رد: حد جرب رينو فلوانس يفيدنا من تجربته
 

انا بافكر اشترى فلوانس لكن من خلال حوارات المنتدى ارجو التكرم بالرد على اسئلتى
1- بالنسبة ان موتورها 105 حصان بس - ده كفاية عليها
2- ايه اخبار قوة التكييف جوه البلد
3- ما هى بلد الصنع
4- هل مشكلة مؤشر البنزين تم حلها
5- ايه موضوع النتشة فى الفتيس بين الاول والتانى - هل تم حلها

وشكرا للافادة

رد: حد جرب رينو فلوانس يفيدنا من تجربته
 

السلام عليكم

تعبر رينو فلونس عن التعاون التقني بين رينو ونيسان وحلت محل رينو ميجان2 ويتم انتاجها في كوريا (مصانع سامسونج ) تحت اسم SAMSUNG SM5 وتركيا بكورة هذا التعاون يكمن في

المحرك من رينو لوجان1.6 K4M بقوة 110 حصان

الفيتس من Jatco CVT فرع شركة نيسان لاانتاج الفيتاسات الاوتوماتيك

التكييف قريب من قوة الياباني والكوري

موصفات الفلونس الموجودة في بلدي(العراق) وهي سيارة يتم تجميعها محليا هي:-

1-محرك 1.6 بقوة 110 حصان
2-فيتس اتوماتيك حصرا نوع CVT (نفس تقنية الفيتس الموجود في نيسان تيدا 1.6)
3- عدد 4 AirBags
4-ABS
5- جنوط الومنيوم 16 انش
6-اضائة ضباب
7-CD MP3
8-مكيف للمناطق الحارة
9-ريموت
10-مواصفات السيارة خليجية
11-السعر حوالي 17000 دولار شامل كل المصاريف

اطيب تحية

سيف

العراق

رد: حد جرب رينو فلوانس يفيدنا من تجربته
 

انا جربتها في السعوديه من الرياض لمكه ذهابا وايابا (حوالي1900كيلو)بصراحه العربيه ممتازه من حيث الثبات على سرعة 160 تقريبا وتكييفها ممتاز جدا بس سحبها ضعيف نسبيا في بداية طلوعها بس بعدين عزمها بيكون كويس دا وانا مشغل المكيف ومن حيث التجهيزات الداخليه سياره تلبي الاحتياجات الأساسيه اي ليس فيها رفاهيه كبيره بس اللي لاحظته فيها ان السياره تقفيلها كويس مبتسمعلهاش صوت وانت جواها والصاج بتاعها جامد ودا لاحظته من الباب وسمكه ..........هي دي تجربتي معاها واتمنى اكون افدتكم ودي تجربتي معاها في السعوديه والله اعلم هي نفس اللي بتنزل عندكم في مصر ولا لأ .....وشكرا

رد: حد جرب رينو فلوانس يفيدنا من تجربته
 

الزملاء وفوا .
من الآخر العربية فيها عيبين ناس كثير اشتكت منهم
عوامة البنزين بتعلق أحيانا (قلت في الموديلات الحديثة) بتفرق بس في قراية العداد - جلدة المساحة بتستهلك بسرعة

و أظن دي مش عيوب تذكر في عربية بالسعر ده عيوب عادية جدا يعني

و حتي الآن بعد ثلاث سنين في السوق ، العربية سمعتها ممتازة و ليس لها مشاكل مؤثرة تذكر

أما بخصوص الثبات فأنا مختلف مع الزملاء ، الثبات مش مبهر إطلاقا ، عادي و لا وحش و لا حلو

خاصة الثبات الرأسي بحس إنها بتتنطط في مطبات الهوا يمكن بحكم إنها عربية عالية

بالمناسبة خلي بالك موديل 2013 نزله صور بره فيس ليفت بشبكة جديدة شيك أووي

مش متأكد إذا كان الفيس ليفت ده هينزل مصر و لا لأ