المشاركة الأصلية كتبت بواسطة world_of_kill (المشاركة 604399)

دكتور تامر بعد اذن حضرتك انا ركبت عربيات كتير في حياتي و انا زهقت انا بدور علي احساس الثبات اكيد حضرتك ركيب و هاوي عربيات انا قريت موضيع كتير ليك و عارف الاحساس دا و دا اللي بالذات مش بيبان الثبات دا غير بعد ال 120 و الاحساس محستوش غير في عربيه و احده او اتنين و هيه اول عربيه سقتها في حياتي كانت تويوتا كروسيدا و بعد كدا حسيتو تاني في الكابرس 87 و مش لاقي الاحساس دا تاني و بحاول ادور علي عربيه الاقي فيها كدا و انا ركبت طبعا عربيات كتير دول اللي كنا نمتلكتهم
Toyota Cressida 1985
1979 305 Peugeot
Fiat 132 1973
lancer 1998
Verna 2009
Fiat 124
و دول اللي سقتهم برضو بحاول الاقي الاحساس دا و مش لاقيه حتي الان
Lancer 2005
lancer 2007
kia cerato 2011
spranza 516 2007
2008 seat cordoba
toyota corolla 2007
وانا مش هاممني احساس الجري قد اما بيهمني احساس الثبات دا و اللي مش لاقيه في ناس بتقولي حتلاقيه في الالماني بس حاسيس برضو اني مش حلاقيه لو جبت الماني و المشكله اني كل اما بشتري عربيه و اجي ابيعها بخسر فيها عشان ببقي اتقفلت منها لما بلاقيش فيها اللي نفسي فيه
انا حاليا بفكر في عربيه من الاتنين دول مش عارف هل ممكن الاقي فيهم الاحساس دا ولا لآ
ناس كتير نصحوني بيهم هما علي اساس انهم عربيات كبيره و تقيله بالنسبه للي موجود في مصر
اوبل فيكترا 96-2001
دايو ليجنزا
هل حلاقي الثبات في العربيتين دول زي ما بحلم ولا بلاش اوجع دماغي واجيب اي عربيه عشان انا بجد بدأت اتقفل من العربيات و بفكر اريح دماغي و اجيب حاجه تقضي الدنيا و خلاص زي نوبيرا 1 او اسبرنزا 2007 بحيث عربيه حديثه و تمنهم ما بيزدش عن ال 40
انا عارف ان حضرتك ممكن تنصحني بي البي ام بس انا برضو ركبت البي ام ال التلتميات عامتا و محستش بي كدا اوي
انا عارف ان الاحساس دا عشان احسو لازم بي ام خمسميات و دول طبعا اسعارهم في السما + حتي لو جبت واحده قديمه بتبقي قطع غيار نار

المشاركة الأصلية كتبت بواسطة yasssser (المشاركة 607725)

السلام عليكم

أرجو تسعير فورد اسكورت موديل 99 يوجد بها تكييف والعداد 180 ألف كيلو متر. وما رأيك فى الفورد اسكورت عموما؟