رد: اسئله المبتدئين ..عفوا ممنوع الفتى :)))
 

انا بقى لى شويه مش عارفه اشارك معاكم بس مبسوطه انه لسه الناس بتتفاعل مع الموضوع و كمان مبسوطه ان فى ناس استفادت
طيب احنا ممكن نتكلم عن معاملات الامان ؟
كتير لما نسمع تقرير عن عربيه فيقول لك انها تفتقد معاملات الامان ؟ بيبقى قصدهم ايه ؟ هى مش كل العربيات فيها فرامل :)
اه انا عارفه ال air bag كمان ..طيب يبقى ناقص ايه :fun_36_3_3[1]:

رد: اسئله المبتدئين ..عفوا ممنوع الفتى :)))
 

القيادة بأمان تنقسم بداية الى اكثر من شق
1- الطريق
2 - السيارة
3 - قائد السيارة
اولا ً الطريق وحتى لا اتعمق لانة واقع بالفعل فيجب مراعاة
- تصميم الطريق والمنحنيات و مسافة الرؤية وجود علامات ارشادية .........
ثانيا ً السيارة
ويمكن الكلام عنة لانة يمكن المفاضلة بين السيارات على اساسة
1 - وسائل امنية تعمل على تخفيف عواقب حادث لا يمكن تفادية مثل
أ - حزام الامان ويفضل ان يكون لجميع الركاب
ب - وجود مساند الرأس
جـ - الوسائد الهوائية الامامية وحديثا ً تم اضافة وسائد جانبية
د - ان تكون عجلة القيادة مرنة ( قرأتها ولم اراها ) وليست صلبة جدا ً واظن هو ان تكون مكسوة بالجلد الطبيعى مثلا ً
-- كما تم اضافة وسائل حديثة لتقلل او تفادى عملية الاصتدام من امثلتها
* فرامل مانعة الانزلاق ABS
* وانظمة توجية الكترونية حديثة تسمى ESP تعمل على توازن العربية اثناء الحالات الحرجة
و - ان يكون تصميم مقدمة السيارة بحيث يحتوى على مساحة للتهشيم دون ان يصل الحطام الى مقصورة الركاب
ثالثا ً قائد السيارة
ويقع علية المسؤلية الاكبر لان اغلب الحوداث يكون علية مسؤلية مباشرة وهو موضوع طويل ويبدأ بـ
أ - اتباع ارشادات وعلامات وتعليمات المرور بكل ما فيها واحيانا بكل ما عليها
ب - توعية الاطفال وعدم المخالفة امامهم لانهم فى العادة يقلدون ما يروا
جـ - عدم تفييم الزجاج بدرجة غامقة خاصة زجاج الشباكين الامامين والزجاج الخلفى لعد حجب الرؤية من مرايات الجنب و مرآة الصالون
د - عدم وضع اى شى يعوق الرؤية امام الزجاج الخلفى
هـ - ترك مسافة امان بين السيارة والسيارة التى امامها ( تتوقف على السرعة ) كلما زادت السرعة زادت المسافة
و - عدم ركوب الاطفال الصغار لا على حجر السائق ولا الراكب الامامى ولا حتى بمفردهم على الكرسى الامامى
ل - غلق الابواب فى حالة وجود اطفال وتشغيل قفل الابواب الخلفية
ن - منع الاطفال من خروج ايديهم او رأسهم من الشباك
م - عدم استخدام التليفون المحمول نهائيا ً
** نكتفى بهذا القدر حاليا ً

رد: اسئله المبتدئين ..عفوا ممنوع الفتى :)))
 

رد: اسئله المبتدئين ..عفوا ممنوع الفتى :)))
 

- عفوا اختى الكريمة
- وان شاء الله اكمل لان موضوع الامان كبير جدا ً
- ومجرد ان الواحد يسوق عربيتة وهو متنرفز ( عصبى ) فخرج هنا وخالف قواعد الامان
- وتركت مجال للاخوة يكملوا معى

رد: اسئله المبتدئين ..عفوا ممنوع الفتى :)))
 

كنا مفتقدينك يا كارديو والله فى الموضوع .. حمدلله على السلامة ...

والله انا مبسوط اوى بالموضوع الرائع ده واكيد باذن الله هيفيد ناس كتير بعدنا ..



معاملات الامان فى العربية ده موضوع متشعب وكبير .. وهحاول اتكلم فيه باختصار شوية (علشان المبتدئين ميزهقوش :14369D~149:) ..


اولا : تصميم العربية نفسه : يعد من عوامل الامان .. يعنى مثلا كل ما تكون العربية اكبر كل ما تكون آمنه اكتر ..

وكمان يجب عند تصميم العربية مراعاة ان الجزء الامامى يكون مرن اكتر علشان يمتص الصدمات الامامية للتقليل من حجم الاصابات ..

ايضا يجب تأمين الاجزاء الجانبية ضد الصدمات الجانبية .. بوضع قضبان فولاضية فى الابواب مثلا ..


طبعا موضوع التصميم ده علم لوحده ويكثر الكلام فيه ...



ثانيا : اضافات واجهزة امان فى العربية ..

زى مثلا :

- حزام الامان
- الوسائد الهوائية (air bags) واللى بيكون رمزها (SRS)
- الفرامل المانعة للانغلاق (ABS) او (Antilock Break System) ..
- نظام توزيع قوة الفرامل على العجلات الاربعة حسب احتياج كل عجلة (EBD) او (Electronic brakeforce distribution‏) ...

ودى اشهر انظمة الامان الموجوده فى العربيات فى مصر ...



1- حزام الامان : طبعا كلنا عارفينه .. وفائدته انه عند حدوث حادث لا قدر الله يثبت الراكب فى مكانه قدر الامكان فيقلل من اصابته ..




2- الوسائد الهوائية : عبارة عن اكياس تكون مثبته فى الدريكسيون (للسائق) وفى التابلوه (للراكب الامامى) .. وعند حدوث حادث اصتدام لا قدر الله تنفخ هذه الوسائد بالهواء فى جزء من الثانية لتحمى الركاب قدر الامكان من الاصطدام المباشر ..

طبعا الشائع فى مصر ان العربية اللى فيها اير باج يكون فيها ايرباج للسائق فقط او السائق والراكب الامامى معا فقط ..

لكن بره ممكن نلاقى عربيات فيها عدد كبير من الوسائد لهوائية ممكن يصل لـ 8 اير باج ...



3- فرامل ABS : ده عبارة عن جهاز الكترونى ملحق بفرامل العربية لمنع انزلاق العجلات عند الفرملة القوية فيؤدى الى زياده مسافة التوقف ...
ولكن نظام ABS يعمل على عدم انزلاق العجلات حتى مع الفرامل القوية .. لانه بيعجل الفرامل تعمل بصورة متتالية وسريعة جدا وليس بطريقة متصلة ..
يعنى كاننا بندوس ونسيب على الفرامل ولكن بسرعة جدا (حوالى 15 مرة فى الثانية)

والنظام ده مش مفيد اوى على الاسفلت النظيف ولكن فائدته بتبان جدا فى حالة الامطار او المشى فى الرمل (الحاجات اللى بتخلى العربية تتزحلق) ...



4- فرامل EBD : وده عبارة عن جهاز مكمل لجهاز ABS ..

فبالاضافة الى عمل نظام ABS .. نظام EBD يقوم بتوزيع قوة الفرامل على العجلات الاربعة .. على اساس الوزن على كل عجلة .. فيؤدى الى تعزيز ثبات العربية وفرملة ممتازة ..


طبعا فى انظمة كتير تانية حديثة للامان ولكن نادرة جدا فى العربيات اللى فى مصر ..



ده كان كلام باختصار عن عوامل الامان فى السيارة ..

رد: اسئله المبتدئين ..عفوا ممنوع الفتى :)))
 

رد: اسئله المبتدئين ..عفوا ممنوع الفتى :)))