رد: لو شباب التحرير رافضين يروحوا هتقولهم ايه
 

عموما انا أؤيد الاعتصام الايجابي الذي لا يوقف عجلة الحياه
الذي يظهر للسلطة ايا كانت انه يوجد من هو مراقب لها و منتظر للنتائج
زي ما بنقول واقف على دماغهم
بس في نفس الوقت لا يقطع الطريق
لا يتعامل بعنف
يتبع التعليمات و النظام و الامن
يحافظ على حضارة و تحضر و منظر ميدان التحرير
غير كده يتقطع لساني لو قلت كلمه لمعتصمي الميدان
لانهم لهم اجنداتهم الخاصة التي اجبرتهم على الاعتصام لثلاثة اسابيع
دون الرجوع لبيوتهم حتى الان
و اغلبهم شهد موقعة الجمل
و قاتل بينما كنا نبكي في بيوتنا
و اقسم بالله لو كان البلطجية و القناصة نجحوا في فض المعتصمين في موقعة الجمل
لما رأينا تنحي مبارك
و لما رأينا اي من المتظاهرين الان لانهم جميعا سيكونوا في هياغب اقبية امن الدولة
او في المقابر المجهزة في اقبية امن الدولة
كما اكتشف الناس بوجود مقبرة تحتوي على 3 هياكل عظمية لمعتقلي ماتوا و دفنوا في قبو امن الدولة!
يجب ان نحترم اجندات المعتصمين لانهم من رفعوا راس مصر عاليا

رد: لو شباب التحرير رافضين يروحوا هتقولهم ايه
 

اسمحولى ياجماعه بقى اقول اللى جوايا انا لسه داخل حالا البيت من 10 دقايق وراجع من دمياط وبورسعيد لمهمه فى الشغل وكنت راجع من الطريق الزراعى الى بنها الى ماسبيرو والكورنيش والله والله والله الطريق كله حتى ماسبيرو 1:20 ساعه وتلت بس ومن ماسبيرو وبسبب التحويلات والمظاهرات 4:45 اربع ساعات وخمسه واربعين دقيقه وكنت لازم ادخل جاردن سيتى عشان امضى على التسليم للمهندس هناك وطبعا اتأخرت والمكتب قفل .

طبعا انا عارف ان محدش ليه دعوه بالقصه دى كلها بس انا قصدى اقول حلال ولا حرام اللى بيحصل ده الأخوه الأفاضل اللى موافقين على استمرار الأعتصام لو جربوا الذل والوقفه والجرى وراء لقمه العيش ساعتها هيقدروا فعلا ان بتكلم ليه وبقول والكلام دلوقتى ولا ليا ولا للموافقين على الأعتصام الكلام هيكون للقوات المسلحه اللى لو ادخلت ساعتها وبالفظ العامى كده داست عليهم ساعتها محدش هيزعل لأن اساسا مفيش مبرر للكلام ده كله بعد تنفيذ المطالب ومش كل حاجه هتتحقق فى نفس الوقت يبقى احنا كده ممكن نهد الدنيا ونبنيها فى نفس اليوم ولا انا بتكلم غلط

رد: لو شباب التحرير رافضين يروحوا هتقولهم ايه
 

أول مرة نتفق :)
المفروض الاعتصامات تتفض
الجيش مش هيقدر يحل كل المشاكل في ٤٨ ساعة

رد: لو شباب التحرير رافضين يروحوا هتقولهم ايه
 

يا Explorer احنا عمرنا مااختلافنا لكن وجهات النظر هى اللى بتتعارض ليس اكتر لكن فى الأول وفى الأخر احنا اخوات واحباء ويجمعنا حب تحت سقف المنتدى الرائع مصرموتورز
وفعلا انت لو شفت السكه عامله ازاى مش هتعرف حتى تتنفس وانا كان ربنا رزقنى بعربيه اكسنت 2009 اسف فى اللفظ زباله بتاعه صديقى عشان الأسبرانزا بتاعتى فى مهمه فكانت مزوده كمان عليا

والجيش هيقدر على كل حاجه بس الصبر الصبر الصبر يا مصريين احنا ماكناش بنحلم بلى وصلنا ليه لازم يكون فى صبر ياجماعه مش كده
ومتزعلش منى ياExplorer لو صدرت منى اى شىء فى مواضيع سابقه سواء انت او mmffor لأننا كنا مختلفين فى الرأى والأختلاف فى الرأى لا يفسد فى الود قضيه صح ولاايه

رد: لو شباب التحرير رافضين يروحوا هتقولهم ايه
 

[QUOTE=@واحد من الناس@;357404]جزاك الله خيرا على توجيه النصح لى وقد راجعت بالفعل الرد ووجدت أننى بالفعل أحترمها عموما أنا أشكر لك توجيهك للنصح لى واصر على أنى ملتزم بأدبيات الحوار الهادىء وليس من الممكن منى تجاوزها لنى لا أقول شىء وأفعل أخر فأنا مدرب تنمية بشرية ومن الصعب على فعل ذلك وكل ما فى الأمر أننى كنت أعاتب صديق وأخ أتابعه على صفحات الموقع منذ مدة وهو الأستاذ علاء شكرا على النصح مرة أخرى :14369D~149:[/QUOTE
الله يخليك ياواحد من الناس انا علاء بس من غير استاذ

والله ابدا انت اللى كلك زوق وانت اخويا
ومتقولش استاذ تانى هههههههههههه
حبيبى يابشمهندس ياللى بتدافع عنى على طول هههههههههههههههه
ربنا يخليك ليا GIFT4UGIFT4U