رد: آخر أسعار سوق المستعمل
 

تساوى 46000 والعداد عالى بالنسبة للموديل

رد: آخر أسعار سوق المستعمل
 

دكتور تامر اتقدم اليك بخالص التحيه والتقدير لشخصك الكريم وانا متابع جدا لموضيعك الرائعه واشكرك جدا على التعاون الشديد بينك وبين اصدقاء الموقع ولى استفسار عن سيادتك اتمنى الاجابه عليه ..لى صديق لديه سياره نيسان صنى موديل 2011 قام بشراءها جديده المهم السياره دى بتحدف شمال اثناء السير ولما ذهب التوكيل بلغهم بالامر عند صيانه الالف وقد لاحظ بعد استلامه السياره بعد صيانه الالف ان المشكله مازالت قائمه وانه تم كتابه تقرير سلم اليه بحاله السياره النهائيه good ولكن هناك ملحوظه هامه جدا فى التقرير الى جانب الجزء الخاص بcamber السياره الجزء ده مكتوب بالخط الاحمر before left -1.48 درجه وكمان مكتوب actual -1.48 درجه معنى كده ان التوكيل لم يستطيع اصلاح العيب المذكور وعندما ذهب صديقى لمحطه خدمه لظبط الزوايا فيها بلغه القائم هناك ان يتم عمل تبديل لفرده الكاوتش الاماميه بالسياره يمين مكان اليسار ويسار مكان اليمين وعندما قام بذلك الامر بعد ظبط الزوايه بالسياره اصبحت السياره تسير بشكل جيد عن زى قبل ولكن بقت تحدف بسيط لجهه اليمين وعندما تم تجربه السياره مره اخرى بواسطه صديقى والفنى المذكور بلغه الفنى ان هناك ميل نصف درجه فى السياره وهذا لا يؤثر على الاداء عموما فى camber السياره وسأله الفنى لو انت حبيت انك تغير السياره دى فيها مشكله؟ فأجابه صديقى انها فى فتره الضمان وان عداد الكيلو الخاص بها حوالى 1300 كم فقط فرد الفنى عموما هى كده مفيهاش مشكله بس طالما سياره جديده يبقى من حقك انك تغيرها بالتوكيل فسؤالى الآن لسيادتكم هلى الارقام المذكوره دى تشكل خطر على السياره عموما من تأكل فرده الكاوتش مثلا او استهلاك بنزين بعد كده او ـاكل انظمه العفشه والمساعدين والدركسيون؟ وهل بالفعل تعتبر عيب فنى بالسياره يتحتم من خلاله استبدال السياره ام لا لان الفنى بمحطه الخدمه بلغه ان لا يوجد مشكله ولكن لو اراد صديقى ان يظبط الcamber الخاص بالسياره فده صعب جدا لان السياره لازالت جديده وحرام يعنى من الاخر ان يتم الموضوع ده فى سياره جديده بس هو بيتكلم ان من حق صديقى انه يغير السياره مش عشان ده عيب خطر فى السياره لا بس عشان هو من حقه انه ياخد السياره مفيهاش اى شيىء خالص او اى عيب وعهو استلمها كمان كانت عامله 7 كيلو بس وكانت فيها نفس المشكله من ساعه استلامها غير كده الفنى فى محطه البنزين بتاعه ظبط الزوايا بيقوله مفيهاش اى مشاكل خالص بس لو حب انه يغيرها يكون افضل لان السياره لازالت جديده وده من حقه انه يغيرها فى التوكيل وخصوصا ان التقرير الصادر من التوكيل كمان حاطط علامه باللون الاحمر على الجزء الخاص بالcamber فى التقرير قبل فحص السياره وبعد الفحص ايضا يعنى بيشوف حاله السياره قبل الاصلاح وبيكتب بيها تقريربالارقام وبعدين يكتب فى نفس التقرير الحاله بعد الاصلاح وكان الرقم واحد فى الحالتين والوحيد المكتوب بالتقرير باللون الاحمر باقى التقرير باللون الاخضر بالارقام التى ذكرتها لسيادتكم اعلاه -1.48 درجه وهل ياترى العيب ده حيروح بعد المشى فتره معينه بالسياره والا حيفضل على طول كده والا ايه بالظبط وانا عن نفسى لا استطيع الافتاء له فى الامر هل هو بالفعل كده يشكل خطر عليه مستقبلا ام لا وانا عن نفسى معنديش مشكله فى الموضوع ده الحمد لله عشان كده مش حقدر افتى فيه عشان كده انا عاوز اخد رأيك فى الموضوع ده بأستفاضه نظرا لان صديقى محتار جدا جدا وعاوز اجابه شافيه مخلصه لوجه الله لان الفنى فى محطه الخدمه كده يعتبر زى مبيقولوا لعب فى دماغه وحيره وهو عاوز يعرف الحقيقه لانه بعد الكلام ده احتار قوى وتقبل منيى خالص الشكر والاحترام ودمتم بخير :THE_PR~18::THE_PR~18:

