|
رد: أصحاب المعارض بتشتم فى الm11
بص ياحبيبي عن تجربة واللة ومعايا العربية سيبك من الي يقولك فيرنا ولا لانوس دول دي عربيات عاملة زي البطيخ ممجمجة زي مابيقولوا-- وصاجها جامد ومحمل شوف الاكصدام الامامي مثلا واضغط علية بايدك وهات التيوتا كورولا واضغط علية --المقدمة والمؤخرة صاج محمل مش فبر زي العربيات العالية عندك غير الصاج الجامد عفشة زي الفل ولا كانك راكب عربية اوبشن هايل حساس اضاءة حساس مطر تسخين حراري للزجاج تكيف بارد تلاجة وسخن كمان جنوط اسبور شكل تحفة زجاج فامية خلفي وجانبي خلفي هات بقي العربيات المرطرطة زي الفيرنا واللانوس وشوف الفرق العربية في بداية طلوعها تحس انها تقيلة نوعا لثقل وزنها لحد ماتاخد التاني شيل رجلك بقي من عا البنزين وسيب الحقن الالكتروني يمشي العربية هتلاقي العربية ماشية لوحدها وف الوقت دا مبتسحبش بنزين زي ماتكون دايس علي الدواسة علي اقتناع وبعدين تحافظ عليها هاتعيش معاك والصورة بتاع عربيتي ف التوقيع تحت اهي واللة عروسة بجد
|
رد: أصحاب المعارض بتشتم فى الm11
سيارة جيدة جدا ومصممة بايطاليا
طبعا المعارض تشتم فيها حتى تمشي السيارات الي عندهم بالمعارض الشتيمة نوع من انواع الديمقراطية تحياتي سيف |
رد: أصحاب المعارض بتشتم فى الm11
المشكلة اخ سيف الي لم يجربوا ولم يركبوها هم ايضا بيشتموا فيها المعرض علشان العربية مش موجودة عندة بيشتم فيها علشان يبيع حاجة تانية انا عن نفسي وقعت ف المشكلة دي بس الحمد للة اني وقعت فيها لاني كنت عايز m12 لاني شفتها ولما رحت المعرض ملقتهاش واللي ف المعرض قالي شوف m11 هي هي واشكره شكرا جزيلا انه دلني عليها فعلا
|
رد: أصحاب المعارض بتشتم فى الm11
اقتباس:
ربنا يبارك فيك يا أستاذ جمال والحمد لله ان ربنا هدانى بعد بحث طويل لمدة 4 شهور وانا محتار اجيب ايه بالرغم ان كانت اسعار العربيات لحد ما لسا مش غليت بس الحمد لله قررت ال m11 ونصيحة يا جماعة بجد انا اكتشفتها انك لازم تحب العربية اللى هتركبها ومش تبص لعربية أعلى من عربيتك علشان مش تحس بكئابة يعنى بمعنى اصح هات عربية على قد فلوسك وانا الحمد لله فى استطاعتى اجيب لحد الالنترا بس حاسس انى لازم ابدأ من الصفر فى العربيات زى ما كل الناس بتبدأ وبعد عمرا طويل ان شاء الله اجيب الاعلى على فكرة انا 19 سنة يا جماعة :36_1_1[1]: وياريت لو مش فيها رخامة يا أستاذ جمال ابقى اتواصل معاك على الخاص لو فيه حاجة واقفة قدامى فى العربية واتواصل مع كل الناس ربنا يبارك فيهم جميعا ان شاء الله على 1/3 او 2/3 بالكتير هكون استلمت العربية كان نفسى فى اللون الكحلى بس مش متوافر ، لقيت الرمادى شيك لحد ما فقررت اخده:funny25: |
رد: أصحاب المعارض بتشتم فى الm11
انا تحت امرك ياميدو اي خدمة ياغالي انا كنت زيك فضلت ادور علي النت وجمعت مواصفات واسعار جميع السيارات ف خلال الفئة السعرية الي معايا لمدة اكتر من اربع شهور لحد مادماغي ونت والحمد للة ربنا وقف ف طريقي الي هداني للعربية دي متسمعش كلام حد وخليك ف الي انت هاتستريح له وبعدين لما تشوف علي الطبيعة وتركب وتجرب خلاف ماتشوف عا النت من مواصفات وكلام يتوهك وربنا يبارك لك فيها ويحميك من شرها بس بأمانة يامحمد حافظ علي العربية دي وصونها بلاش تبهدلها وبلاش كمان رجل( بكسر الجيم ) غيرك يركبها لان الي بيركب عربية مش خاصة بية متفرقش معاة بيبهدل براحتة انما انت هاتحافظ عليها لان تعتبر دي عربية العمر ومتسمعش كلام حد بعد ماتستلمها ان شاء اللة هاتسمع كلام كتير (صيني ياراجل ملقتش غير صيني )واتبع فترة التليين ونفذها بحذافيرها لان الفترة الالف دي مهمة جدا ان العربية تعيش معاك واسف علي الاطالة بس حبيت انقلك ماكنت انا فية قبلك تحياتييييييييييييييي :Wkiss5:
|
| الساعة الآن 01:36 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017