مصر موتورز مجتمع السيارات

بصوا يا جماعة فلنفرض ان كل العربيات اللى موجودة كاداء 85 % ومقبوله ولا بأس بها او لا غبار عليها وانها اثبتت نفسعا نوعا ودة المنتظر من معظم المنتجيين فى العالم حتى الصنيين انهم كل سنة افضل من السنة اللى فاتتها لكن الاهم هنا كمان بدون تشكيك فى السيارة فى حد ذاتها هو التوكيل ومدى مصدقيتة والتزامة بتوفير قطع غيار ومراكز خدمة منتشرة وتقديم خدمة للسيارة على المدى البعيد وليس كل همة بيع اكبر عدد وفص وملح وداب او اختفى
لان احنا لسة عندنا توكيلات او مجمعيين لا يرتقوا الى المستوى ابدا برغم تاريخهم الطويل فى السوق وتواجدهم الحقيقى الا ان خدمتهم ومستوى الجودة متدنى ولا يعود فى اغلب الاحيان الى المنتج بقدر ما يعود الى الموزع او التوكيل المحلى هذا حال الناس القديمة فما بالكم بالتوكيلات الجديدة اللى كانت عبارة عن شوية معارض توزيع لا تمتلك حتى اخلاقيات المهنة بالالتزام على اقل تقدير بتوفر قطع الغيار هنا الف مليون علامة استفهام ؟؟؟؟؟؟؟؟
لازم نحطها فى الاعتبار
خصوصا ان الحكومة لا رادع ولا رقابة
وكمان المصانع العالمية تقريبا تستهين بالمستهلك والسوق المصرى دة مش تقريبا دة اكيد والا كان لازم تضع معايير وشروط والتزمات لكل من يرغب فى الحصول على التوكيل او تجديد عهقد وكالتة ويكون هناك تشدد لكن للاسف السوق المصرى يعتبر غير موضوع فى الحسبان
وكانت الصدمة عنيفة ومستغربة مع نيسان موتورز اللى عملت مهرجانات ونيسان اليابانية ومش عارف اية وفى الاخر انتاج هزيل وضعيف لمنتج توقف انتاجة وجيل خرج من خطوط الانتاج العالمية وبجودة ليست كانت بالمستوى المتوقع
ولا عزاء للمواطن المصرى الذى هو طرف اصيل ومشارك فى تصريف الانتاج العالمى الفرز التالت والرابع الى اسواق بلدنا بمقابل باهظ