|
رد: ايهما افضل رينو كليو ام ستروين اكسارا؟
اقتباس:
انا رديت على رسالتك |
رد: ايهما افضل رينو كليو ام ستروين اكسارا؟
اقتباس:
أنا أحسن واحد ممكن يجاوب على استفسارك , عشان بكل بساطة أنا امتلكت السيارتين كان معايا كليو 2001 1.4 والآن معايا اكسارا 1 2001 1.6 لو حتكلم على العربيتين دول بالذات فالاكسارا أفضل منها فى كل شىء ماعدا قوة الموتور وأداءه فى الكليو اعلى , وكذلك استهلاك البنزين فى الكليو اعلى بس ده 2001 فقط لان الموتور 100 حصان اما كليو 2003 1.2 فدى من أكثر العربيات الكليو التى لا احبها وميزتها الوحيدة عن الاكسارا ان استهلاك البنزين أقتصادى جدا أرجو توضيح الاكسارا 2003 اتوماتيك أم 1400 منوال ؟ مميزات الاكسارا : أوسع بكثير من الداخل - أداء التكييف أفضل - أنعم وثبات اعلى على الطريق وعلى السرعات العليا لا يقارن بأى سيارة كورية - أستهلاك بنزين معقول ومناسب - شكل خارجى أفضل بكثير - قطع غيار متوفرة عيوب الأكسارا : صعوبة وجود واحدة معروضة بحالة جيدة لذلك انصح بالكشف الجيد قبل الشراء - سوق الكليو ماشى عنها - نفس قطع غيار البيجو وسعرها مرتفع نسبيا عن الكليو ( مش غالية اوى زى ما الناس ما فاكره ) طبعا لما تقارن كليو باكسارا فأكيد الاكسارا افضل بكثير خصوصا من كليو 2003 لأنها تركى وليست فرنساوى مثل 2001 واى استفسار آخر انا تحت امرك |
رد: ايهما افضل رينو كليو ام ستروين اكسارا؟
اقتباس:
انت بصراحه وقعتلى من السما :) وانت قولت المختصر المفيد بس انا ممكن اضيف ان العربيتين مانيوال ومش شرط الكليو تبقى 2003 على فكره انا ممكن اجيب اى موديل على حسب الحاله فلو كده مقارنتك فيها تغيير ياريت تقوللى رأيك مره تانيه |
رد: ايهما افضل رينو كليو ام ستروين اكسارا؟
طبعا أهم حاجة حالة العربية
زى ما قلتلك بكل المقاييس الأكسارا أفضل من الكليو سواء 1200 أو 1400 وعيوب الاكسارا هى هى اللى وضحتهالك أنا سألتك على الاكسارا عشان كل اللى موجود فى السوق منيوال يا أما اكسارا 1 1600 أو اكسارا 2 1400، وأغلب الاكسارا 2 1600 بتكون اوتوماتيك لو انت مشاويرك صغيرة ومبتسافرش كتير الكليو ال1200 حتكون مناسبة، غير كدا الكليو 1400 أفضل بكثير وفى الاخر المهم حالة العربية ، والاثنين حلوين، يعنى لو لقيت كليو حالتها افضل من الاكسارا هات الكليو، والعكس |
رد: ايهما افضل رينو كليو ام ستروين اكسارا؟
اقتباس:
والله ده اللى فى دماغى بالظبط :) |
| الساعة الآن 04:34 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017