مصر موتورز مجتمع السيارات - ارشيف الاستراحة 2009

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2009 (https://www.masrmotors.com/vb/showthread.php?t=9309)

رد: سياسة التدبيس العادل من فودافون!

متدايقش نفسك يا فادى يا اخويا وصدقنى جحيم فودافون لا جنه المصرية للاتصالات
انا كنت مقدم على خط ارضى فى الفترة بتاعة اتكلم ارضى يا ابن بلدى على اساس ان الخط مجانا زى ما كانو بيقولو فى الحملة الاعلانية صراحة ساعتها
روحت فى عز الزحمة والخناق لقيت بياخدو حوالى 60 جنية مش عارف مصاريف ادارية وحاجات كده قولت ماشى مش مشكلة
دوخت السبع دوخات بين سنترال عين شمس والمرج وعملت اعادة اجراءات ولازم تجيب الباشا اللى هيركبلك بقرشين فى جيبة والا هتقعد سنين محدش هيجيلك وقولت مش مشكلة

دفعونى تمن العدة وجهاز الاستقبال الاسلكى كمان قولت مش مشكلة
الخواص زى ما قال استاذ هيما كلة بحساب لوحدة ماشى
فوجئت بقى لما جيت ادفع الفاتورة ان على 3 فواتير متاخرة بغراماتهم ليه كده يا جماعة قالك اصل الفواتير بتعد من ساعة ما بتتعاقد
طيب يا جماعة ديه الخدمة لسه راكبة عندى ومعايا امر التشغيل بيثبت كده انا ذنبى ايه انا ادفع اشتراكات 3 فترات علشان انتو اتأخرتو فى التركيب سنة بحالها قالك هو النظام كده
اتصلت برقم الشكاوى لقيتة هو كمان بفلوس وتتصل تقول الشكوى يقولولك طيب ماشى هنعلمك شكوى حاضر
طب رقمها كام ولا اتابعها ازاى مفيش احنا هنعملك شكوى وبس !!!

يا ستى ازاى ادفع 3 فواتير اشتراك فى الخدمة والخدمة مركبتش اساسا لاء وكمان ادفع غرامات للتاخير عن السداد والخدمة مش راكبة ومحدش قالى ان على فواتير من اساسة
تقولك انا اسفة جداً بس هو ده النظام وانا هعملك شكوى حاضر

شوفلك حد انت كمان يا فادى يعملك شكوى حاضر ptmnlo123per115

رد: اخيرا روبوت بيتكلم عربى !!!!!!!!

الامارات عمالة تفتكس وخلاص
مش فاهم ايه ده بالظبط يعنى لو سوفت وير يبقى سوفت وير لو روبوت بمعنى الة ميكانيكية وكهربية مدارة الكترونيا تحاكى البشر وتقوم بعمل ما يبقى روبوت

فيه حاجة اسمها روبوت اجتماعى ؟؟؟

من هو الرئيس القادم فى مصر

اخوانى الكرام اعضاء موقع
مصر موتورز
انه لما تأكدت منه من وعيكم وثقافتكم وتميزكم وابداعكم
خطر فى بالى ان نجرى انتخابات لرئاسه
جمهوريه مصر العربيه
فى هذا الموقع الهام الذى يضم الصفوه فى نظرى
وانا اعتقد ان نتيجة هذه الانتخابات ستكون تعبيرا حقيقيا
عن
ارادة الشعب المصرى
ذالك اننا عينه لا يستهان بها من الشعب
*****
اخوانى الاعزاء انه فى سابقه من نوعها سنجرى انتخابات نزيهه
صوتكم امانه

رد: من هو الرئيس القادم فى مصر

يا خوفى مصر موتورز يكون متراقب زى الفيس بوك :)

بس هو فيه سؤال يا باشا ... مين المرشحين اصلا اللى هننتخب منهم ؟؟؟؟؟؟