مصر موتورز مجتمع السيارات - ورشة أحمد مهران لصيانة السيارات اليابانى والكورى والصينى

مصر موتورز مجتمع السيارات (https://www.masrmotors.com/vb/index.php)

- مراكز الصيانة (https://www.masrmotors.com/vb/forumdisplay.php?f=202)

رد: ورشة أحمد مهران لصيانة السيارات اليابانى والكورى والصينى

اقتباس:

المشاركة الأصلية كتبت بواسطة snoop (المشاركة 233813)

والله انا جديد فى المنتدى وقريت الموضوع بتاع حضرتك واى حد يتمنى يقع فى ميكانيكى شاطر ميتعبوش او يبوظلوه العربية زيادة ومن كلام الاعضاء وحضرتك ان شاء الله اروحلوه وبما انو شغال فى السوزوكى سويفت يبقا محتاجوه جدا علشان عايز اظبط شوية حاجات فى العربية واقولكم تجربتى معاه .
بس انا من مدينة نصرمن شارع حسن مائمون- النادى الاهلى اروحلوه ايزاى يا ريت حد يقولى الطريق امشيلوه ايزاى؟؟ والف شكر ليكم

أنت من سكان مدينة نصر
حتأخذ طريق صلاح سالم ثم العباسية ثم أتجاه رمسيس ثم ميدان عبد المنعم رياض و حتدخل يمين
من جنب كوبرى أكتوبر أتجاه الكورنيش
حيبقى الكورنيش على يمينك أفضل ماشى طوالى حتعدى على الفور سيزون برضه طوالى
حتعدى على مستشفى القصر العينى برضه طوالى لغاية ما يبقى كوبرى الملك الصالح أمامك
حتدخل من جنبه يمين و تلف من تحت الكوبرى فى الأتجاه الراجع
أول ما تكون نزلة كوبرى الملك الصالح على شمالك بعد حوالى 50 متر حتلاقى على يمينك
توكيل مرسيدس أدخل الشارع اللى على ناصيته توكيل مرسيدس
بحيث يكون التوكيل شمالك و حتمشى فى الشارع ده لآخره لغاية ما يبقى قدامك سور المترو
أدخل 20 متر شمال حتلاقى ورشة أحمد مهران على يمينك تقريباُ خامس محل
و يا رب أكون عرفت أوصفلك بالتفصيل و صيانة موفقه غن شاء الله

اقتباس:

المشاركة الأصلية كتبت بواسطة snoop (المشاركة 233814)

ويا ريت لو حد من الاخوة يعرف بوهيجى كويس ابن حلال ميكونش غالى فى اسعاروه اعمل بعض الخدوش فى الدهان والاكصدامات فى العربية يكون فى مدينة نصر يبقا كتر الف خيروه

للأسف معرفش واحد كويس ،،،، أنتظر حد من الأعضاء يفيدنا

اقتباس:

المشاركة الأصلية كتبت بواسطة kaity (المشاركة 233959)

جزاك الله خيرا على المعلومه
وان شاء الله اروح له لان محتاج تظبيط بسيط فى العفشه الاماميه

جزانا وإياكم ،،، وصيانة موفقة إن شاء الله

رد: ورشة أحمد مهران لصيانة السيارات اليابانى والكورى والصينى

سلام عليكوا طبعا السيارة الاسبيرانزا مش سهل انك تغير سير الكتينه بتعها لان ليها ظبط معين وبيحتاج الاسبيشيال بتعها ودي لاقتها عند واحد في المنيب وهو شغال في توكيل جيلي وجاك وكان في اسبرنزا الاول المهم للمساعده ٠١٢٨١١٥٦٩٨

رد: ورشة أحمد مهران لصيانة السيارات اليابانى والكورى والصينى

اقتباس:

المشاركة الأصلية كتبت بواسطة mg57 (المشاركة 266999)

بالرغم من ثقتى الكاملة فى شغل أحمد مهران
ولكنى لا أفضل أن يتم تغيير سير الكاتينة خارج التوكيل
على الأقل حتى الآن
لذا
أنصح الجميع بتغيير سير الكاتينة بالتوكيل
والتأكد من أستخدام المسطرة
ملحوظة
80 % من سيور الكاتينة خارج التوكيل مضروبة

ولوحدة الموضوع
http://www.masrmotors.com/vb/showthread.php?t=27839

رد: ورشة أحمد مهران لصيانة السيارات اليابانى والكورى والصينى

يانهار ابيض يااحمد انا قريت موضوع المسطره الاوريجينال دى
بصراحه انت استاذ

رد: ورشة أحمد مهران لصيانة السيارات اليابانى والكورى والصينى

اقتباس:

المشاركة الأصلية كتبت بواسطة أحمد فاروق سيد (المشاركة 213904)

أستاذنا وحبيبنا فى الله
أحمد على
سامحنى لم أرى مشاركتك إلا الآن
وتنور القاهرة الكبري كلها
وأتمنى لو نزلت تبقى تبلغنى قبلها

دا فعلا انت الى تسامحنى انا لسة شايف المشاركة دلوقتى و سعيد جدا بشعورك الطيب
و ان شاء الله نتقابل يوم 5 / 11 فى القاهرة