رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 

السلام عليكم شباب ...ربنا اكرمني واشتريت ال128مو 97 من اسبوعين ودي اول عربية في حياتي وعمري ما اعرف حاجة عن العربيات المهم يا شباب انا لاحظت ان العربية بتنقط زيت من الناحية الشمال روحت عالميكانيكي قال لي ا تنقيط من الفتيس وانت محتاج تشتري جلدة مانع زيت فتيس وكل ما اروح محل واشتري جلدة مانع الزيت الميكانيكي يقول لا مش دي وللعلم انا الموتور اللي عندي ريجاتا 1300 ومش قادر استوعب من الميكانيكي شكل الجلدة .......... اللي عنده فكرة عن الموضوع يفيدني يا رجالة وخاصة اني راكن العربية خايف يكون تشغيلها غلط وهي بتنقط الزيت دا هي تقريبا في الوضع المستو بتنقط حوالي ربع فنجان زيت في اليوم لو في منحدر بتنقط اكتر من كدا هل التنقيط ممكن يسبب مشكلة .. عذرا عالاطالة شباب

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 

بكل بساطة خليه يشتريهالك وحاسبه ,المشكلة دى مش سهلة ده الفتيس يا باشا,ونصيحة اعرضها على ميكانيكى تانى لانى كان عندى برضه تسريب زيت بس الزيت بتاع الموتور-لاحظ ان مكان الفتيس مش شمال بس جايز/التنقيط عندى فى النص عبى بعد 30 سم من مقدمة العربية- وكانت المشكلة ان الافيز على الخرطوم مش مربوط حلو ,ربطه فى دقيقة وخاد 10 ج,ومع ذلك لسه بتنزل كمة اقل ولما سئلت قلك عادى لانها لسه بتعرق.مبروك العربية يا باشا انا عندى اختها نفس الموديل ممكن تطمنى على سعرها ولو هبيع بكام؟

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 

هو افضل لحل لحضرتك تخلى الميكانيكى بنفسه يشترى الاويل سيل ده وتحاسبه عليه

وبالنسبه لان ممكن يحصل مشاكل اه ممكن يحصل مشاكل الزيت لو نقص جامد وحضرتك مزودتوش للاسف الفتيس هيبوظ وكل ده بسبب كاوتشه والموضوع مش هيتكلف 50 -100 جنية بالكتير اووووى

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 

اشكركم شباب على المساعدة واطمنكم اني لقيت جلدة مانع الزيت والتكلفة كلها كانت 45 ج بالتركيب والامور تمام الزيت الكتير دا اتمنع. ولكن عندي سؤال العربية دايما بلاقي تحتها نقط زيت برضو لكن هو شيء بسيط جدا ومش في مكان واحد يعني نقط زيت بطول مقدمة العربية لكن مش عارف دا طبيعي ولا الموضوع محتاج فحص. بالنسبة لسعر العربية لو حالتها كويسة ممكن تبدا من 18 لغاية 25 على حسب الحالة لكن الموديل دا معتقدش ينزل عن 18 . تمنياتي بالتوفيق لجميع الاعضاء الكرام

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 

السلام عليكم ورحمة الله وبركاته

انا كنت بفكر اشترى عربيه من 128 او 132 وبصراحه انا ميال اكتر ل 132 بس فى ناس بتخوفنى و تقولى لا دا سوقها واقف مش هاتعرف تبيعها بعد كده هاتخسر فيها جامد

و ال128 برده الناس يقولولى انها ضعيفه و على كبالن مش هاتستحمل و انا بقيت فى حيره شديده من امرى
فارجوا من الاعضاء من لهم خبره فى الموضوع ان يفيدون ايهما افضل فى السيارتين من حيث
الكفاءه
و سعر البيع بعد كده
و تحمل السياره معايا
و شكرا مستنى ردودكم