مصر موتورز مجتمع السيارات - عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

شكرا يا دمياطي على مجهودك مع كل الناس
ربنا يوفقك

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

اقتباس:

كنت عايز اعدل في عربيتي الفيرنا من حيث الشكل وكنت عايز اركب كت كامل بتاع النسر
فهل يركب علي طول علي اساس ان العربيتين تقريبا مقاس واحد
ولا حيحتاج تعديل بسيط
وهل اسبويلر النسر يركب علي الفيرنا

ممكن أي كيت بتاع عربية يركب على عربية تانية بس هيتقص كتير من الكت

والاسبويلر ممكن يركب بس هيتقص من النص علشان يبقى على قد الشنطة بتاعت الفيرنا

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

عاااااااااااااااايز النترا 2009

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

السلام عليكم ورحمه الله وبركاته

اعذروني بقه يا رجاله عشان انا مليش اي خبره في التعديل
انا معايا شاهين 96
عايز اعمل فيها خمس حاجات من اللي هتشوفوهم في الصور اللي جايه

http://www.alluwanna.com/img/images/507_156335_max.jpg

http://www.alluwanna.com/img/images/307_156338_max.jpg

http://www.alluwanna.com/img/images/177_156339_max.jpg

http://www.alluwanna.com/img/images/910_156341_max.jpg

ها، شفتوا الصور؟؟

أنا عايز اعمل الاكصدامين القدماني والخلفي
وعايز اكبر عتب الابواب زي اللي معمول دا
وعايز اعمل الجزء اللي اللي مغير شكل الفوانيس بالشبكه
واخر حاجه الحتت اللي على الكبوت دي "وياريت تعرفوني اسمها ايه"

افيدوني بقه
الاول الكلام دا يتعمل فين؟

وبالنسبه للاكصدامات
اعملها فاير جلاس ولا فاير كاربون
انا سمعت ان الفاير كاربون أغلى
الاكصدامين دول كل واحد يعمله كام لو فايبر كاربون ولو فايبر جلاس -تقريبا يعني-؟
طيب لو ينفع تتعمل فايبر جلاس، هل الفايبر جلاس بيترش علشان يبقى زي لون العربيه؟
طيب والفوانيس اللي متركبه في الاكصدام اللي في الصو، فوانيس إيه؟

بالنسبه للشبكه والعتب، برضه فايبر جلاس ولا كاربون والتكلفه تقريبيه

آخر حاجه الكبوت
الحاجات اللي عليه تستلزم تنفيخ في الكبوت
ولا ممكن تتعمل فايبر جلاس وتتركب وتترش
ياريت كله بالاسعار التقريبيه بعد اذنكم

معلش عارف اني تقلت عليكو
بس متتأخروش عليا

السلام عليكم ورحمه الله وبركاته

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

سؤال لخبراء التعديل هل من الممكن تحسين اداء المحرك " كربراتير " عربيه جولف 2

1-هل ممكن اركب لها فلتر هواء رياضى ؟ ومنين ؟ النوع الكويس ايه ؟ وبكام ؟
2-هل ممكن اركب سبليت فايبر ؟ بكام؟ ومنين ؟
3-هل ممكن اركب بوجيهات كذا شمعه ؟ بكام ؟ ومنين ؟
4- عاوز اركببها باور ستيرينج ؟؟؟؟؟؟ ينفع ؟؟؟ وبكام ؟؟؟

معلش يا شباب انا جديد فى المواضيع دى بس بجد اطلب مساعدتكم فى اذا كانت فعلا هتعلى قدره المحرك ولا لاء والاماكن اللى بيتباع فيها الحاجات دى الى هترشحوها .. وشكرا ليكم