مصر موتورز مجتمع السيارات - قواعد اختيار زيت الموتور.. إزاي تعرف الزيت المناسب؟؟؟

اقتباس:

المشاركة الأصلية كتبت بواسطة adamlion (المشاركة 555609)

اختبار الزيت اولا بالعين من لونه الذهبى او العسلى اوالاسود
اوالاسود الغامق ثم من درجة لزوجة الزيت كلما قلت اللزوجه مع اللون الاسود
يبقى خلاص انتهى والافضل 1500كم كحد اقصى لتغيير للزيت .تحياتى ادم:Bravo:

أنا معاك في طرق تقييم واختبار الزيت

بس معلش، وأرجو إنك تتقبل اللي حقوله... مش معاك أبدا في إن الزيت يقعد 1500 كم بس.

لو العربية شغالة بشكل مستمر زي التاكسي مثلا.... أقل نوع زيت ممكن يقعد 5000 كم مستريح

مستويات الخدمة الحديثة بتاعة الزيوت بتسمح إنه يعيش لمسافات طويلة

يمكن لو دورت في النت حتلاقي معايير تانية للمدة اللي يقعدها الزيت في الموتور... معظمها مكتوب في فقرة "الخدمة الشاقة" بالإضافة إلى المدة الزمنية ... بمعنى إن الزيت له عمر تشغيل يفضل يتغير بعد منها وده لأسباب ملهاش دعوة بالمسافة إطلاقا.

وعلى المنتدى بتاعنا هنا .. فيه ناس مغيرتش الزيت بقالها 25 ألف كيلو بدون أي مشاكل
http://masrmotors.com/vb/showthread....439#post555439

1500 كم بس لكل عربية... يعني حوالي 4 لتر زيت كل 1500 كم... يعني لو العربية عملت 100 ألف كيلو متر تبقى غيرت 266 لتر زيت

ليه أعمل كده؟؟؟ بالمنظر ده العربيات مش حتلاقي زيت تحطه كمان 20 سنة لإن البترول حيكون خلص من العالم كله.. ده غير تلوث البيئة... ده غير فلوسي اللي اترمت على الأرض لإني اشتريت زيت ورميته وهو لسه ممكن يشتغل كمان أربع مرات قد المدة اللي أنا شغلته فيها.

تفتكر لو الزيت أغلى من كده حتغيره على 1500 بردو؟؟؟؟

محتاجين نفكر في الموضوع مرة تانية بفكر مختلف

وأشكرك على مرورك الكريم GIFT4U
...