مصر موتورز مجتمع السيارات - قبل أن تشتري اسبيرانزا

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - قبل أن تشتري اسبيرانزا - احذر! (https://www.masrmotors.com/vb/showthread.php?t=2958)

رد: قبل أن تشتري اسبيرانزا - احذر!

مع احترامي الموضوع ده مكرر وموجه
وقرأته تقريبا على كل منتديات السيارات

رد: قبل أن تشتري اسبيرانزا - احذر!

هوة فين صاحب الموضوع ؟؟؟؟ كتبه وخلاص؟
ولا تلاقيه اشترى اسبرانزا تانى :)

انا العربيه عامله الان 5000 وعملت الصيانه التانيه والحمد لله زى الفل ,,,

ياترى ليه العربيه انتشرت؟ وانتنشرت جدا كمان وبقى فيها التاكسى كمان ده كل ما اجى اركن فى حته لازم الاقى منها
وماليه الشوارع يا عالم فوقوا بقااااااا

دى حتبقى زى الانوس انجح عربيه فى مصر دلوقتى

رد: قبل أن تشتري اسبيرانزا - احذر!

انا اؤيد aalim بان يتقدم احد من مالكى اسبرانز موديل 2008 او 2009 ويقول رايه بصراحه جدا وان الذى سوف يقول هو شهادة حق حتى لايظن البعض بان الاخ الذى شرك السيارة بيظلم الشركة او ان هذا الكلام لصالح منتج اخر لانى انا شايف الاسبرانز منتشره جدا فى القاهرة وما معنى الانتشار اذا كانت هذه السياره غير سليمه وبه عيوب
كما ارجو من السادة مالكى السيارة تيجو ان يخبرونا هل توجد عيوب فى السياره حيث ان ان شاء الله مستنى تيجو 1600 سى سى لما تنزل وشكرا

رد: قبل أن تشتري اسبيرانزا - احذر!

انا من ملاك الاسبرانزا 1600 2008 وفعلا يا جماعه الموضوع دا منتشر وانا قريته قبل ما اشتري عربيتي وصرفت نظر عنها بسببه وبسبب مواضيع تانيه مشابهه لكن للاسف الي مكتوب دا مش حقيقه خالص لان بعد ما اشتريتها بفضل الله ما لاقيتش حاجه من المكتوبه دا اصلا

اقتباس:

1) بداية استلام السيارة المكيف كان لا يعمل ودواسة البنزين بتقطع، تم ضبطهم بصعوبه وبعد عده زيارات للتوكيل وعده خناقات أيضا.

ماحدش بيستلم عربيه فيها حاجه مش مظبوطه اصلا فما بالكم لو التكيف شغال الا لو مسكين عليه ذله

اقتباس:

2) العفشة ناشفة جدا وتحس بكل زلطة في الطريق وتسمع أصوات غريبة وانت بتلف يمين أو شمال حتى بعد تعديل العفشة .

مش عارف هوا يقصد بالنشوفيه انها بتاخد المطب بعنف وتترج جامد ولا ايه لكن تجربتي هيا بتاخد المطب بهداوه اما بخصوص الصوت فعلا بيظهر صوت من الدركسيون زي مايكون مادلية المفاتيح بتخبط في الفبره بس ودا مع النقر والحفر فقط ومش باستمرار كمان ومافيش خبط مع اليمين او الشمال اما بخصوص الزلطه الي بيسمعها في الطريق فعلا لو خبطت فيها من تحت زلطه وهي ماشيه تسمعها لان عزل الصوت فيها مش حلو

اقتباس:

3) سحبها ضعيف جدا خاصة عند تشغيل التكييف وياسلام لو كنت محمل معاك ناس في العربية وطالع كبري في عز الظهر (فضيـــــــــــــــحة)، وحتلاقي في الأحوال العادية والله بلا مبالغة الـ 128 بتسبقك في الطلعة وكذلك جميع السيارات الـ 1300 والـ 1600 طبعا ، وموضوع انها 117 حصان وانها 147 نيوتن ده كلام فاضي وكذب عن تجربة وهي من واقع التجارب تقدر تقول انها فعليا 90 حصان ، 130 نيوتن/م

انا كنت بعاني من دا لما جبتها ومكنتش اعرف ان لازم احط فيها بنزين 92 ولما قالولي في التوكيل لازم تحط 92 بعد مرتين تفويله لقيت الاداء بتاعها اتغير خالص ومش بقت تتاثر بالحموله اما التكيف فبيهد المحرك شويه صغيره تلاحظها لو كبست الدواسه على اخرها ودا تقريبا تبع برنامج السياره الخاص باستهلاك البنزين

اقتباس:

4) في المطبات وما أكثرها تسمع صوت طقطقة قدام ولما المطب ييجي وره تسمع نفس الصوت ورا وهو صوت ثابت في المطبات ومنتظم. (سوف تتعود عليه).

