مصر موتورز مجتمع السيارات - الحقوني يا لوجانية .............لوجي بعافية شوية و محدش عارف يعالجها

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

رد: الحقوني يا لوجانية .............لوجي بعافية شوية و محدش عارف يعالجها

اقتباس:

المشاركة الأصلية كتبت بواسطة medo84eg (المشاركة 743432)

اولا كل سنة و انت طيبة ايه اللي حصل و اتعقدتي ليه في حاجه حصلت ؟؟؟ و هل غيرولك الصثروتل بادي و لا ايه اللي حصل

غيروه بس في حاجة غريبة مش عارفة في ايه تقريبا لما بنقل من تاني لاول تقريبا في مشكلة في التعشيق و برضه في المارشدير اخويا اشتكى نفس الشكوى في لوجان بتاعته بس هي مش بتبطل زي عشان هو بيسوق من زمان مش زي حالاتي
تسلم يا اخ ميدو على اهتمامك و نورت الموضوع و دعواتك

رد: الحقوني يا لوجانية .............لوجي بعافية شوية و محدش عارف يعالجها

اقتباس:

المشاركة الأصلية كتبت بواسطة danoora (المشاركة 737664)

مش عارفة اشكر حضرتك ازاي على سرعة الرد فعلا شكلي هاعمل معاهم كده انا كتبت على صفحتهم عالفيس بوك قولت انا كده سيحتلهم على الملا عشان في ناس كتير بتدخل تسئل و لسه ماجبوش ربنو عشان يتكسفوا ولا الهوا رد الادمن قالي ابعتي اسمك و رقمك و رقم الشاسيه عالايميل ده و لا حد عبرني رحت مديه كلام اكتر برضه حلقولي شكلي لازم اروح اعمل مشكلة كده و اهدد زي ما حضرتك قولتلي

الصراحة انا مش عارفة سعر الثروتل بادي في العربيات التانية بكام لاني اول مرة اسمع عن البتاع ده من اسبوعين بس و الله باقي الاسعار حلوة يعني فانوس الفوج التركي ب100 و الاصلي 170 تقريبا يعتبر سعر حلو خاصة انها لسه في الاول تدريجيا الاسعار هاترخص بس الصراحة الصراحة يعني لو في خمة في موضوع اللوجان يبقى التوكيل لان مش بس قطعة الغيار اللي مش موجودة لا و المعاملة ال اللهم اني صايمة بس و الله الصراحة العربية و الله تحفة صاج و نعومة و انسيابية و عفشة و لا تحس بمطب و لا الهوا و لا اي حاجة عربية فعلا تناسب الشارع المصري .....
بجد و الله ربنا يباركلك على اهتمامك مع انك مش لوجاني و مع كده من اول الناس اللي ردت عليا

اتصلى ب 16202 وقولى عايزة اعمل شكوة فى التوكيل عندنا فى اسكندرية وهما حايتابعوا معاكى اولا باولا وحايقدم الشكوة لاستاذة امانى مسئولة الشكاوى فى توكيل رينو اسكندرية بس هو اللى عمل معاكى الموضوع ده العامرية ولا سموحة؟؟

رد: الحقوني يا لوجانية .............لوجي بعافية شوية و محدش عارف يعالجها

اقتباس:

المشاركة الأصلية كتبت بواسطة ام لوجان (المشاركة 743679)

لا فرع سموحة بس الحمد لله غيروه و المعاملة كانت حلوة و العربية الحمد لله بقيت تمام
و جزاك الله كل خير على اهتمامك يا ام

رد: الحقوني يا لوجانية .............لوجي بعافية شوية و محدش عارف يعالجها

على فكرة يا جماعة كل الغلاسة اللي كانت بتعملها العربية بعد تغيير الثروتل بادي اتاكدت انها كانت بتبقى غلطة في النقل ماعرفش في عضة في الفتيس و لا عيب مني بس الحمد لله انا ولوجي بقينا حلوين مع بعض و اتصالحنا امبارح خرجنا و كانت مية مية قمر 14 ماشي على الطريق ربنا يحمي كل اللوجيات و يحفظها من كل شر و ربنا يجازي كل خير من اهتم ورد و كل من مر و نورنا

رد: الحقوني يا لوجانية .............لوجي بعافية شوية و محدش عارف يعالجها

طيب الحمد لله

:THUMBS~220:

وربنا يديمها نعمة