المشاركة الأصلية كتبت بواسطة hazem_khidr (المشاركة 203655)

ازيك يا دكتور
ممكن ابقي ضيف علي موضوعك و اسألك بعض الاسئله:)
من غير ما ادخل في كلام كتير
واحد قريبي عاوز يجيب عربيه و محتار بين البيجو ال 405 و الاوبل فيكترا
كان بيبص للبيجو علي انها عربيه واسعه لكن ماعندناش خلفيه علي صيانتها ولا اسعارها
و الاوبل كان بيفكر في موديل 95 و بعدين قال شكلها قديم و بيفكر في موديل 97 او اعلي
اهم حاجه في العربيتين يكونوا 2000 سي سي لانه مش بيركب غير مواتير كبيره.
يا تري انت رأيك ايه في العربيتين و اني واحده افضل سواء في الصيانه او قطع الغيار او اعاده البيع
و يا ريت ملخص سريع لاسعارهم التقريبيه اليومين دول
و شكرا علي مجهودك العظيم يا دكتره:)

المشاركة الأصلية كتبت بواسطة د0تامر محمد (المشاركة 203810)

نورت الموضوع حازم باشا
الفيكترا تكنولوجيا أعلى وصاج أتقل وكفاءةوعمر إفتراضى أطول وموتور أقوى وثبات خرافى على الطريق بمقارنة بفئتها وطبعا الشكل مو97 أفضل من 95 شكلا وموضوعا
قطع الغيار غالية ولا تفرق كثيرا عن ال405 00الصيانة متقاربة وكثيرون يعلمون فى السيارتين
إعادة البيع السياراتين متقاربتين ولهما عشاقهما
أنا شخصيا أختار الفيكترا
الفيكترا مو97-99= 50000-56000
البيجو 405 مو96-99 =40000-50000

المشاركة الأصلية كتبت بواسطة Devill Blood (المشاركة 203882)

أرى أن أسعار الفيكترا غالية شوية لأنى رأيت فيكترا 97 ب 45 و 47
طبعا أنت الأصل لكن أنا بقول اللى شفته طبعا مع حالة نظيفة .

أسعار ال97 غير 99 ,صحيح؟

المشاركة الأصلية كتبت بواسطة Turospear (المشاركة 203841)

معروض قدامى اوكتافيا A4 مانيوال حالتها كويسة مش راشة وعاملة 75الف كلم وصاحبها طالب فيها 86
انا شايف السعر غالى شوية انت اية رأيك يا دكتور؟

المشاركة الأصلية كتبت بواسطة mido magdy (المشاركة 203854)

دكتور بعد أذن حضرتك ممكن الاسعار ديه
ياريس 2006 و 2007 أوتوماتيك كامله؟1300
ألنترا 2006 و 2007 اوتوماتيك كامله؟1600
و ايهما تفضل لى (معظم المشاوبر دا خل المدينه) . وشكرا