تمت الاجابه في النقطه الي فاتت اما بخصوص الطقطقه الي ورا فمافيهاش اي صوت ورا خالص

اقتباس:

5) صفارة الفرامل وخاصة عندما تسخن الطنابير تحس انك ماشي بصفارة ممتازة تغنيك عن أي كلاكس (أيضا فضيحة)، نوعية التيل سيئ جدا بياكل الطنابير ، وكذلك نوعية الطنابير سيئة جدا - الطنابير اتاكلت بعد 20الف كيلو - طبعا خارج الضمان.

انا كنت اسمع انها فعلا كانت بتصفر وتمت حلها من زمااااان ودلوقتي مفيش اي شكوى من الفرامل ولا من الطنابير والسياره لها جدول لتغير التيل كل 15 الف واكيد لو مشيت عليه وهو فاضي هيبوظ الطنابير لو ما التزمتش بجدول الصيانه

اقتباس:

6) التابلوه بدأ يتقوس ويقب من الشمس ولسة العربية ما كملتش سنة !!

دي واسعه شويه ptmnlo123per172

اقتباس:

7) الباغة الخاصة بالكلاكس في الدركسيون غير حساسة وأحيانا بتعلق ونوعيتها رديئة .

هوا افتكرها عيب بس دا مش عيب خالص هقولكم ,, دواسة البنزين والكلاكس والغماز بتاع النور العالي فيهم ديلي شويه يعني تاخير يعني لو عملت تقليب بالنور العالي كذا مره ورا بعض هتلاقي النور عالي شغال مش بيطفي وينور وكمان الكلاكس نفس النظام لو دوست وسيبت كذا مره بسرعه هتلاقيه بيزمر كان دايس على طول اما بقى دواسة البنزين فدي مشكلتي الحقيقيه مع العربيه ptmnlo123per115 احيانا يستلزم الامر اني ادوس واسيب ودوس واسيب مره واحده وساعتها بلاقي ياما تنتيش ياما مفيش استجابه ودا للحظات وبعد كده تستجيب وانا شايف ان الموضوع دا حله الفتيس الاتوماتيك او الواير العادي وبلاش حكايه الدواسه الكهربا دي

اقتباس:

8) الدوكو الخاص بالسيارة خفيف جدا لو عملتوا بأظافرك حيطلع علطول والاكصدام الأمامي والخلفي بدأوا في التقشير بعد الشهر الأول!!

دي كمان واسعه شويه ptmnlo123per172

اقتباس:

9) صوت المارشدير عالي جدا (أيضا فضيحة ) الفتيس بيعض في المارشدير حتى بعد ضبطه في التوكيل ( لكن حتتعود عليه)

دي كانت بتحصل معايا واكتشفت الامر اني لما اروح اغسل العربيه ويحطو ورق كده على الدواسات بعد شويه الورق دا بيتني تحت الدبرياج ومش بياخد الحركه بتاعته كامله وعشان كده النقلات بتعض اما لما اشيل الورق دا خالص او افرده تاني المشكله بتروح ptmnlo123per1127

اقتباس:

10) عيب قوي جدا في تصميم الموتور وأنه مقلوب ستجد الهيدرز الخاصة بالشكمان والفرن تم وضعهم إلى الداخل ناحية السائق والتابلوه وليس إلى الخارج كما هو الحال في جميع السيارات الأخرى المحترمة (فهل هذا اختراع جديد ؟) مما يسبب دخول حرارة الشكمان إلى الداخل ودليل ذلك حط يدك على الكاسيت بعد السير لفترة طويلة حتلاقيه مولع وسخن جدا ، انا كنت مركب صفارة انذار في الموتور ساحت واضطررت لتغييرها من سخونة الموتور ، فحركة قلب الموتور سيئة جدا وفكرة فاشلة تضر بالسيارة على المدى البعيد.

