رد: سؤال لملاك الميجان، ليه بتبيعوها برخص التراب
 

السلام عليكم جماعة الخير,
أعرف أنكم أثرتم موضوع اختيار السيارة المناسبة (وكانت ميجان هي المثال) من فترة طويلة, ولكني عضو جديد وقد سعدت كثيرا بصراحتكم وآرائكم المفيدة.
وأرجو من الأخ "بايو" أن ينصحني برأية في الأكتافيا A5 حيث أنه (مجرب) وفي هذه الحالة سيكون أفضل من (طبيب).
وللعلم أنا عندي لانسر 2006 وأريد أن استبدلها بأكتافيا. فما رأيكم جميعا ؟!

رد: سؤال لملاك الميجان، ليه بتبيعوها برخص التراب
 

انا اسف للكلام الى انا هقوله ده بس غصب عنى لازم اقوله للناس الى بتقول مش على الميجان بس لا على الاوربى كله انه مش حلو ومعقد والكلام الكتير ده ياجماعه لما واحد يشترى عربيه ياريت لو يقراء الكتالوج بتعها حتى لو بلغه اخرى يترجمه اولا لئن ده هيكون مفيد جدا ليه فى كل حاجه ثانيا السيارات الاوربى دى الى اغلب الشعب المصرى بيقول عليها دى عربيات مش حلوه والكلام ده السيارات دى للناس الى بتقراء الكتلوجات وبتعرف تقارن قبل الشراء بيكون اختيارهم الاول السيارات الاوربيه رغم ان الناس دى بتكون عارفه انه يوم ما يبيعو مش هتجبلوهم حتى نص الى دفعوه لكنه اختيارهم الاول لئن باختصار شديد لما واحد يشترى عربيه بيدور على الثبات والمتانه وطرق التصنيع والاداء وطبعا عمرى ما شوفت ولا هشوف عربيات متوافر فيها الكلام ده غير الاوربى انما هروح اجيب كورى ولا صينى يبقى حرام عليا فلوسى لئن الناس دى بتلعب فى الشكل والرفاهيه ليس اكثر زى اللعبه الصينى كده بالظبط عموما السيارات الى انا شخصيا احترمها هى الاوربى والامريكى غير كده لا لئن غير كده هكون راكب لعبه صينىptmnlo123per171

رد: سؤال لملاك الميجان، ليه بتبيعوها برخص التراب
 

يا جماعه ممكن اعرف الكلام اليي ينطبق على الميجان ينطبق علي اللوجان ال7 راكب انا بفكر اشتريها يا ريت تدلوني ولكم جزيل الشكر

رد: سؤال لملاك الميجان، ليه بتبيعوها برخص التراب
 

كلام ايه يا باشا المشاكل اللى فى الميجان كانت فى الموديلات القديمه وكانت فى الفتيس الستيبترونيك مش فى المانيوال
واللوجان ال7 راكب دى مفيش منها غير مانيوال غير كده هى مختلفه تماما عن الميجان من حيث موتور او عفشه او حتى كهربا يبقى اكيد الكلام ده لاينطبق على اللوجان ال7 راكب
ولو حضرتك عندك استفسار معين ممكن تفتح موضوع بيه واحنا موجودين بأذن اللهptmnlo123per122
اخوك بوب الجامد

رد: سؤال لملاك الميجان، ليه بتبيعوها برخص التراب
 

شكرا بوب الجامد علي اهتمامك ممكن استأذن حضرتك في معلومات عن اللوجان 7 راكب من حيث اسعار قطع الغيار ومدي توفرها واقرب مراكز للخدمه والصيانه من محافظة قنا وهل فعلا العربيه تجميع المغرب ولك جزيل الشكر وفائق التقدير والإحترام