رد: بخصوص كاوتش الشاهين ارجو المساعدة
 

انا عن نفسى جبت دانلوب تيل اندونيسى وهما نضاف بصراحة بس النقشة بتلمحصو على خفيف ولعى فكرة انا سامع ان فيه اسعار رخيصة فى الماركات الجامدة زى جود يير و بريللى فى حدود 250 بص على الموقع ده http://www.egytyres.com شوف الاسعار وبعدين اسال على الموديلات دى عند الناس اللى قلتلك عليهم
وعلى فكرة لو هاتغير ال 4 فرد ممكن تجيب 13/70/185 هايكون اعرض وبصراحة العريض بيليق ع الشاهين وفى نفس الوقت ده 185 زى كاوتش الجنوط 14 بس مش تحتاج تغير الجنوط ولا تاثر على العفشة

رد: بخصوص كاوتش الشاهين ارجو المساعدة
 

بعد الاذن من صاحب الموضوع بسؤال بسيط للاستاذ didos
عربيتى ريجاتا وركبت فردتين جدد امامى نوع سيلفرستون 175 /70
اية رأيك فى النوع دة لانى مجربتوش قبل كدة بالاضافة هل هو سلك ام مختلط ؟ وازاي اعرف ؟
عايز اشتري فردتين جدد اركبهم فى الخلف . تنصحنى بأية يكون مختلط ؟

رد: بخصوص كاوتش الشاهين ارجو المساعدة
 

والله ياباشا متشكر على الثقة الغالية دى
بالنسبة لسيلفر ستون انا ماعرفهوش بصراحة هو صناعته ايه وجبته بكام
بالنسبة لتيل او سلك بامانة انا مش اخصائى ولكن الواحد بيجتهد على قدر معرفته للرد على الاخوة الاعضاء (بصراحة بتغاظ لما اسال على حاجة وتلاقى ناس عارفة وماتردش ) انما اهم حاجة يكون المحل ثقة علشان تقدر تعرف منه اذا كان تيل ولا سلك وكمان مايديكش حاجة مركونة واعتقد انه يستحسن يكونوا ال4 فرد نفس النوع بس ده لو اتاكدت انه تيل وحاسس انه كويس معاك لو مش كده ممكن تركب اندونيسى او كورى
اجو اكون افدتك

رد: بخصوص كاوتش الشاهين ارجو المساعدة
 

هو صناعتة ماليزي جبت الفردتين بـ 500 ج بالتركيب .. بالنسبة للمحل للاسف صاحبة دكتور ولا يفقة شيئ ف الكاوتش غير المقاسات ورأية ان كلة ف الاخر كوتش بيمشى ع الارض !
هل التيبوبلس عموما فية سلك وفية مختلط ؟ ولا الكلام دة بينطبق على الكاوتش العادى اللى فية داخلي من جوة .. هل جربت الماكسيس التايلاندى او البيريلي ؟ وايهما افضل

رد: بخصوص كاوتش الشاهين ارجو المساعدة
 

اعتقد 500 كتير والماليزى والماكسيس كويس برضه وحتى الصينى شغال بس افضل لو لقيت السعر مقارب هات بيريللى مش كده يبقى كومهو
بالنسبة للتيوبلس والكمر كل الكاوتش التيوبلس ممكن يشتغل تيوبلس او بكمر لكن العادى مايشتغلش تيوبلس وعموما اغلب اللى فى السوق بيبقى تيوبلس حتى ابو 150 جنيه وفى نفس الوقت موضوع التيل والسلك موجود فى الاتنين تيوبلس وكمر