في سيارات المحرك بتاعها كده وياباني كمان اكيد انتو عارفين وفي عازل حراره باين وواضح في الجزء الي خلف المحرك في جسم السياره ,, واكيد الصينيين مش غاوين يقرفو الناس وسهل عليهم جدا يعملو بالعكس لكن هوا دا تصميم العربيه الاصلح اكيد ,, الكاسيت لو شغلته والعربيه وقفه هيسخن مع نفسه وخلو بالكو ان الكاسيت بتاعها في اوبشن انه ممكن يشتغل ديمو حتى لو مطفي ودا كمان بيخليه يسخن وانت فاتح الكونتاكت وطالما الكاسيت سخن من حرارة الشكمان كان من باب اولى اجزاء الطابلوه التانيه تسخن برضو ولا ايه ؟؟؟

اقتباس:

11) سماعات الكاسيت الأمامية كانت لا تعمل وتم ضبطها في توكيل كلاريون (السيارة زيرو !!!)

مشكلة تقفيل عاديه

اقتباس:

12) التوكيل وما أدراك ما التوكيل المعاملة الفعلية سيئة جدا جدا جدا ، لا تنخدع بالابتسامة وحضرتك ويا افندم وتحت أمرك ... ، انا عايز واحد يشتمنى بس يصلحلي العيوب اللي رايح عشانها مش بعد ما أحجز قبلها بأسبوعين وأروح وأضيع يوم كامل وأدفع مبلغ لا بأس به أرجع البيت بنفس العيوب !!!! (ضحك على الذقون)

انا بصراحه معاملتهم معايا كويسه ومش بستنى كتير كمان في الصياتات الي بعملها بس انا بروح بدري في يوم مايكونش اجازه

اقتباس:

13) أسعار الصيانة غالية صيانة 10000كم 300 جنيه - صيانة 20000كم - 700 جنيه ولدي ايصالات دفع بذلك ،طبعا كتير جدا غير اللي كنت بأدفعه في الزيارات اللي في النص مع المعاناه مع حضرتك وتحت أمرك يا فندم والكلام الفارغ ده والنتيجة ولا حاجة.

الرقمين دول غلط اولا ال10000 ب 450 تقريبا لان فيها بند تغير الزيت ودا بيعمل فوق ال300 و65 مصنعيه اما 20000 فدا رقم مبالغ فيه وانا بشوف ناس في التوكيل بيعملو الصيانه دي ومحدش بيدفع الرقم دا الا لو حد خابط عربيته وبيصلح فيها حاجه مع الصيانه بالمره بس انا لسه داخل على صيانه 15000 قريب

اقتباس:

14) سنتر الباب الخلفي يمين لا يعمل وذهبت للتوكيل 3 مرات دون جدوى السنتر مش موجود حاليا ياا فندم على مدى شهرين !!!!

كمان مشكلة تقفيل عاديه

اقتباس:

15) يوجد حدفة يمين لوجود عيب في الشاسيه باعتراف التوكيل وكثير من مالكيها سواء شعروا بها أو لم يشعروا وليس لها حل .

انا سمعت بيها لكن الحمد لله مش عندي ولا عند حد من الي اعرفهم معاهم العربيه ممكن تكون كانت مشكلة زوايا في المديلات الي نزلت في الاول واتحلت زي صفارة الفرامل

اقتباس:

وتقييم نهائي للسيارة أعطيها 60% وقد تكون جيده لمن كان لديه قبلها 128 - سيات 133 - 127- 125 أو شي من هذا القبيل مع احترامي الكامل لجميع السيارات السابقة ، وهي تصلح أكثر للسيدات وللاستخدام الخفيف غير كده للأسف مش حتنفع واللي حياخدها حيفكر يبيعها بعد أسبوع من شرائها .

ال 60 % راي شخصي اما لجودتها فهي جيده بالنسبه للسيارات الي من نفس فئتها السعريه وموديلها وممكن تتنافس معاهم وبشده وفي مشاركتين ليا في موضوع هنا (الفرق بين الانسر والاسبرانزا )ptmnlo123per111 بغض النظر عن اسم الموضوع انا ذكرت فيه العيوب والمميزات الي لاقيتها في العربيه

وشكرا لحسن متابعتكم وانا رديت على الموضوع للمهتمين بالسياره وعاوزين يعرفو عنها اكتر واي سؤال عنها انا تحت امركم

ptmnlo123per122

رد: قبل أن تشتري اسبيرانزا - احذر!

