|
رد: حلقات (جريمة كل يوم) ألغاز بوليسيه مسلسلة
نصه الطبال هو القاتل
بيحب سونيا ولما كان لها علاقه بحسونه وقلبته قام وقتلها |
رد: حلقات (جريمة كل يوم) ألغاز بوليسيه مسلسلة
*مساء الخير على كل حبايبى
*مع الاسف ولا اجابه صح لان الموضوع كان صعب شويه حل الحلقة الثالثه ************** القاتل هو شوقيه كفته الخادمه! موعد عملها من الصباح حتى العشاء اجازتها غير دوريه قالت لو مكنتش غبت عنها كان محصلش اللى حصل 00ايه عرفها ان حادثه القتل كانت فى يوم غيابها مش قبله ؟ وليه كان القتل فى فترة خدمتها؟ يعنى ليه مش آخر الليل او قبل اليوم الذى من المفروض انها لم تأت به لا أحد يعرف انها غير موجودة بالمنزل فى هذا اليوم لاأحد يملك المفتاح غيرها والقتيله تم قتلها على الفراش وهى نائمة! |
رد: حلقات (جريمة كل يوم) ألغاز بوليسيه مسلسلة
اقتباس:
اولا دهب سألها كنت فين امبارح .. يعني حدد ميعاد الجريمه باليوم .... و عادي انها تقول انها لو كانت معاها مكنش حصل اللي حصل .. حتى لو كانت بتكدب زي كل الناس ثانيا .. مايسه دي رقاصه ... ممكن اوي حسونه بيه .. بعد ما قضى السهره . و عدت الليله الحمرا ... قتلها و هي نايمه ... و السهره مش قصدي بيها نص الليل ... انا قصدي ..... ptmnlo123per1127 |
رد: حلقات (جريمة كل يوم) ألغاز بوليسيه مسلسلة
الحلقة الرابعة
--------------- الواد ميدو اتخطف -------------------- ميدو طفل شقى فى العاشرة من عمره وهو ابن لرجل الاعمال المشهور حسين شفط00 وآخر مرة شوهد فيها الطفل كان أمام بوابة الفيلا من الداخل وآخر من شاهده هو فجلة الجناينى00 تم تقديم بلاغ بالشرطة وبعد زيارة شفط بك للعقيد دهب وبعد حوار قصير قال العقيد: -أنت شاكك انه اتخطف -أكيد 00هوه لازم اتخطف انا راجل اعمال معروف وليا اعداء كتير -لكن محدش اتصل بيك يطلب فديه او حاجه مقابل الولد -لحد دلوقتى لا -طب ممكن تتهم مين؟ -حضرتك الموضوع ميخرجش عن تلاته من ألد اعدائى00أسمر الابيض00ربيع الخريفى00سماحة الكشر00دول سعادتك رجال أعمال من ألد أعدائى ومتطلعش منهم وبعد السؤال عنهم وعن علاقته بهم وبيانات عنهم قال العقيد: -طيب يا شفط بيه احنا ح نقوم باللازم -ابنى أمانه فى رقبتكم -متقلقش انصرف الرجل وتوجه العقيد الى مساعده: -ايه رأيك؟ -حاجة غريبه جنابك الراجل متأكد انه اتخطف ومتأكد من ان واحد من التلاته هوه اللى خطفه -ابعت استدعى التلاته -أمر سعادتك00بس دول ناس جامده وممكن يعملوا قلق -كلهم هلبيه وشفيطه ومحدش فوق القانون00لكن تعرف احنا نطب عليهم كده فجأة -جنابك يكون كده افضل واسرع وذهبا لزيارة أسمر الابيض فى شركته وكانت اجابته: -اللى سعادتك بتقوله ده غريب جدا 00شفط ده راجل مجنون خطف عيل ايه اللى بيقول عليه00احنا موصلناش للمستوى ده00وبعدين انا بينى وبينه منافسه شريفة مش حرب! قال العقيد: -لكن هوه بيتهمك انت بالتحديد انك خطفته من قدام المدرسة -قلت لسعادتك راجل مجنون00 انا اروح لمدرسة عيل واخطفه ليه هو انا سفاح الاطفال! وبعدين ما يحافظ على ابنه ممكن اى حد يخطفه ويطلب فديه المجرمين كتير وبسؤال ربيع الخريفى قال: -هيه وصلت لحد كده00مش كفاه انه لهف منى العمليه00انا معرفش حاجه عن الموضوع ده قال العقيد: -بيقول انك خطفت ابنه من قدام المدرسه -انا أخطف ابنه00ومن قدام المدرسه ولا البيت 00 أما راجل مجنون صحيح00!! وبعدين تصدق ان راجل أعمال كبير فى مقامى وسنى يروح يخطف عيل من المدرسة ! الراجل ده اتجنن ولازم يتربى وبسؤال سماحة الكشر: -هههههه00خطف عيل 00والله عجيبه انا بينى وبينه صحيح ما صنع الحداد لكن متوصلش للمستوى ده أبدا قال العقيد: -بس هوه بيتهمك تحديدا لان بينكم مشاكل وهو رافع عليك قضيه وانت رافع عليه قضيه -صحيح فيه قضيه بينا00لكن أخطف ولد صغير وأساومه ده كلام مش منطقى ولا ده أسلوبى انا أعرف آخد حقى منه لكن بطريقه تانيه ده راجل قواة العقلية مش سليمه وربنا يرجع الولد الصغير بس عشان الولدو أمه ملهمش ذنب حصرى لمصر موتورز00حميع الحقوق محفوظه للمؤلف00د0تامر محمد بعدها توجه العقيد للفيلا لسؤال الخفير فجله الذى قال: -جناب سعادتك ياسعادة البيه الكبير انا كنت فى الجنينه بسقى الزرع وسى ميدو بيه الصغير كان بيلعب حواليه أصله شقى قوى وكان جايب الجنبنه رايح جاى زى الددبان 00أصله مبهمدش وعينى مرحتش من عليه00لكن راح مناولنى طوبه ف راسى00بص سعادتك عورنى 00بس انا مسامحة 00يارب يرجع بالسلامه 00آخر مرة شفته كان عند البوابه لما ضربنى ممنوع الاقتباس او النشر الا بعد اذن المؤلف قال المقدم: -البوابه كانت مفتوحة ولا مقفوله؟ -مفتوحه ياجناب البيه -مسمعتش صوته او صوت عربيه -الصراحه00لا00 سمعت صوت عربيه ماشيه فى الشارع وانا متعور وبعديها بشويه صوت عربيه تانيه -ولما ملقتوش 00عملت ايه؟ -ندهت عليه 00مردش 00رحت لبره البوابه مكنش موجود00 قلت يبقى دخل الفيلا00او مستخبى حاكم هوه بتاع حركات كده ولا مؤاخذه -هوه متعود يخرج بره الجنينه -كتير سعادتك والبيه الكبير يا ما زعق له وقال لى خلى بالك منه ميطلعش بره ابدا00لكن المرة دى سهانى وخرج وبعد ان تركا الغفير قال المقدم فضه: -حاجة تحير بصحيح لكن انا عرفت اللى خطف الولد -المرة دى سهله يا ابو الفضة الى اللقاء فى الحلقة القادمه ولغز جديد مع حل لغز ميدوووووووو |
رد: حلقات (جريمة كل يوم) ألغاز بوليسيه مسلسلة
اقتباس:
ولم يشاهد آثار عنف للدخول الى البيت يعنى تم الفتح بمفتاح البيت الجريمه تمت تحديدا اثناء غياب الخادمه وهى مناسبه نادرة الحدوث وفى موعد تواجدها بالبيت تحديدا وايا من الآخرين لن يقتلها فى هذا الوقت بالتحديد لمعرفته بوجود الخادمة وسوف ينتظر للفترة التى تخرج فيها من البيت او فترة بعد عودتها فى الفجر ثم ان القاتل لن يجرؤ على قتلها فى هذا التوقيت المبكر لخوفه من رؤية احد له |
| الساعة الآن 04:40 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017