مصر موتورز مجتمع السيارات - شكل دعائى هزيل ياريت لا ننساق فية

اقتباس:

المشاركة الأصلية كتبت بواسطة luckyman (المشاركة 200877)

1500 أسرة مصرية تقاضي «سيتروين» الفرنسية بسبب عيوب فنية في سياراتها

الدعاوى تطال وكيل الشركة الأسبق «المصرية لصناعة السيارات» في اتهامات بالغش التجاري
القاهرة: منى مدكور
تنظر محكمة شمال القاهرة في السابع والعشرين من الشهر الحالي الدعاوى القضائية المرفوعة من أكثر من ألف وخمسمائة أسرة مصرية ضد شركة سيتروين الفرنسية للسيارات وكيلها الأسبق في القاهرة الشركة المصرية لصناعة السيارات «جاك»، وذلك بعد أن اكتشف حائزو مئات من سيارات سيتروين اشتروها من الوكيل ان بها العديد من العيوب الفنية وتمثل خطراً داهماً على حياة راكبيها. وقال محمد طاهر محمد المحامي الموكل عن الأسر المتضررة من امتلاك هذه السيارات في تصريح لـ«الشرق الأوسط» انها المرة الأولى من نوعها على الأقل في العالم العربي، حيث لم يحدث ان قام مجموعة كبيرة من الأشخاص برفع دعاوى قضائية على شركة سيارات عريقة مثل شركة سيتروين اذ كانت الشكاوى في الغالب فردية، أما هنا فالوضع مختلف حيث وكلت ما يزيد على 350 فرداً من مالكي سيارات الركوب سيتروين لرفع قضايا ضد الشركة الأم في فرنسا ومقرها 62 شارع فيكتور هوجو ـ باريس ـ فرنسا، وضد الوكيل المعتمد لها بالقاهرة وهو الشركة المصرية لصناعة السيارات «جاك». وتتلخص أوراق القضايا المرفوعة في شقين هما دعوى مدنية تحمل رقم 2002 لسنة 2002 لفسخ العقود المبرمة ما بين الشركة والمشترين ودعوى جنائية تحمل رقم 7913 لسنة 2002 ضد ممدوح مختار علي يوسف وعماد مختار علي يوسف، ومجدي مختار علي يوسف المالكين للشركة المصرية للصناعة السيارات «جاك» فتتهمهم فيها بالغش التجاي والتدليس.
من جهة أخرى كانت محكمة جنح مصر الجديدة قد قررت ندب لجنة مؤلفة من رئيس قسم الميكانيكا بكلية الهندسة جامعة عين شمس واثنين من مهندسي الرقابة الصناعية التابعة لوزارة الصناعة واثنين من المفتشين المختصين من مكافحة الغش التجاري بوزارة التموين لبحث مدى مطابقة السيارات للمواصفات القياسية ومطابقتها للمواصفات المعلن عنها والواردة بعقود البيع والكتالوجات الملحقة ببيع السيارات. ويضيف محامي مالكي السيارات قائلاً إن مهندسي شركة النصر للسيارات قدموا تقريراً عن حالة عربات سيتروين، كما أن اللجنة الفنية أصدرت محضراً بالمعاينة ورد فيه ان السيارات المذكورة بها عيوب صارخة تم تصنيفها في إحدى عشرة نقطة أهمها أن محرك السيارات المذكورة ليس عليه علامات سيتروين كالمتبع في الشركات العملاقة للسيارات وان الفرامل ماركة بندكس (انتاج المجموعة الأوروبية)، وفلتر الهواء (مصري الصنع)، وضاغط جهاز التكييف (غير محددة المصدر) وان جنوط العجل إسبانية الصنع، بل ان المساعدين ماركة بيجوى، وانتهى تقرير اللجنة إلى أن هناك أجزاء بالسيارات غير مسجل عليها جهة الصنع وأخرى من تصنيع شركات أخرى، هذا بالاضافة الى أن السيارات بها أجزاء تلفت بعد الاستخدام بوقت قصير نتيجة عيوب الصناعة أو نتيجة عدم تحمل الخدمة الشاقة.
ويؤكد محامي مالكي السيارات ان عدد المتضررين يصل الى 1050 شخصاً نظراً لأن ملاك السيارات قد تعاقدوا عليها بنظام التقسيط لتحويلها لسيارات أجرة وفي حالات قليلة استخدامها ملاكي مما يستلزم وجود ضامنين على الأقل لكل فرد والبعض طلبت منه الشركة 3 أو 4 ضامنين ليتملكوا السيارات ماركة A ـ zx، وتباع السيارة بالسعر الفوري بـ46 ألف جنيه أما مع نظام التقسيط على 3 سنوات فتباع بـ75 ألف جنيه. من جهته قال الوكيل الجديد لـ«سيتروين» هشام عز العرب، إنه ليس مسؤولاً عن التعاقدات التي تمت مع شركة جاك الوكيل قبل السابق لسيتروين في مصر، مشيراً إلى أن التوكيل انتقل من جاك الى شركة أخرى قبل أن يحصل عليه كما أنه لم يتلق أي شكوى من السيارات التي باعها هو، وبالاتصال بشركة جاك، قالت السكرتارية، ان من غير الممكن توصيل أسئلة الصحافة الى ملاك الشركة المقام عليهم الادعاء، وهي من الموديلات الحديثة «اكسارا N.7. c.5.».

