|
|
رد: أعرف كل شئ عن السباكة
اقتباس:
أستفسار من حضرتك أنت عامل دخلتين مياه للشقه من الخزان والعمومى ولا الخزان هو المغذى للشقه عشان نقطة أن الموتور يملى الخزان وكمان يقوى ضغط مياه الشقه النقطتين مختلفتين تماما !! أولا-لو المياه المغذيه للشقه من الخزان يبقا قوة ضغط المياه تعتمد على قطر مواسير المياه الى نزله من الخزان وطريقة تركيبها وحجم الخزان وعدد الشقق المستخدمه للخزان ثانيا - لو فى دخلتين للشقه 1.خزان ووحده للشقه يبقا ده موضوع تانى يريت تفدنى فى الاستفسار السابق تقبل تحياتى أيمن أبو شروق 01005314147 01287710555 |
رد: أعرف كل شئ عن السباكة
اقتباس:
بالنسبة ليا أنا موجود في شبرا وممكن انزل اجيبها من السبتية لو حضرتك ممكن تدلني على مكان محترم وثقة هناك أشتري منه . بالنسبة لما أركب الجلبة في الحيطة في القطعة البي آر بسن اقفل حول الجلبة بأسمنت أبيض تحت الوش ولا أسيبه فاضي بحيث ان لو فيه تسريب يظهر في الخارج يعني التسريب يخرج بره السيراميك . بالنسبة للسدد في المحبس الرئيسي ده حله تغيير المحبس ولا ايه (محبس دفن ) بالنسبة للصدأ اللي قولت لحضرتك عليه لقيته على جلبة فكيتها عندي ولاقيتها مليانة صدأ ورواسب فكده ممكن يكون السدد في الجلب فقط والحل تغييرها أو تنظيفها . ولك عظيم الشكر والتقدير |
رد: أعرف كل شئ عن السباكة
اقتباس:
|
رد: أعرف كل شئ عن السباكة
السلام عليكم ورحمة الله وبركاته
كل عام وانتم بألف خير أعتذر لتأخرى فى الرد وذلك لظروف مرضى أيمن أبو شروق 01005314147 01287710555 |
رد: أعرف كل شئ عن السباكة
اقتباس:
السلام عليكم, أنا متشكر جدا لاهتمام حضرتك وأسف انى بتعبك. أنا فعلا عامل دخلتين, واحده من العمومى وواحده من الخزان. أنا مستخدم مواسير بولى نص بوصه و الخزان عندى 2 متر خاص بشقتى لوحدى (متركب فى السطوح) والعماره 4 أدوار وأنا فى الدور الأول. أنمنى الدنيا تكون وضحتلك ومستنى اجابتك. |
رد: أعرف كل شئ عن السباكة
السلام عليكم يا اخ ايمن
عندى سؤالين الاول ايه رأيك فى خلاطات جاكوب ديلافون انا بدور على خلاطات و فى خلاط للمطبخ من جاكوب عجبنى و ياترى الضمان بتعهم اخباره ايه و برضه بالنسبه لخلاطات ايديال استدنادر هل فعلا صيانتهم محترمه و مدى الحياه يعنى لو الخلاط عطل مش حدفع فلوس فى تصليحه السؤال الثانى انا عندى سخان 10 لتر اولمبيك غاز بقاله يومين ما يبشتغلش افتح الحنفيه السخن اسمع صوت تكته فى السخان (زى بتاعه شراره الاشعال) و اللوحه الديحيتال تنور و بس ما يحصلش اشعال شيكت على الغاز و المحبس بتاعه تمام شيكت على محبس المياه البارده اللى داخل للسخان تمام و محبس المياه السخنه اللى خارجه من السخان برضه تمام مش عارف فين المشكله هل لما البطاريات تفضى يفضل برضه صوت شراره الاشعال موجود و لا المشكله فى حاجه تانيه و الف سلامه عليك |
رد: أعرف كل شئ عن السباكة
اقتباس:
بخصوص الخلاطات الجاكوب ديلافون مصرى فرنسى صناعته محترمه وسعره ارخص من الايديال بس بخصوص الضمان هما مبيجوش يصينو الخلاط عندك انت الى بتوح توديه ليهم بيقوم بالازم وتستلمه كأنه جديد ليهم مكتب فى شارع نخله المطيعى بتريومف مصر الجديدة اما الخلاط الايديال فصيانتهم محترمه وبمجرد الاتصال بيهم يحددو ميعاد معاك ويجى يصلح عندك بالمنزل السخان بتاع حضرتك عايز يتغير فيه جلدة الرداخ لما الجلدة بتتقطع او بتتمدد لما حضرتك بتفتح مياه السخن لا ترفع الجلده الابرة الخاصة بالغاز ارجو ان اكون افدتك وطمنى عليك ايمن ابوشروق 01005314147 01287710555 |
| الساعة الآن 09:12 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017