رد: هل سيتغير الرأى بالنسبه للأسبيرانزا بعد اثبات كفائتها
 

طيب يا ميدو طمنا كده واكتب للناس تقرير مفصل عن العربية وادائها معاك وعاملة اد ايه دلوقتى وايه الحاجات اللى اتغيرت سواء فى التوكيل او برة وقولنا اخبار قطع الغيار ايه دلوقتى واسعارها وموجودة فين

شكرا على الجروب وانا هشترك فيه حالاً دلوقتى

رد: هل سيتغير الرأى بالنسبه للأسبيرانزا بعد اثبات كفائتها
 

بص يا باشا العربية ممتازة والله احنا بنبقى 5 قاعدين ورا و3 قدام وببقى ماشى على 140 وزى الفل ما بتشتكيش ولا تحك فى مطب مهما كان عالى
اما بالنسبة للبنزين فهى مش عربية موفرة زى البيجو ولا مستهلكة قوى هى بين البينين
وهى معايا من سنة ونصف تقريبا
اما بقى بالنسبة للتوكيل فهو للامانة اكتر من رائع (للعلم انا رحت اربع مراكز )
امكانيات رائعة معاملة كويسة جدا
بس هو الناس بتشتكى لانوا زحمة جدا يعنى لما تحجز يدولك على الاقل اسبوعين ودا فى بعض المراكز اما الباقى على حسب الاسبقية فى الحضور من غير حجز
بعد ما تعمل الصيانة بيخرجلك مهندس ويطلع يجربلك العربية وما بتدفعش غير لما تجرب بنفسك وتطمن
اما قطع الغيار فا انا الحمد لله ما غيرتش اى حاجة لحد دلوقتى
بس فى ناس معاهم العربية اشتروا قطع غيارها من التوفيقية بس مش عارف فين هناك

رد: هل سيتغير الرأى بالنسبه للأسبيرانزا بعد اثبات كفائتها
 

شكرا يا ميدو على التقييم وربنا يباركلك فيها ويكفيك شرها يارب وياريت تفيدنا دايما باى جديد عن العربية

رد: هل سيتغير الرأى بالنسبه للأسبيرانزا بعد اثبات كفائتها
 

ربنا يخليك وانا مازلت اعتذر عن الاسلوب الى تكلمت بيه قبل كدة
ويا ريت كل المنتدى يقبل اعتذارى

رد: هل سيتغير الرأى بالنسبه للأسبيرانزا بعد اثبات كفائتها
 

شكر يا استاذ ميدو على وصفك للعربيه ...
ومفيش اي زعل ... و ياريت متكونش حضرتك زعلت من اي حد
بس اللي اعرفه عن التيجو ان ال 4×2 هي اللي سعرها 95 الف ... و ال 4×4 هي اللي ب 115 الف
الا اذا كانو زودو اسعارها
بصراحه سعرها هايل و ابتديت اشوفها كتير ... حجمها كويس و عاليه ... بس طبعا القلق من انها صيني و لسه مفيش حد جربها بحيث يقول مواصفاتها و عيوبها مع الاستخدام
لكن العربيه دي لو اثبتت كفائتها حتحقق مبيعات وهميه ... و ناس كتير حتشتريها خصوصا ال 4×2
كفايه تكون عاليه و عفشتها تستحمل ... وده المطلوب في شوارعنا ...
لكن ال4×4 مش مطلوبه الا للي بيعمل سفاري مثلا

ياريت لو حضرتك سألت عن التيجو تقولنا الاخبار
وربنا يباركلك في عربيتك