المشاركة الأصلية كتبت بواسطة 3bd0 (المشاركة 385783)

يالنسبة للسفريات الطويلة، الحركة اللي حضرتك بتقول عليها دي انا مجربها وبتعمل شغل السحر بصراحة، بس المشكلة بقى ان بعد 5 دقايق (او على حسب انتا تعبان قد ايه) بتحس ان الهوا ده بدل ما يفوقك بدأ يسطلك :biggrin: ولازم ترجع تقفل الشباك عشان تفوق تاني.
ساعات كمان ما بتقدرش تفتح الشباك خالص سواءا عشان سرعتك أو عشان في تيار هوا شديد برا، لو الهوا دخل هايطير كل حاجة في العربية. في الحالات دي لا بديل عن اللب والقهوة :biggrin:

موضوع رجلك ده شفتو مع ناس كتير، بس بطرق وأشكال مختلفة. أنا أعتقد بيبقى طريقة مخك في تنظيم وتظبيط نفسه على العربية الجديدة، بيحاول يعرف حدوده يعني.
يا راجل ده انتا مشفتنيش لما اجي اسوق أوتوماتك بعد فترة طويلة مانيوال أو العكس :biggrin: اللي راكب معايا بيعد يضحك عليا
بس زي ما انتا قلت، كلها بتبقى 10 دقايق، يوم ما تكبر أوي يبقى أول مشوار، وخلاص سيستم المخ كلو بيتظبط ;)

بالنسبة لموضوع الجنس الناعم، أنا نفسي مرة كده أشوف واحدة سايقة مرجعة الكرسي لورا أوي و بتسوق بايد واحدة وقاعدة مستمتعة كده. دايما قاعدين على اعصابهم وعاوزين يخلصو من المشوار بأي طريقة
هما بيدوسو على البنزين بعنف في الزحمة عشان بيخافو العربية تبطل، لو العربية بطلت بيتوترو جدا وبياخدوا وقت طويل عقبال ما يتصرفو، والناس طبعا ما بترحمش، وهما مش عاوزين كده طبعا. دي طبعا نظرية من تأليفي ممكن تكون صح أو غلط ، بس من كتر ما شفت منهم والله :biggrin:

المشاركة الأصلية كتبت بواسطة CARDIO (المشاركة 385838)

يعنى الواحد يخش ينام يلاقى التعليقات و التريقه على البنات كده ..
انا عارفه ان جزء من كلامكم صح و ده الى بيحصل مع ناس كتير بس اى حاجه فى الدنيا بتتعلمها بالممارسه الكتير و كل ما تتعلم بدرى بيكون احسن
و ده اللى بيحصل مع الولاد و مش مع البنات ..
بس ابقوا افتكروا ان تقريبا كل البنات اللى بتسوق بتبقى عوزه تروح الجامعه او تروح شغلها و بتجيب عيالها من المدرسه و بالمره تشترى شويه طلبات للبيت من غير بهدله المواصلات و بتبقى العربيه هى طوق النجاه من البهدله ..
و هى لا اخدت مفتاح العربيه من باباها بعد زن طويل ( مش حقول من وراه) علشان تاخد بيها لفه و لا جربت تسوق عربيات اصحابها و عربيات القرايب كلهم و غالبا باباها و اخوها هم اللى مستوليين على العربيه معظم الوقت و لما تقول لحد علمنى يقول لها العربيه مش ناقصه او مش فاضيين..
و لا واخداها تعمل بيها غرز او امريكانى ..
مااااااااااااااااشى :fun_36_1_30[1]:

المشاركة الأصلية كتبت بواسطة m.elhasafy (المشاركة 386527)