اقتباس:

المشاركة الأصلية كتبت بواسطة luckyman (المشاركة 200881)

عن جريدة الشرق الاوسط
يعنى من الاخر توكيل جاك لا هو التوكيل المضمون ولا اللى تاريخة ناصع ان كانت التوكيلات الكبيرة امثال ابو الفتوح والمنصور تجمعهم زى الزفت فى العربيات برغم انهم مستمرين فى السوق يعنى مش فص ملخح وداب ممكن يبيعوا 2000 او 3000 ويختفوا زى ما عمل جاك قبل كدة ومعظم ملاك الستروين بيصلحوا عربيتهم عند واحد فى مصر الجديدة المفروض انه لو توكيل محترم يلتزم باخلاقيات مهنتة وشرف المهنة ويقدم للناس الخدمة لقطع الغيار حتى لو العربية توقف انتاجها بلا جاك بلا منصور بلا ابو الفتوح
بصراحة كلهم لا ذمة ولا ضمير طب ماايه الحل ماهو الاسماء الكبيرة مش كويسة والاسماء الصغيرة برضه يبقى الحل عدم شراء عربية لانه من المستحيل تغيير اصحاب التوكيلات ومن المستحيل منع الشراء ايضا
واحنا مشاركين فى دة باستمرارنا فى شراء منتجات متدنية الجودة والقيمة والاداء والاسم بالاقبال على منتجاتهم
ممكن يكون بعض الانتاج سيىء والاخر جيد لكن دة مش مبرر لازم ناخد مقابل ما دفعنا من منتج محترم
ممكن المنتج يكون محترم لكن توكيل السيارة غير محترم وبيضر باسم الشركة
ياريت بس احنا مش نشترك فى الحملات الدعائية المجانية ونكون بنشارك فى تضليل الناس من غير ما نحس
يا جماعة طيب استنوا حتى فترة مقبوله لتجربة السيارة بس النقطة دى لايمكن التنبؤ بيها واحد اخد توكيل عربية من الصعب معرفة نواياه وهل ينوى الاستمرار ولا حيبيع شوية ويمشى ووفى الوقت الحالى الصينى ابتدى بقوة يفرض نفسه وخلينا واقعيين سواء شئنا ام ابينا الصينى بيبيع فى السوق المصرى وليه عشاقه ومعنى انه نجح انه مش وحش مع الاخذ فى الاعتبار سعره يعنى لاهو المانى ولا يابانى ونقطة العيوب كل العربيات اللى فى الدنيا فيها عيوب بدون استثناء بس اللى مميز الفيرنا فى السوق المصرى عندنا مثلا ان الفيرنا منتشة فقطع غيارها متوفرة وصيانتها اسهل مش اكتر واى عربية حنتشر حترخص قطع غيارها ووحتبقى صيانتها اسهل مايكون
انا استغربت جدا لما لقيت المنصور منزل الافيو بضمان 3 سنوات او 60 الف كيلو
العالم كله بيوسع نطاق الضمان وهو بيحصرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟طب السؤال الاهم ليه الناس بتشتريها طيب يعنى مثلا سمعة الافيو ولا الصينى انا كل اللى ارعفهم معاهم افيو بيشتكوا من عيوبها ومع الاخذ فى الاعتبار ان الوكيل منصور طبعا
