رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

مساء الخير يا فيرناويه يا حلوين عندي استفسار اذا ممكن انا سمعت ان الفيرنا بتنزل من غير فلتر تكيييف هل دا صحيح وهل في مشكله لو شغلت التكيييف بدون الفلتر دا وسوال تاني عن الزيت انا حطيت زيت موبيل 1 وبتاع المحطه بيقول دا كويس لغاية 10000 ايه رايكم يا فرناويه في الزيت وياريت تنصحوني وتفيدوني وبالمناسبه العربيه بتاعتي انا جايبها زيرو كامله منوال من ابوغالي ولسه العداد يادوب عامل 1300 كم وااسف على الاطاله

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

غبور طبعا استخصر فينا فلتر الهوا على الرغم من اهميته بس معلش الاصلي بتاعه انا جبته ب 50 جنيه من صقر قريش و هوا موجود عند كل بتوع قطع الغيار (بامناسبه هوا عباره عن جزئين بيركبوا فوق بعض بشكل عمودي) و كان في ارخص بردو بس ياجماعة حصلت حاجه حلوة ان طبعا بعد ما نضفت مكانه قبل ماركبه في البنزينه و هوا بيغسل العربيه بمسدس الهوا و بعدين هوفر شفط اللي حصل ان الهوا ريحتة نضيفة جدا المهم فكيته و قلت ارش عليه سبراي كده طبعا قعدت اسبوع ريحة العربية حلوه:286:و ده طبعا مع مراعاة تنضيفه كل شهر بس في نفس الوقت حسيت ان قوة دفع الهوا قلت سنه صغيره بس احن ما اشم عوادم و تراب

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

يا جماعة انا عندى استهلاك البنزين عااااا لى جدا .... 13.5 لتر لكل 100 كيلو مش عارف اعمل ايه؟ اروح التوكيل ولا حد يعرف مركز صيانة كويس ... لان الميكانيكى مفدنيش فى اى حاجة :(

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

الفلاتر و البوجيهات اخبارهم ايه معاك

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

انا عندي نفس المشكله بس سالت في المنتدى قالو لي ان دا طبيعي عشان انا في مرحلة التليين بس مش عارف لو في حد عنده حل او اقتراح يقولنا عليه واشكر الجميع على الاهتمام والمساعده و الفيرنا بتاعتي موديل 2012 والعداد عامل حوالي 1400 كيلو وفي انتظاراي ملاحظات او اي مساعده وشكرا مره تانيه

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

الفلاتر والبوجيهات لسه متغيرين! والعربية انا شاريها مستعملة مو 2004 اتوماتيك .... انا عارف ان الاوتوماتيك معدلها اسرع بس الكتالوج بيقول 8 لتر لكل 100 كم بالنسبة للاوتوماتيك!

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

ايوه 8 ليتر لما تكون ماشى فى طريق مفتوح و على سرعه 90 من اكتر من كده لكن احنا جوه البلد بسحب بنزين اكتر من كده احسبلها على طريق مفتوح بتاخد كام ليتر حاول ماتزودش السرعه عن 100