مصر موتورز مجتمع السيارات - رأيك في رفع الدعم عن البنزين.......موضوع للنقاش

السلام عليكم جميعا
انا عندى كده كام حاجه عاوز اتكلم معاكو فيها .
اولا : البنزين ال 80 هيتلغى تماما وهيحل محله بنزين 85 وهيكون ب 125 قرش / لتر
ثانيا : البنزين ال90 هيكون سعره من 315 قرش الى 325 قرش / لتروالبنزين 92 هيكون سعره ب 350 قرش / لتر والاسعار دى لا تعنى انه قد تم رفع الدعم عنها نهائيا ولكن تم تخفيض الدعم عنهما بعض الشىء فقط . وبالنسبه لبنزين 95 لم يحدد سعره بعد ولكن الاتجاه سيكون رفع الدعم عنه نهائيا وبيعه بالسعر العالمى ( بالنسبه لبنزين ال 95 فقط ).
ثالثا : هناك اتجاه قوى نحو تخفيض الدعم تدريجيا عن المواد البتروليه الى ان يتم رفعه نهائيا فى عام 2018 ان شاء الله.
رابعا : سيتم منح كوبونات لعدد 1444 لتر لكل سياره سنويا ب 2500 ج على اساس السعر المدعم ( بنزين 90 ب 175 قرش - بنزين 92 ب 185 قرش)
اما بالنسبه لموضوع تخفيض الدعم ده هيكون من بداية شهر يوليو القادم ان شاء الله.
رأيى انه كارثه بكل المقاييس وان هذه الطريق لن تضمن وصول الدعم لمستحقيه حيث ان هناك شريحه كبيره من المصريين لا تملك سيارات بالاضافه الى دخل الفرد المنخفض وتخفيض الدعم سيؤدى الى زيادة اسعار المواصلات العامه وكذلك زيادة تكلفة استخدام السيارات الملاكى بالنسبه لاصحابها والامر الذى لا يقابله زياده متوازنه فى الدخل ( معاناه جديده تنضم لنادى معاناة الشعب المصرى ).
معظم اصحاب السيارات الجديده والقديمه واللى حتى لسه زيرو كلو هيجرى على البنزين ال 85 لانه الارخص ب 125 قرش / لتر وبالتالى هتستمر الطوابير الغفيره على هذا البنزين( وكانك يابوزيت ما غازيت ) .
طبعا كلنا عارفين ان زيادة اسعار الوقود ستؤدى بالتبعيه الى زيادة اسعار النقل بجميع انواعه سواء نقل الاشخاص او نقل المواد الغذائيه وهو ما يؤدى الى زيادة اسعار الغذاء وبعدها الكهرباء .........
الحكومه عاوزه تخفض الدعم وخلاص من غير ما تراعى تبعات هذا القرار .
مفكروش حتى انهم يخفضوا سعر تحويل السياره لتعمل بالغاز الطبيعى ( كبديل ) بدل ماهو ب 4000 ج واحيانا اغلى يخلوه ب 500 ج او حتى 1000 ج ولكن طبيعة الجلاد بلا رحمه