مصر موتورز مجتمع السيارات - اسئله المبتدئين ..عفوا ممنوع الفتى :)))

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - اسئله المبتدئين ..عفوا ممنوع الفتى :))) (https://www.masrmotors.com/vb/showthread.php?t=50341)

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة poussi (المشاركة 391602)

النهارده العربيه كانت مكدسه ماشاء الله علشان كده مسبتش مطب محكتش فيه :hd:

مع انى واخداه على الاول وانا نازله من المطب بدى سنه فرامل بس برضه حكت

وحاولت اخده على 4 عجلات فشلت العمليه وكمان كان حواليا عربيات كتير يعنى كنا 3 عربيات على المطب فقلت حكه احسن ما اخبط حد
ياريت بقى حد يقولى ازاى اخد مطب على 4 عجلات ؟؟ لان المطبات فى مصر مش بالعرض دى بالطوووووووول :F_14WA~16[1]:

- بداية يفضل عدم استخدام الفرامل على المطب نهائيا ً
- فلو فرض انى داخل على مطب سواء مسرع او بطيىء فيفضل الضغط على الفرامل - مع تأمين الخلف بالمرايات - وترك الفرامل بمجرد الوصول للمطب
- لان العربية بتكون مكبوسة لاسفل ومنخفضة نتيجة كبس المساعدين وتكون عرضة للاحتكاك من اسفل او مع وجود حمل بيكون خطر على المساعدين
- اما موضوع انى اخذ المطب ب 4 عجلات فأن كانالمقصود
* انى اخذ المطب بزاوية حوالى 45 درجة سواء يمين او يسار حسب الطريق ان كان يسمح وفيها
** بفرض انى هأخذ المطب ناحية اليسار فقبل المطب مباشرة اكسر العجل يسار واصعد على المطب بالعجلة اليمين امام ثم الشمال امام ثم اليمين خلف ثم اليسار خلف
* عموما علشان تبقى الامور ابسط مجرد انى ادخل عالمطب ليس عمودى علية كلة دة بيحصل طبيعى
* وانا بعمل كدة بالعربية الفيرنا لانها منخفضة
- وعموما ً فالغالب اللى بيحك من اسفل اما الشكمان او يوجد ما يشبة السيفين بطول العربية
- الاخطر من المطب هو وجود طوبة كبيرة اسفل السيارة

رد: اسئله المبتدئين ..عفوا ممنوع الفتى :)))

ما المشكله لو مدوستش فرامل بعد ما اول عجلتينى يعدوا المطب العربيه بتنزل جامد على المطب وبتبقى حكه صعبه ؟؟

طب حكه الشكمان دى فيه منها مشكله ؟؟ انا لما كشفت على العربيه فى التوكيل قالى ان فيه حكه فى الشكمان بس الصاج سليم

رد: اسئله المبتدئين ..عفوا ممنوع الفتى :)))

انا حاولت اعمل اللى قلت عليه ده بس ياما العربيه بتحك او بتبطل منى وفى الحالتين مشكله بالنسبالى

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة poussi (المشاركة 391659)

ما المشكله لو مدوستش فرامل بعد ما اول عجلتينى يعدوا المطب العربيه بتنزل جامد على المطب وبتبقى حكه صعبه ؟؟
- واضح اننا بندخل عالمطب بسرعة

طب حكه الشكمان دى فيه منها مشكله ؟؟ انا لما كشفت على العربيه فى التوكيل قالى ان فيه حكه فى الشكمان بس الصاج سليم

- لو دخلنا عالمطب بهدوء وبسرعة منخفضة مش هنحتاج الفرامل
- عموما ً لو سرعة العربية عالمطب منخفضة فتحميل فرامل خفيف لن يؤثر ولكن الافضل ان ندخل عالمطب بسرعة منخفضة
- و مع الوقت والتعود على العربية هتبقى الامور دى طبيعية و هتتعمل ببساطة بدون حتى ما ناخد بالنا منها
- موضوع الشكمان فهو بيكون معلق من الخلف على كاوتشات جلد والاحتكاك بة لن يؤثر كثيرا ً ( الاحتكاك المعقول مش رزع وخبط )
- والشكمان من الحاجات اللى بتسبدل لانة بيستهلك كثيرا ً

رد: اسئله المبتدئين ..عفوا ممنوع الفتى :)))

احاول اهدى سرعتى على المطب اكتر وشكرا ليك على سرعه الرد :D

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة poussi (المشاركة 391667)

انا حاولت اعمل اللى قلت عليه ده بس ياما العربيه بتحك او بتبطل منى وفى الحالتين مشكله بالنسبالى

- علشان العربية متبطلش دايما ً رجلك على الدبرياج
- و اول ما تلاقى العربية هتبطل تدوسى دبرياج وبعدين ندى العربية الغيار اللى يتناسب مع السرعة

رد: اسئله المبتدئين ..عفوا ممنوع الفتى :)))

بصراحة الموضوع بقى موسوعة و فعلاً بقى مفيد لأى مبتدئ أو حتى غير مبتدئ
أجمل ما فى الموضوع هو الروح الخفيفة لجميع المشاركين و كله بيقول اللى عنده من غير إستعراض
أنا فعلاً بأعتبره من أجمل موضوعات مصر موتورز