المشاركة الأصلية كتبت بواسطة Ahmed_pcm (المشاركة 591391)

انا بحثت فى الموضوع هو الموتور واحد والشاسيه تقريبا قريب من بعضه مع ان لقيت فى تعليقات بتشتكى من نظام التعليق فى السيتروين الجرانت بيكاسو ياريت لو عندك فكره هل فى مشكله فى نظام التعليق فى السيتروين
بالنسبه للشكل الخارجى اظن ان راى شخصى وبالنسبه للشكل الداخلى هو فى امكانيات اكتر فى السيتروين بس لو عندك فكره فى اى مشاكل فنيه فى السيتروين بخصوص ان فى خصائص الكترونيه كتير فى الداخل وفى عجله القياده ومبدل السرعه الالكترونى
واخيرا هل موضوع الضمان ان لو الواحد اشترى عربيه من دوله تانيه يقدر يتابع فى توكيل مصر ولو فى مشكله التوكيل يصلحها على حسابه لو لسه فى فتره الضمان ولا ايه
وشكرا

المشاركة الأصلية كتبت بواسطة hisam2010 (المشاركة 598873)

غالبا ممكن تلاقى خرطوم علبة الدريكسيون اتفك او اتقطع المهم حاليا حط زيت باور كهرباء (أمريكى) لونه بيبقى ابيض فاتح لغاية لما تلاقى ميكانيكى يشوفلك التسريب منين بالظبط ويعالجو وبعد كدة هتشترى من التوكيل زيت باور كهرباء الاصلى علشان الطلمبة متبظش وخلى بالك لان الطلمبة غاليه جدا بحوالى 4000 جنية

المشاركة الأصلية كتبت بواسطة haderkhalaf (المشاركة 600406)

الف شكر يا بشمهندس هيثم انا جبت البارت كود بتاع الزيت رقم 9730/a5 من التوكيل وزوت منه بس كان لونه احمر مش ابيض خالص مش عارف ايه الصح

المشاركة الأصلية كتبت بواسطة hisam2010 (المشاركة 600895)

بالفعل هو رقم علبة الزيت مظبووط بس مش هنختلف على لون الزيت المهم ان الزيت هو الاصلى بتاع الطلمبة:286: