مصر موتورز مجتمع السيارات - الفتيس بينطر الغيار التالت

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - الفتيس بينطر الغيار التالت (https://www.masrmotors.com/vb/showthread.php?t=99286)

رد: الفتيس بينطر الغيار التالت

التروس سليمة ... الغوايش سليمة ....مجارى التعشيق سليمة

النهاردة كنت فى وسط البلد .... الراجل بتاع قطع الغيار مرضيش يدينى غوايش جديدة .... قالى الغوايش بتاعتك زى الجديدة .... و ورانى ازاى الغوايش بتكون بايظة ....
وريتوا الترس و بنوز صغيرة فى مجموعة التعشيق ... قالى كلهم سلام و مفيش فيهم مشاكل

بكرة ان شاء الله ان كان فيا نفس ..... حبص على عصاية الفتيس اخبارها ايه :sycho26:

رد: الفتيس بينطر الغيار التالت

ماتنسايش بالمرة انظر علي الشوك وبارات التعشيق:w6w20050411220532 68
:fun_36_3_11[1]::fun_36_3_11[1]:

رد: الفتيس بينطر الغيار التالت

اقتباس:

المشاركة الأصلية كتبت بواسطة ahmed_eng2001 (المشاركة 779064)

اسف على التاخير فى الرد

انا استعوضت ربنا فى الفتيس ..... و فكيته بنفسى ...و ربنا يستر اعرف اجمعه تانى ...الغريب فى الامر ....
بلية الدريك .... ضايعة .... اشتريت واحدة امبارح بـ 300 جنيه
غوايش الفتيس النحاس ..... سليمة
التروس ... سليمة
بقية البلى ... سليم

السؤال مرة تانية !!!!
ايه الى كان بيخلى الفتيس ينطر الغيار ؟؟؟!!!

فكيت الديسك و الاسطوانة ... حالتهم كويسة جدا
بلية الدبرياج مش عجبانى ... غيرتها و جبت واحدة جديدة
ربنا يسهل الباقى ايه ياترى

اسمحلى انا ارد المرة دى الى بيخلى التالت ينط عند حضرتك اربع حجات الحاجة الاوله الغوايش التانيه اللفيه الى على برميل التعشيق بين الرابع والثالث والحاجة التالته بليه الدرك والرابعة بلية عامود الادارة الى هية على شكل بلحح وبتربط ما بين عامود الادارة والدرك من الداخل ليه بقا البليتين دول سبب فنتر الغيار لائن لما بيبوظو بيعملو بوش ما بين الدرك وعامود الادارة وترس الرابع متمركذ عالدرك وترس التالت متمركذ على عامود الادارة وبينهم البرميل الموصل التالت اوالرابع لما بيحصل بوش من احد البليتين بيبرجل سنترة البرميل ما بين الترسين فبينط من مكانو عند استخدام التالت نتيجه للخلخله من البلى البايظ ولما بتجيب الرابع بتربط عامود الادارة بعامود الدرك عن طريق البرميل فبيلغى البوش اجبارى فمينطش الرابع وهتلاقى فيه اصوات نحرة فالغيارات ما عدا الرابع اما اللفى ممكن يكون متاكل ناحية الهلال ومبوش جوا البرميل وما بيخليش المشوار كامل فبينط الغيار ودة احتمال وارد لو البليتين سولاام اما الدسك ملوش علااقة بالنط يرعش ويفلت فقط هوا او الاستوانة اما الفلاام مفهوش رفة لائن ما ينفعش يكون فيه رفة لائن له مركذ بيتسبت عليه ولو فيه رفة يكسر كرنك ابعد عن دول وخد بالك انت فكيت الدسك لو ما سنترتش الاستوانة صح امام درك الفتيس مش هيركب وهتقعد يومين مش يوم تركب فيه :12A96E~160::12A96E~160:: 12A96E~160::12A96E~160:وش كرا :THUMBS~220:

رد: الفتيس بينطر الغيار التالت

جازاك الله خير على المعلومات الجامدة دى ...

الغوايش كويسة جدا ... بس بلية الدرك كانت بايظة ... و كان فيه بوش فعلا بين الدرك و بين عمود الادارة .. و انا جبت بلى بلح جديد .. بالرغم من ان القديم كانت حالته كويسة
ان شاء الله بكرة حبدا اركب .... انت كدة طمنتنى

انا غيرت الاسطوانة كمان ... علشان كان فيه بوش من السرة ... و اعتقد ده كان سبب ان العربية بترعش شوية فى الطلعة

انا حستخدم عمود الدرك علشان اظبط الاسطوانة قبل ما اركب العمود جوة الفتيس مرة تانية

انا شاكر لحضرتك الرد و الافادة

رد: الفتيس بينطر الغيار التالت

اقتباس:

المشاركة الأصلية كتبت بواسطة ahmed_eng2001 (المشاركة 780586)

خلى بالك وانت بتقفل الفتيس اوعى تنسى مكان وردة والا فولة وما تركبش اى حاجة حشر وخلى بالك من فول اللفيهات احسن تاخد منك تعشقتين وتكسر الدنيا ولو فيه حاجة دايقتك كلمنى عالخاص AHLNWSHALNAHLNWSHALN