مصر موتورز مجتمع السيارات - "فورتشنر" المجمعة محليا!!نص نقل مقفوله

اقتباس:

المشاركة الأصلية كتبت بواسطة cars admire (المشاركة 316847)

سعر مفاجأة لـ"فورتشنر" المجمعة محليا

ANAA7TGANAA7TGhttp://contactcars.com/Images/News/L...rtuner0_01.jpg
سيارة جديدة مميزة
أشارت تقارير صحفية محلية إلى أن السيارة "فورتشنر" ستكون أولى السيارات التي سيتم تصنيعها في مصر بواسطة شركة "تويوتا إيجيبت".

وذكر ملحق "الجمهورية أوتو" الأربعاء أن السعر المبدئي للسيارات التي سيتم تصنيعها في مصانع الشركة المصرية الأمريكية للسيارات عام 2012، سيكون 350 ألف جنيه.

وكان تردد أن السعر المقترح للسيارة هو 250 ألف فقط، لكن السعر الذي ذكرته الصحيفة يمكنه كذلك منافسة السيارات الأوروبية في نفس فئتها.

وتتميز "فورتشنر" بأنها سيارة دفع رباعي حقيقية مصممة و مصنوعة لتحقيق أداء قيادة ممتاز على الطرق الممهدة والوعرة على حد سواء.

وتقوم قدرتها المتينة على إطار الشاسية الرائع و نظام الدفع الرباعي الدائم والارتفاع الجيد عن الأرض لمواجهة الطرق الوعرة.

"فورتشنر" بمحركين الأول سعة 4 لتر بست اسطوانات على شكل V والثاني محرك سعة 2,7 لتر مزودين بتقنيات محركات "تويوتا" المتطورة، ومن هذه التقنيات نظام VVT-i (الصمام الذكي المتعدد التوقيت) الذي يضبط توقيت الصمامات على أفضل مستوى تبعا لظروف القيادة.

وتشمل مزايا نظام VVT-i زيادة عزم الدوران و بالتالي الأداء الناتج و اقتصادية أفضل في استهلاك الوقود و تقليل معدل انبعاث غاز العادم.

إن نظام TORSEN LSD على ترس الفرنس الخلفي المركزي يغير توزيع عزم الدوران تلقائيا و فوريا استجابة لظروف القيادة ليسهم في تحقيق الاستقرار الممتاز للسيارة.

الرفاهية

الطلاقة والرحابة مع الخطوط الإنسيابية والمقاعد الأمامية الرياضية الطراز تضفي شعورا سلسا بالسيطرة الفعالة و الراحة الشخصية وا لفخامة الراقية. خصائص راقية تمكنك من معايرة جودة حياتك بدقة

المقصورة الفسيحة عبارة عن حيز متعدد الوظائف يمكن ترتيبه بسرعة لاستيعاب التوزيعات المختلفة من حيث عدد الأشخاص و كمية الأمتعة، فهناك ثلاثة صفوف من المقاعد تتسع لسبعة أشخاص بالغين.

ويمكن طي مقاعد الصفين الثاني والثالث بسرعة و تخزينها جانبا لإيجاد حيز أمتعة كبير يتسع للحمولات الكبيرة أو الطويلة وبفضل إمكانية ضبط الموضع من حيث التقديم والترجيع وإمالة الظهر وآلية الرفع المجهزة على مقعد السائق الرياضي الطراز يستطيع السائق تفصيل وضعية جلوسه حسب ما يحقق له السيطرة على المركبة.

الأمان

نظام (الفرامل المانعة للإنغلاق) ABS يساعد على ضمان ثبات السيارة عند الضغط على الفرامل على الطرقات الزلقة أو عند التوقف المفاجئ. خصائص السلامة الإيجابية تشمل مصابيح أمامية متعددة الإنعكاس بأربع لمبات و إضاءة ساطعة و مصباح إيقاف علوي التركيب طراز LED و مساحة للزجاج الخلفي.

فعلا عفشة الهاي لوكس غير مريحة و لكن هي عملية للعمل في المناطق الصحراوية مثل 6 اكتوبر و اتمني ان ترخص الهايلوكس للملاكي لانها فعلا سيارة ممتازة و راقية

Hiluxe مقفولة

Fortuner هى فعلا تويوتا Hiluxe (نصف نقل) مقفولة..الموتور 4 سلندر هو نفسه موتور Hiluxe واسمه 2TR وبيركب على عربيات كتيرة فى تويوتا زى Inova مثلا ..اما موتور 6 سلندر فاكبر شوية واكثر عزما واسمه 1GR واكثر تقدما من الناحية الفنية .. العفشة تقريبا نفس عفشة Hiluxe وغير مريحة بالمرة .. هل طرق مصر تحتاج لمثل هذه النوعية من السيارات .. سؤال اطرحه على الجميع .. من وجهة نظرى لا نحتاج هذه السيارات فى شوارعنا وخاصة القاهرة المزدحمة .. وكمان استهلاكها للبنزين عالى ويناسب فقط الخليجيين المغرمين بالدفع الرباعى

دى نص نقل مقفوله

العربيه نفس شاسيه التيوتا الهاى لوكس النص نقل
وعلى 2012 هيكون الخط اللى بيصنعوه قدم لانهم اكيد هينزلوا الشكل الجديد
عربيه فقيره من جوه وتفتقر لاى رفاهيه
وحتى ماتورها مينفعش لعربيه غير لنص النقل

دا غير سعرها المبالغ فيه جدا
سعرها العادل 240 الف -280 الف لو فيها كل الاوبشنز

اى مفاجأة !!

