المشاركة الأصلية كتبت بواسطة wigo710 (المشاركة 416951)

اولا.... شكرا جزيلا لحضرتك
ثانيا ...يعني المتوقع هتنزل امتى وهتكون ارخص من السيراتو ولا اغلى
ثالثا... يا ريت تكلمنا عن التكنولوجيا الجديده دي شويه وهل موجوده في عربيات تانيه ولا لا والف شكر مره تانيه

المشاركة الأصلية كتبت بواسطة iaman (المشاركة 622874)

محتاج مساعدتكم ورايكم لأنى بجد تعبت من الحيرة و العربية دى عجبانى قوى
اتفرجت عليها عند المصرية و عند الريان اللى موجود 1400 cc 109 حصان
و هنا بقى اول مشكله هل هى فعلا 109 حصان ولا لأ لأن فى المصرية قالولى 94 حصان و عند الريان 109 حصان و على توكيل كيا كاتبين 109 حصان بس لما دخلت و حسبت الهورس باور مع الــ PS طلعت 92 حصان
حد يعرف حاجه عن العربية دى و ايه رايكم فيها يا شباب فى منها الــ 1600 و نازله 130 حصان بس لسه منزلتشى فى مصر العربية موفره جدا فى استهلاك البنزين و عجبانى اكتر من الــ RB
بجد محتاج مساعدتكم عشان اخد قرار و هل العربية كده تعتبر قويه

بالمقارنة انا معايا لانوس 2500 و 87 حصان و بتجرى ما شاء الله و بتجيب 170 و على فكره انا مبجريش و مش من هواه الجرى بس عملت كده عشان اقارن
خايف اجيبها و تطلع ضعيفه

مستنى ردودكم عشان ارتاح و اخد قرار

اخوكم ايهاب