المشاركة الأصلية كتبت بواسطة ramy01011 (المشاركة 283709)

من يوم ما اتولد و احنا عندنا 132 بعشقها جدا المهم انا عايش في الامارت الاجازة دي والدي باعها و اشتري كورولا 2003 لو تعرفوا انا كنت ماشي بحسس بيها ازاي في الطريق كنت في زفه ابن عمي بجد اتمنيت تكون معايا 132 ساعتها المشكلة ان الجديد قطع غيارة غالية جدا بالنسبة للقديم يعني القديم ممكن تخبطها و تدخل بيها في حيطة و كبيرك 300 جنية و ترجع عروسة لا كن الجديدلا. لو اتطبق في مصر قانون التأمين علي السيارات زي اللي موجود في الامارات ساعتها الناس كلها موش هتركب غير جديد

المشاركة الأصلية كتبت بواسطة ahmedsherif1990 (المشاركة 275143)

استاذ مصطفى
أولا لا شكر على واجب انا كنت باقول رايى بس
و بعدين انا بتكلم عن عربيتى القديمة بيجو 504 مو 1977
ثم ان العربية دى اجمل عربية سقتها بس ما ينفعش نطلع لعربيات الجديدة وحشة و هى مش كده صح؟
و صدقنى لو فيه فرصة اركب عربية قديمة يابانى اكيد هيبقى ليا وجهة نظر تانية
بس انا شخصيا باعتبر العربيات القديمة فى السنوات اقل من 1980 اما ما بعد ذلك فهو الجيل الجديد
و شكرا

المشاركة الأصلية كتبت بواسطة sad-bird (المشاركة 388167)

لكل منهم مزاياه وعيوبه
والاولى كما ذكر البعض البحث عن التالي
1. الطرق التي ستسير فيها
2. محطات الوقود التي ستلجأ أليها
3. خدمة ما بعد الشراء ( قديم او جديد )
4. قطع الغيار


مش معقول طبعا اجيب عربية حديثة تعطل مني وانا في اخر الدنيا ومش عندي وكيل يصلح او مركز خدمة معتمد
وفي نفس الوقت مش معقول تكون ميزانيتي محدودة واروح اجيب عربية بتشتغل بنزين 92
وبرضة مش معقول اجيب عربية تغيير فلاتر وسيور على فترات قريبة سعر فلتر بنزين يعدي 70 جنية مقارنة بعربية سعر فلتر البنزين 10 جنية
ومش معقول يكون البنزينة اللي قريبة مني واللي همون منها كل يوم مبتغسلش التانك بتاعها وعلى طول التانك مليان شوائب واروح اجيب عربية كل يوم تقولي خطأ في حساسات الانجكشن علشان خاطر عندي شوائب في التانك

لكل شيء سعره وظروفه المناسبة
اما الحديث عن نقاط الامان والمتانة في العربيات القديم والحديث
فكل واحد بيقارن بال crash Test الامامي فقط
وده في حالة الحوادث لا قدر الله
لكن ايه بقى الرأي لو راكن العربية وشله شباب محترمة قعدت عليه
الحديث كله استعوض ربنا في الرفرف
القديم كله اصيييييييل ويعيش واخره لو يعني الموضوع كبير دقتين على البارد يرد الصاج

السرعة والاتزان
القديم تقيل بيعتمد على وزنه
لكن الخفيف بيعتمد على نقاط الانهيار المصممة عليها العربية
بالاضافة للايرودنياميك اللي بيسهل مواجهة العربية للهواء وتخفيف المقاومة
الاماكانيات والكماليات بقى سهل توفيها في عربيات كتير قديمة

لكن اسلوب القيادة والظروف اللي ذكرتها في الاول هيا اللي تحدد الاحتياج عندي ايه
ده رايي الخاص
انا لو فيه عربية ما بين البينين يعني في اواخر الثمانينات اوائل التسعينيات هتبقى افضل من الجديد عندي
بالاضافة طبعا ل
504
505
132
131