فعلا حاجة تحزن حنى وجية اباظة جاب عربيات من ايران بسعر ليس بالزهيد تحت اسم عريق وعمل هوللة واعلانات والمارد الفرنسى والاسد ومش عارف اية ونزل بعربية ولا تسوى نكله حتى الصاج والتشطيب واكبر مقلب السوق واضح والجيد بيفرض نفسه والسيئ بيفشل من تلقاء نفسه وده قانون السوق
السؤال الان ازاى احنا كمستهلك او مواطن اثق فى الناس دى
وازاى اشارك فى الجريمة دى حتى لو بحسن نية
ولية احنا كمصريين مش بنتعلمعشان ماعندناش بديل
ولية احنا كمصريين يتصدر لنا زباله الانتاج العالمى او يتجمع عندنا المنتجات السيئة احنا اللى بينجبها كمصريين مش العالم اللى بيبعتها فلو فى حساب يبقى للحكومة اللى حطط القوانين الخاصة بااستيراد وخلت الاسعار فى مصر بالمنظر ده
برغم انها مش مدعومة من الحكومة ولا هى هبات يعنى على الاقل نحصل مقابل ما ندفعة
ولية لقيت ناس هنا فى الموقع بترد وتعتبرة امر واقع ونعمل اية ومش عارف اية مقابل السعر
لية بتفكروا ان اللى معاه 75 الف انة مبلغ زهيد وممكن يقامر فية ولية انة امر واقع اجيب عربية بعشرات الالواف واجرى بها فى مراكز الصيانة لعيوب فنية او تجميع او تشطيب ؟؟؟؟؟؟؟؟؟؟؟؟وصاحب الفلوش يلام ليه هو بيختار من سيئ لاسوؤ ومجبر على الاختيار او يقضيها ميكروباصات وتاكسيات هو واسرته وبنفس المنظور ليه احنا ساكتين على مستوى الخضروات والفاكهة السيئ لبلد زراعية ولا رغيف العيش ولا الشوارع ولا التعليم من الابتدائى ووصولا الى الجامعى وليه انتازلت عن حقك فى المصالح الحكومية والبهدلة ياسيدى الفاضل هى منظومة غير منظمة وعدم النظام فى الاخر بيفشل وكلنا بندفع ضرايب وما بتاخدش بيها حاجة واللى هى حقك
مليون علامة تعجب واستفهام
ياريت اللى يرد ما يردش بشكل شخصى علشان نكون محترفين اكثر وفعالين افضل ولكم منى فائق الشكر والاحترام والود

و المشكلة فى مصر مشكلة منظومة والمنظومة يديرها افراد اللى هم المسئولين عن الانتاج فى الاساس فاحنا بكده بنطلب ان كل مسئول يحاسب نفسه ويدفع نفسه وده من رابع المستحيلات وشكرا

وبالنسبة للعربيات الصينى الان تواجه نفس الحرب التى واجهها الكورى فى اوائل التسعينات وانا فاكر اول ماالدايو نزلت مصر الناس انا اشترى كورى وده بلاستيك والكلام ده وبعد 20 سنى الكورى هو الاكثر مبيعا وانتشارا ومع الوقت الصينى سوف ينتشر مثله وان لم يكن اكثر منه لكن اعطزه فرصته