاً: شكراً مقدماً للاعضاء وادارة المنتدى على المجهود الرائع وروح التعاون اللى موجوده هنا.
انا حقيقى مبسوط لأنى معاكم هنا فى المنتدى الجميل ده واللى كله فوائد لما تصفحت بعض صفحاته سريعاً.
ثانياً:المشكله اللى عندى واتمنى من الخبراء مساعدتى
عربيتى اكسنت اوتوماتيك 1500cc موديل 2000 مشتريها من من 3 شهور وهى ماشية زى الفل بس بقالها حوالى اسبوع بتبطل فى السلانسيه بعد ما بتحرك بيها بحوالى 30 دقيقة علماً بان:-
1- عملت سيرفس كامل اول ما اشتريتها ( سيور وفلاتر وزيوت)
2- غيرت غطاء التاكيهات مع الجوان
3- تنظيف الانجكشن .
ولما بدأت العربية تبطل فى السلانسية من اسبوع بس رحت عند ميكانيكى عمل تنظيف للبوابة ولحساس تانى كده مش فاكر اسمه وقالى جرب كده ولو عملت كده تانى روح عند واحد يحطها على الحهاز وتعرف ايه العيب بالظبط.
طبعا ظهر العيب تانى بعد ما مشيت من عنده علطول قمت رايح عند واحد عنده الجهاز وبعد ما وصل مرتين يفك الوصلة ويعمل ريستارت واخيراً قرأ العربية بس قالى مافيش أى ايرور ظهر على الجهاز، طبعاً طلبت منه يعيد تانى وحصل بس نفس الرد،
سامحونى على الاطالة واتمنى المساعدة من أهل الخبرة.....