معلش النهاردة كان يوم شغل طحن :3_8_14:
بس علشان ما تقولوش إنى هربت ... حقولكم كده حكاية إفتكرتها:
فى واحدة زميلة فى شركة بنتعامل معاها إتسرقت عربيتها بطريقة غريبة ... كانت راكنة العربية قريب من شغلنا و بعد ما رجعت بعد حوالى ساعتين علشان تمشى ركبت العربية و بتدور و لسه حاتطلع لقت واحد معدى بيقولها العربية بتدخن من الشكمان و إنه ميكانيكى و من خبرته الظاهر إن عندها مشكلة كبيرة ... فلما قالتله إنها مش شايفه قالها خلاص إنزلى بصى و أنا هزود بنزين ... و بمجرد ما ركب العربية: طبعاً فص ملح و داب و معاه (عربيتها جواها شنطتها جواها موبايلها و فلوسها و أوراقها):crazyW14:
طبعاً رجعت لينا بتصوت قمنا إتصلنا برقمها فرد علينا الباشا و قالنا العربية فى الشارع الفلانى و قولوا للعبيطة اللى سابتلى العربية ما تعملش كده تانى
طبعاً كل اللى أخده من العربية فلوسها و موبايلها ( طلع محترم: سابلها الأوراق و خط الموبايل) و حمدت ربنا ألف مرة إنه كان مستعجل لإن الأنسة كانت حطة شيكات خاصة بشركتها تساوى ثمن عشر عربيات فى الشماسة(what)
الدروس المستفادة:
1- مفتاح عربيتى لازق فى إيدى طالما سبت العربية ... ولو ثوانى
2- شنطتى لازقة فيا طالما خرجت من العربية ... ولو دقائق
3- مش أى حد غريب يقولى حاجة أصدقها ممكن أقوله شكراً و أخلى أى بواب أو سايس يزود بنزين و لو إحتجت حاجة أتصل بالميكانيكى بتاعى
4- الميكانيكية ما بيسرحوش و ليهم ورش بيشتغلوا فيها
5- واضح إنه كان موجود لما سابت العربية و إختمرت فى دماغة الفكرة ... حسبى الله و نعم الوكيل
6- ما أحطش شيكات الناس و شقاهم فى الشماسة ... يعنى الواحد يتقى ربنا شوية
و تصبحوا على خير:bat_467:

المشاركة الأصلية كتبت بواسطة _amr.mostafa_ (المشاركة 386723)

عيالك دول هدبحهم في العيد ان شاء الله

بالنسبه لجده والهبل ده عشان ما تخرجش بره الموضوع

يكفي اني اقلك بلد زي السعوديه ما فيهاش بنية تحتية ومجاري

تخيل لسه عربيات المجاري بتيجي تفضي وتشيل من البيارات ..!!

جده بقالها سنتين بينزل سيول نص ساعه ساعه وتغرق

المشاركة الأصلية كتبت بواسطة m_elhdeny (المشاركة 386804)

لاحول ولاقوةالا بالله طاب العالم دى معاها فلوس ميعملوش صرف صحى لية

المشاركة الأصلية كتبت بواسطة m_elhdeny (المشاركة 386804)

شكرا خاص ل للاساتذة ( احمد هيونداى وساد بيرد والشافعى و عبده وكارديو اللى فتحت الموضوع وكلنا استفدنا ولكل الناس اللى شاركت فى الموضوع )

المشاركة الأصلية كتبت بواسطة mesho70 (المشاركة 386849)

المشاركة الأصلية كتبت بواسطة m_elhdeny (المشاركة 386804)

لاحول ولاقوةالا بالله طاب العالم دى معاها فلوس ميعملوش صرف صحى لية



)

المشاركة الأصلية كتبت بواسطة sad-bird (المشاركة 386836)

لأنه بيعتمد على الابار الجوفية
ومستني ان الارض - بطبيعتها الرملية المتدرجة - تقوم بدور المرشحات وتنزل المياه تاني في جوف الارض يطلعها ويستخدمها
بينما لو عمل نظام صرف صحي
محتاج يعمل نظام تطهير وصيانة ومشاكل التطوير وخلافه
وطبعا لو عمل المحطات الحديثة
اللي هي بتعمل اعادة تدوير المياه مرة اخرى
لاستخدامها استخدام ادمي هيتكلف اكتر
فهو بيسيبها للارض تشربها وخلاص
وكده اوفرله
ومعندهوش مشكلة في المساحات ولا الاماكن
لان مساحة السعودية ضعف مصر تقريبا مصر
وعدد سكانها 27 مليون
فمساحات التوسع الافقي عندهم سهله بالنسبالهم




ا