|
رد: كيف تكسبين رضاء ربك بكسب مودة زوجك
ممممممممممممممممم... انا كان مضحوك عليه بقي ايام الخطوبه..
بصي يا مرمر في نقطه الاختبار الثامن... فرضا الراجل تمام وعدي كل الاختبارات يبقي لازم تستحملي ظروفه وشغله...يعني مش لازم اول ما تعرفيه انك تعبانه انه يجي جرررررررررررررري..؟؟؟ ده هيبقي دلع زياده ( رايي الشخصي):THE_PR~18: |
رد: كيف تكسبين رضاء ربك بكسب مودة زوجك
اقتباس:
حبيبتى مرمر عاوزة انبهك لحاجة مهمة قوى يا حبيبتى و بدون زعل الحياة بين الرجل و زوجتة مش هتكون مثل الحياه بين توم و جيرى و بعدين يا حبيبتى مين الراجل حاليا فى الظروف اللى احنا فيها اللى هيتحمل الاختبارات دى كلها يا ماما ليه ان شاء الله ابسط حاجة هيقول بركة يا جامع مع السلامة لا تتخيلى ان الراجل عتده قوة تحمل مثل الست و الا ما كنش ربنا سبحانه و تعالى خلق المرأة بطبيعة فسيولوجية معينة لتحمل عبئ الحمل و الولاده ليه مثلا بقة هل ممكن نقول المرأة تلد مرة و الرجل مرة حكمته سبحانه و تعالى خلق المرأة تتحمل اكثر و تتعقل اكثر و تحافظ على البيت اكثر و مافيش انسان ما فيهوش عيب هل لو وجدتى فى خطيبك عيب او رسب فى اختبار من اختبارات مرمر يبقى كده باى باى:12EA6C~133: للحديث بقية |
رد: كيف تكسبين رضاء ربك بكسب مودة زوجك
يا مرمر يا حبيبتى زماااااااان ايام الرخص ايامى و ايام والدتك كانوا العرسان كتييييييييييييير قوى و كنا ممكن نتدلل ومع ذلك كنا بنفكر بعقل و بدون تسرع يعنى والله والله انا كنت برفض فقط العرسان فى فترة الجامعة لان طبعا الدراسة فى كلية الهندسة كانت صعبة و انا كانت تقديراتى جيدجدا و امتياز وعاوزة اتعين معيدة يعنى مش عاوزة اشغل نفسى عن المذاكرة و اتقدم لى 17 عريس فى ال 5 سنوات لكلية هندسة و ارفض مش دلال و لا شايفة نفسى لا والله علشان مش عاوزة انشغل بحاجة غير المذاكرة
وعمو اتقدم لى قبل حفلة تخرج و تكريم المتفوقين الخاصة بى بحوالى شهرين و صليت استخارة ووافقت وعاوزة اقولك انا وجدت فى الكام شهر الخطوبة طباع فى الاول مش عجبانى بس مش قلت لأ خلاص فركش و مش هكمل و ده من 22سنة و شويه شويه تتقارب الطباع و تتآلف انتى مش هتتجوزى واحد بالمقاس بالظبط و لا عيب فيه و لا نقص ده على كدة ما كنش حد اتجوز خالص و هل تضمنى انك انتى نفسك يا مر مر كل طباعك على هواه و بتعجبه لو مسكنا واحده واحدة كل اختبار من ال8 و اتكلمنا عليه هنعمل محاضرة كاملة ,,,,,,,,,,, انا حسيت فى بداية الخطوبة ان عمو بخيل شوية تخيلى بقة لو كنت لم اكمل الخطوبة كنت مش هفوز برجل رائع مثله وفى صفاته الاخرى الجميلة و لو كان فبه شوية بخل صغيرين ليه ما تقوليش حرص على شقى السنين و تعبها و انه لا يخرج الفلوس بعشوائية او انى انا مسرفة زيادة عن اللزوم ولا اعمل حساب لبكرة الياة و بناء اسرة مش سهل يا مرمر و السعادة الزوجية تستحق التنازل و التغاضى شوية :funny25: |
رد: كيف تكسبين رضاء ربك بكسب مودة زوجك
اقتباس:
|
رد: كيف تكسبين رضاء ربك بكسب مودة زوجك
برافوا
كلام حضرتك صح بس انا عندي تعليق في شباب من بتوع الايام دي يدخل البيت ويخطب لمجر التسليه لمجرد انه يخرج ويدخل مع بنت وخلاص فالتجارب دي تبينه اذا كان لعبي ولا داخل علي جد انا مش بطلب انها تبقي قاسيه اوي عليه ولكن تعرف طباعوا وشخصيتوا وسلبياتوا وايجابياتوا قبل ما الفاس تقع في الراس وتعيش حياتها تعيسه علشان هي اخدته عمياني حضرتك قوليتي ان زمان كان العرسان كتير اوي وده صحيح بس دلوقتي علشان هما قليلين والقليل منهم اللي محترم ويعرف دينوا يبقي لازم تفحص وتمحص علشان تختار صح الموصيبه يا ماما سلي ان اي راجل بيدخل يخطب فاكر انها هتكون خاتم في ايدوا ويحركها زي ما هو عايز يعني اللي عايزها تتنقب يا الا مش هيخطبها (من رائي الشخصي النقاب لله يعني لو عملتوا مش علشان اتجوز علشان انا عايزه ارضي ربنا واتقرب ليه ) واللي عايز يلحق يشبك علشان يلحق معاد الطياره ( من وجهه نظري انت جاي تشتري جاكيت ولا فازه هتحطها في البيت دي انسانه وليها مشاعر ومن حقها انك تديها حقها مقولتش انك تسيب شغلك وتقعد جنبها بس علي الاقل شهر الاجازه تقضيه معاها هي هتعرفك ولا انت هتعرفها ازاي ) واللي عايز يقرا فتحه وبرضوا يسافر والبنت علشان قدرت ظروفوا هي واهلها وفقوا بس ادي وش الضيف ربطها جانبوا لا بيتصل الا كل اسبوعين مره ولا بيسال دخلت النت علشا تكلموا بقي يكلم اصحابوا وهي لا (من وجهه نظري انه كان عايز يربط بنت جانبه لحد مايرجع يشوف هيعمل فيها ايه علي اساس انها عربيه ملاكي مثلا ) اللي بقي كل شويا يقولها انا هقفل تليفوني ومش هتعرفيلي سكه لو عملتي الحاجه الفلانيه ( من جهه نظري نعم يعني يعني انا ابقي شرياك وانت سهل عليك تبيع ولو انت عايز تنصحني مالقتش طريقه احسن ما تحسسني انك مش طايقني واني راميه جتتي عليك او اني بايره مثلا ) وقيسي عندك بقي يا ماما سلوي انا ما قولتش ان الاختبارات دي هي المعيار وانها هي اللي هتحكم تسيبيه اول لا ولكن انا قولت هي طريقه لتعرف عليه ومعرفه ايه اللي هتعرفي تبلاعيه من السلبيات وايه اللي هتطرمخي عليه وايه اللي ممكن تعرفي تعدليه وايه اللي الازم تستحمليه وامرك الي الله في بنات تقولك كلمه حضرتك قولتيها في الاول اقعد في بيت ابويا ولا جوازه نكد طول العمر ودول بقي اللي مش عارفين يبلعوا ولا يطرمخوا ولا ستحملوا هتقوليلي ممكن تسالي عليه في مكان سكنه هقولك سالت واطقست وعرفت انه متدين ومابيفوتش صلاه في الجامع وتمام التمام وكلوا حلو ده من السؤال ادخلي بيته بقي ممكن تلاقيه بيشتم في امه او بيعملها وحش او حطتها في بيت المسنين او مالوش اي شخصيه خالص واللي ماما تقل عليه حتي لو كان مايرضيش ربنا هو اللي يمشي يعني اشكال ما يعلم بيها الا ربنا لان صوبعك مش زي بعضها والكويسين في وسط الوحشين قليلين من الاتنين البنات والصبيان |
| الساعة الآن 02:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017