رد: بالامانه اسبرانزا m11 ولا بيرليانس frv
 

شوف كدة الشكوى من الافيو و الفيرنا و اللانوس يا استاذى مافيش عربية عليها اجماع ولا كلها سليمة 100%

رد: بالامانه اسبرانزا m11 ولا بيرليانس frv
 

انا متفق مع حضرتكم اوي بس سوري بالنسبة ام 11 مكنش رايح مشتري عربية زيرو ومتكملش شهر والدينمو يفصل ولاالتابلوة يبوظ ولا الانوار مش تظبط ياراجل دا انا كنت بتفرق عليها في المعرض وحظي كانت مقفولة الراجل راح جاب الريموت علشان يفتحها الرموت علق والعربية قعدت تدي كلاكس وخلاص انا مش ضد الصيني ولاحاجة بس لو هركب وانا مطمن اقولك اوكي
ثانيا بالنسبة للبريليانسحضرتك اديني سبب واحد مقنع يقولي ان FRV مانيوال GLS كانت بي 80الف نزلت لي 75 نزلت لي 70 في اقل من 6 شهور ممكن تفسير واحد والعربية معلهاش ضغط كبير بالعكس العربية لما بيكون عليها ضغط سعرها بيكون ثابت او بيزيد الف او بيقل الف مش في 6 شهور تنزل 10 الاف ودلوقتي الكماليات الي في السيارة لو بصيت لاي سيارة تانية فيها الكمليات دي هتدخل في 90 ولا 100 الف يبقي ازاي العربية دي بي 70 يبقي اكيد الحاجات الي فيها مش قد كدة يعني حبة وهتبوظ
حضرتك دولة الصين الشقيقة عارفة ان الشعب المصري بيحب المظاهر تقوم تدينا عربيات فيها كل حاجة والامان مش اوي يعني اخرها 5 او 6 سنين والعربية تقولك بااااااااااي
انا عن نفسي مش اجازف واحط 70000 الف في عربية صيني دول مبلغ مش قليل ولو حصل حاجة في العربية في اول 3 سنين دا انا هيجيلي شلل
الواحد بيشتري زيرو علشان يريح دماغوا 4 او 5 سنين زيت سيور تيل فرامل بس مش اكتر من كدة
الانوس والافيو واللوجان اوك فيهم مشاكل بس علي الاقل ليهم سمعة بقالهم في السوق 8 او 9 سنين فيما عدا اللوجان المغربية
الانوس من سنة 1999 في السوق ولسة شغالة لحد انهاردة وبصراحة مسمعتش حد اشتكي منها
دا راي الشخصي وانا احترم الارائكم شكراااااااااااااا

رد: بالامانه اسبرانزا m11 ولا بيرليانس frv
 

يا جماعه أنا بحترم كل الكلام بس فى بعض الأراء جميله ومنطقيه وفى كلام كتييير غلط وكلام تانى مش مؤثر.أنا عندى FRV بقالى سنه ونص بظبط والله أنا هتكلم بمنتهى الأمانه مافيش عربيه مافهاش عيوب مثلا الكورولا الشكل الجديد بتنسحب من السوق عشان عيب فرامل وبنت خالى عملت حادثه بيها فعلا بسبب الفرامل وأهى الكورولا اليابانى بجلالت قدرها والسيراتو فيها عيوب.أنا مش هطول أنا صاحبى عنده إسبرانزا.وبركب عربيتى وبركب عربيته ومن المجمل العام البريليانس أحسن مش بكتير.بس للأسف عربيته بتبوظ لوحدها والله العظيم الكاست مطب باظ النور بتاع الفرامل علق كشاف خلفى شمال باظ.والمفاجئه موديل 2010 .عربيتى عملت حادسه أول ماجبتها بعدها بشهرين كده من قدام .أسعار قطع الغيار ف العادى جدا وأنا مجرب وشارى وجبتها مش من مصر من مكان إقامتى الفانوس الأمامى ب550 ج بس يعنى مش غاليه خالص وبالنسبه أنا والله إشتريت العربيه دى مخصوص عشان توكلها قوى يستحق الإحترام ومن الأخر أنا مش بقتنع بأى شخص يصلح عربيته ف التوكيل أى عربيه ف الدنيا تتصلح بره التوكيل وقطع اغيار موجوده جدا.العربيه حقيقى ف نظرى أحسن من الإسبرانزا و اللانوس ووالفرنا.بعدين من إلى قال سعر العربيه 80 أنا جيبها74 ألف موتور1600س س والعربيه كسحب جميله بشد بيها مع الفرنا والأنوس والانسر والأبترا بس بصراحه الأوبترا كانت بتكسب. والعربيه مابتسخنش خالص وتوفير البنزين بتعها تحفه رحت من ميت غمر لمدينت نصر رايح جاى ب25جنيه العربيه كعربيه كمضمون حلوه أنا كنت بحب الإسبرانزا بصراحه بس بعد ما صحبى جبه ماحبتها وبردو بقول بالنسبه لسعرها معقوله.وكنت بسأل انا سمعت إن جميع قطع غيار العفشه بتاعت بريليانس هى أوكتافيا A4 .ومن الأخر بجد إلى بيحدد عمر العربيه مدى إٍستخدامك ليها ومحافظتك عليها بس موضوع إن الحاجه تبوظ لوحدها دا غريب بجد