اقتباس:

ماحدش بيستلم عربيه فيها حاجه مش مظبوطه اصلا فما بالكم لو التكيف شغال الا لو مسكين عليه ذله

اعتقد انك خرجت عن آداب الحديث وقواعد المنتدى؟! .

ببساطة أنا استلمت العربية في شهر يناير في عز الشتاء ، فلم تكن هناك أي فرصة لتجربة التكييف ، وبعدين هو المفروض وانا باستلم العربية الجديدة الزيرو من توكيل محترم أجرب التكييف ! وأجرب المساحات وأجرب الفوانيس ، وفرملة اليد . . . الخ ، انا باستلم عربية زيرو مش عربية مستعملة من سوق العربيات !

اقتباس:

اما بخصوص الصوت فعلا بيظهر صوت من الدركسيون زي مايكون مادلية المفاتيح بتخبط في الفبره بس ودا مع النقر والحفر فقط

وده يؤكد كلامي إن العفشة سيئة

اقتباس:

وده أيضا يؤكد كلامي إن السحب ضعيف خاصة مع التكييف ، وبعدين هو انت كنت بتحط بنزين 80 لعربية زيرو ؟!! ، وبالمناسبة أنا في الفترة الأخيرة والله العظيم كنت بأحط بنزين 95 وبرضه نفس النتيجة -السحب ضعييييييف

اقتباس:

دواسة البنزين والكلاكس والغماز بتاع النور العالي فيهم ديلي شويه يعني تاخير يعني لو عملت تقليب بالنور العالي كذا مره ورا بعض هتلاقي النور عالي شغال مش بيطفي وينور وكمان الكلاكس نفس النظام لو دوست وسيبت كذا مره بسرعه هتلاقيه بيزمر كان دايس على طول اما بقى دواسة البنزين فدي مشكلتي الحقيقيه مع العربيه

وده أيضا يؤكد كلامي عيوب في الكلاكس ودواسة البنزين . . . الخ

اقتباس:

من عينيه الاثنين حاضر حأدور على فواتير النصب قصدي فواتير الدفع في التوكيلين الصحراوي وجسر السويس وحأعمل ليهم سكان وأحطهم هنا لجميع الأعضاء بالمنتدى .

اقتباس:

انا سمعت بيها لكن الحمد لله مش عندي ولا عند حد من الي اعرفهم معاهم العربيه ممكن تكون كانت مشكلة زوايا في المديلات الي نزلت في الاول

يا عزيزي المشكلة دي موجودة في جميع موديلات 516 سواء شعرت بها أو لم تشعر بسبب وجود خطأ في أبعاد الشاسيه ، الكلام ده من مهندس التوكيل في جسر السويس ، فالحدفة موجوده وانا شعرت بها من أول يوم .

اقتباس:

؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!

يا راجل يا طيب ، انت مقتنع بالكلام ده ؟؟؟؟؟؟؟!!!!!!!!!!

اقتباس:

طيب اذكرلي عربية وحده بس وحده ياباني تصميم موتورها كده!! ، لو التصميم الصيني ده الأصلح أكيد كان من باب أولى الألمان ولهم ما لهم من باع في عالم السيارات ، أو الأمريكان ، أو الطليان ، للأسف مافيش غير الافتكاسة الصينية فقط هي اللي عملت كده !! ، وياريت كده وبس لا والتقفيل مصري !!

اقتباس:

ال 60 % راي شخصي اما لجودتها فهي جيده بالنسبه للسيارات الي من نفس فئتها السعريه وموديلها وممكن تتنافس معاهم وبشده وفي مشاركتين ليا في موضوع هنا (الفرق بين الانسر والاسبرانزا )

مش ممكن بأي حال من الأحوال تقارن الاسبيرانزا بالعيوب الصيني والتي تم تكليل هذه العيوب بالتقفيل المصري ، مش ممكن تقارنها أبدا باللانسر الياباني ؟؟؟!!!!!!!

وعموما السيارات كما أي سلعة أذواق وطالما انت مبسوط بعربيتك فربنا يباركلك فيها ويهنيك بيها .