رد: اللي عمل حادثة قبل كدة يتفضل
 

موقف رهيب بجد الحمد لله علي نجاة اخوك ده ربنا لطف بيه ونجاه بعد اللي انت حكيته دة كله وقدر اخف من قدر اكيد الوالدة كانت بتدعيلة
الحاجة المهمة بجد اللي مش عارفة اقولك اية لاني انا نفسي اتعرضت لموقف مشابة مع احد اقاربي المقربين بس كانت مستشفي السويس العام
المشكلة في القطاع الطبي عموما بصراحة مش هضحك عليك ضعف الامكانيات تماما بمعني اصلا التمويل لكل مستشفي ضعيف جدا
والاعتمادية
يعني كله معتمد علي القاهرة
طب ما هو في حوادث ف المحافظات الاخري برضه
والحاجه اللي احنا كقطاع بنشتكي منها
ضعف الخبرة وذلك يرجع الي حاجتين
1- ضعف الموارد بمعني مفيش كورسات واللي عايز يتعلم بفلوسة طيب ماشي الدكتور بيتخرج عنده اد اية وعلي ما يخلص ماجستير عشان يبقي يا دوبك متخصص ويا دوبك بيفهم ف المادة بتاعته لا وكمان بقي حط لو عايز يتدرب وكل دة علي حسابة وعايز يعيش ويصرف ويعمل اسم برضة عشان الدنيا متمرش وهو لسة
2- عامل بشري حتي لو في تعليم الفرصة للاقوي!! مش للاكفأ
او ان الكل يتساوي ويتعلم لا
وشوف في كم دكتور في مصر طيب اللي خد ماجستير من 15 سنة دة اكيد برضة بينسي ومحتاج تذكرة وامتحانات هل دة بيحصل؟
مشكلة الطب تتحل -خصوصا الجراحات- اذا سافر واتعلم برة او اذا حد حن علية وعلمة من الناس الكبيرة اللي موجودة هنا يبقي في المقابل مش هيشتغل ولا يجيب فلوس طول عمره هيفضل مساعد علطول
الحياة معادلة كبيرة وكل مجال في مشاكلة المهم الواحد يحدد هو عايز اية بالضبط ويحاول يوصله وفعلا علي قدر الالم والمشقة تكون الثمار دة قانون فعلا
ويؤسفني بجد اللي حصل لاخوك لاني عارفة يعني اية غيبوبة لسنتين وكم العمليات المهول اللي انت قلت علية دة
بس تاكد مليون في المية ان مفيش حاجه بتضيع وربنا كبير وهيعوضة باذن الله باحسن شئ وهيكرمه كرم ليس بعده كرم لانه اللطيف سبحانه
وتحية مني لوالدتك اللي صبرت وربنا ثبتها وربنا يحفظكم جميعا ويباركلكم ويجمعكم دايما علي الخير
متزعلش لو كنت انا فكرتك باحداث مؤلمة -آسف لذلك-ولكن دة درس لينا احنا كمان ان سبحان الله بعد كل اللي حكيته دة اللي حصل لاخوك فعلا الانسان ممكن يكون زعلان علي حاجة حصلت ولكن يكون ربنا بهذا الشئ خفف عنه اقدار اخري اسوا بكثيييييييييييييييير بسبب دعاء
شكرا لموضوعك

رد: اللي عمل حادثة قبل كدة يتفضل
 

كل الكلام الى انتى قلتيه يا دكتوره عن الدكاتره فى مصر حقيقى لان انا شفته من حكايه ولدتى وماساتها مع وزاره الصحه ربنا ميكتبهاش عليكى ولا على حد فعلا الدكتور الى بيشوف ضميره بيحولو بقدر الامكان يعزله او يتعبوه حتى فى تعليمه عشان محدش يحقق تموحه بمعنى يكون متخصص فى حاجه وحده فى الطب ابدا .
ده الدكتور فى وزاره الصحه بياخد 460 جنيه درجه اولا وولدتى بقلها فى الوزاره 34 سنه ولما طلعت معاش بيدوها 180 جنيه قلتلهم خلهملكم مش محتجاهم ده يعقل بالله عليكى غير ماساه 34 سنه دول من ارف وقرارات وبهدله البيات فى العيادات بليل وبلاوى دى بلد كان مسكنها مش حراميه دول كفاره قريش ربنا هيديهم اد الى عملوه فينا .
وفى احصائيه سمعتها والله اعلم بيها فى مصر المفروض اليومى الدكتور فى اليوم يكشف على 500 بنادم والشرطه كلو واحد فيها ليه 5 يتحرى عنهم فى الشعب المصرى هل ده يعقل برده .
الناس بيحمدو ربنا انهم عيشين الحمد لله فضل ونعمه

رد: اللي عمل حادثة قبل كدة يتفضل
 

اية مع ان مصر بيقولو انها من اسوا الدول ترتيبا في الحوادث غريبة يعني !!!!!!!!!!!!!!!!11

رد: اللي عمل حادثة قبل كدة يتفضل
 

رد: اللي عمل حادثة قبل كدة يتفضل
 

موضوع رائع
شكرا ل tarbook علي شجاعته في كتابة حادثة اخوه الي سببها جهل و تخلف علشان ميضيعوش وقت ضيعوا نفسهم و 48 واحد بريئ
بأذن الله لما أخد أجازة أشارك في الموضوع المهم ده لعل التذكرة تنفعنا
لاننا شعب اسلوب حياته مميت سواء في اكله في شربه في سكنه و في سواقته