رد: آخر أسعار سوق المستعمل
 

السلام عليكم و رحمة الله و بركاته

اخي الكريم د . تامر ، عايز اسأل عن سيارة كيا سيفيا موديل 2000 كوري ، هل هي كسيارة جيدة من ناحية الصيانة و التحمل و قطع الغيار من توافرها و اسعارها الغير مرتفعة ؟ و يا ترى يا د. تامر ، رينج اسعار الكيا سيفيا من الحالة المتوسطة الى الحالة الممتازة كام ؟؟؟

سؤال تاني يا د, تامر معلش ، انا محتاج عربية في حدود من 35 الى 38 الف و عايزها تكون عائلية و صيانتها سهلة و قطع الغيار منتشرة و مش غالية قوي يعني ، مع الاخذ في الاعتبار ان دي اول سيارة ليا و انا مش بفهم كويس في الميكانيكا و لكن الحمد لله بسوق كويس ، و خد بال حضرتك انا ساكن في عين شمس يعني شوارع مكسرة .

و شكرا جزيلا ،

رد: آخر أسعار سوق المستعمل
 

السلام عليكم يا دكتور
فى ناس كتير خوفتنى من السيفيك لأن دى أول عربيه ليا ومعنديش خبره لا فى الميكانيكا ولا الصانيعية ولا قطع الغيار ووقتى ضيق جدا انى اقعد الف عليها وقالولى خليك فى ال128 لحد ما اتعلم السواقه كويس وافهم لعبة الميكانيكا والصنايعية
فهل الكلام ده صحيح؟
وانا اريدك ان تسعر لى سيارة 128 مو 1990
1300 سى سى فابريكا دواخل ما عدا القوائم والعتب لأنه غير اللون (على كلامه) وايضا ما عدا اجزاء بسيطة جدا فى الحوض والشنطة
فيها سمكرة ودوكو ميتاليك جديد
جنوط اسبور واربع فرد كاوتش من حوالى سنه
صالون حالته جيدة وفرش جلد
كاسيت وسماعات
موتور 70%
يعنى ممكن تحتاج مصاريف بسيطة
وفى عربية تانية 128 موديل 1991
1300 سىسى
فابريكا دواخل بالكامل
سمكرة ودوكو من اسبوع
وكاوتش وجنوط اسبور
من غير كاسيت ولا سماعات
الصالون والفرش الداخلى 50%
الموتور 80%

رد: آخر أسعار سوق المستعمل
 

وما رأى حضرتك فى السيارة المازدا 121 مو 1997
وما هو سعرها لو حالتها جيدة وفابريكا دواخل ومكيفة
ولو مفيهاش تكييف السعر يقل كام؟
بارك الله فيك
تعبك معايا بصراحة