اى مفاجأة يتحدثون عنها
السيارة فى السعودية سعرها 80000 ريال اى ما يعادل 120000 جنيه
مصرى
فلماذا تكون بـ 350000 جنيه وهى تجميع محلى يعنى يجب ان تكون ارخص حتى من الخليج

الخميس، 16 ديسمبر 2010 - 11:35

انتوا نسيتوا الضريبة؟

يا افاضل الضريبة السنوية بتاعة العربية دى هية 2% من السعر بحد ادنى 2000 جنيه. يعنى بحسبة بسيطة تعمل حسابك وانت فى المرور بتجدد على 10000 جنيه سنويا

معلش... أنا يمكن اتأخرت في التعليق... بس فيه حاجات كتير مش موافقك عليها

وملاحظاتي على كلامك حتلاقيها متعلم عليها الأزرق

بس الأول... خليني اتفق معاك إن السعر مبالغ فيه لإنها متقفلة في مصر... والسعر اللي انت حطيته منطقي...

بس المشكلة مش بس في تويوتا إيجبت

المشكلة الأساسية في صناعة السيارات في مصر عموما ... المصنع من دول يبقى ياما هنا وياما هناك.. وفي الآخر يطلع 10 آلاف عربية في السنة... يعني نفس إنتاج أي مصنع عربيات في العالم من نفس حجمه في الشهر!!!

ده معناه إن تكلفة العربية الواحدة بقت أعلى بكتير نتيجة إن فيه مصاريف مخفية كتير المصنع بيتحملها نتيجة كونه موجود ... بينتج أو مش بينتج ... المصاريف دي موجودة موجودة.

اللي بيزيد الطينة بله هو الجمارك... اللي بتخلي اللي عايز يحط هامش ربح 300% يحطه ومحدش يقدر يقوله إنت عامل كده ليه... ماهو سعره أقل من سعر المستورد.. حتى لو بألف جنيه بس.

والمصيبة .... الناس بتشتري

الأسعار مش حتبقى منطقية إلا إذا الجمارك اتشالت

نيجي للعربية

انت حسستني إن التوكتوك أحسن منها :)

في رأيي العربية دي مناسبة جدا لفئة السياحة والسفاري وبعض رجال الأعمال اللي عايز عربية تستحمل بهدلة الشغل كل يوم

العربية دي ما تنفعش ناس كتير... زي ما العربيات الـ4×4 ما تنفعش ناس كتير بردو

الفورتشنر عربية مبنية على شاسيه (هو نفس شاسيه الهايلكس) وده معناه عربية حتستحمل شقى لـ30 سنة قدام على أقل تقدير
http://fullthrottlesuspension.com/bl...012_front1.jpg http://www.infoxter.com/wp-content/u...2012/02/17.jpg

على فكرة... أي عربية على شاسيه ممكن تتعمل نص نقل، إنما العربيات على علب مش ممكن، ولو حصل لازم تبقى عربية صغيرة في الحجم

وده اللي خلى الشيروكي الحالية مفيش منها نص نقل لإنها بقت على علب... على عكس الموديل القديم اللي كان على شاسيه وكان فيه منه نص نقل
http://www.carws.net/wp-content/uplo...p-comanche.jpg http://static.cargurus.com/images/si...rokee%20Pickup

عفشة الفورتشنر مش هي عفشة الهايلكس

http://wanrosnah.com/New%20Toyota%20...rochure.p8.jpg

الفورتشنر عفشتها الخلفية متعددة الوصلات وعلى ياي لولبي... إنما الهايلكس عفشتها على كورونا متصلة وعلى سست ورقية

الفورتشنر فيها تكنولوجيا مش حتلاقيها في الشيروكي ... زي الـVVTi وزي نظام الـTorsen... ده غير الجيربوكس اللي فيه Hi , Low فتيس غرز حقيقي

ده معناه إن أداءها لا غبار عليه... واستهلاك البنزين فيها أقل من الشيروكي بلا شك

ياراجل... وبتقارنها بسوزوكي جراند فيتارا؟؟؟؟؟؟؟

العربية من ناحية الرفاهية مقبولة جدا.. ومن ناحية المساحة الداخلية أكثر من كافية... وأوسع من الشيروكي أكيد

http://otosuv.com/wp-content/uploads...3-1024x653.jpg
http://4.bp.blogspot.com/-vMM-tQfxIZ...17103453_2.jpg
http://www.caradvice.com.au/wp-conte...Fortuner-3.jpg
http://www.cars604.com/wp-content/up...r-interior.jpg
http://1.1.1.2/bmi/www.motortrivia.c...peed-at-03.jpg

التابلوه ده هو نفسه بتاع الهايلكس... مش تابلوه فقير ولا حاجة... بل يكاد يكون أفخم من عربيات ملاكي كتير

http://www.drivearabia.com/news/wp-c...Fortuner-3.jpg

ثم إن فكرة العربية النص نقل اللي بتتقفل اتعملت قبل كده في مصر... وكانت ماشية وناس كتير اشتروها

تفتكر دي؟؟
http://1.ftbs.sl.pt/auto/media/03114...ra-2857664.jpg http://images1.americanlisted.com/nl...s_28328415.jpg

باختصار... العربية دي ليها زبونها... وبتتعمل في مصر علشان فئة ما فوق الـ2000 سي سي هي اللي بتكسب المصانع في مصر

...