مصر موتورز مجتمع السيارات - ارشيف احداث عام 2009

مصر موتورز مجتمع السيارات (https://www.masrmotors.com/vb/index.php)

- الاخبار المحلية (https://www.masrmotors.com/vb/forumdisplay.php?f=74)

- - ارشيف احداث عام 2009 (https://www.masrmotors.com/vb/showthread.php?t=4611)

رد: شنطة الاسعافات والمثلث

طمنتنا يا medo ....... بس ربنا يستر من اللى ورا الحركه دى

رد: أحدث الاخبار على الساحه المحليه-هام جدا

1\4\2009 الخبر الاول:"التحقيق فى السقطه الكبرى"مازالت توابع التعادل المهين لمنتخبنا القومى تلقى بظلالها على المواقع العالميه00 وصف الاتحاد الدولى تعادل المنتخب بالسقطه الكبرى0000 كانت الاشعات قد اشارت الى وقوع خلافات كبيره بين اللاعبين بركات وميدو وعبد الواحد والحضرى ومتعب مما أضطر زاهر لعقد اجتماع مع شحاته للتحقيق فيما حدث قبل المباره مباشره واثرت على الاداء (الجمهوريه)تعليق:هل رأيتم تدريب المنتخب قبل المبارة فى الاكاديميه البحريه والجمهور يقف على الخط 00؟! الناس دى هتركز ازاى بالشكل ده الجمهور كان بيعلق على كل لعبه وبيعت غزل لكل لعيب وتحيه وناقص هديه فى سوق المهلبيه الخبر الثانى:اداريو التعليم يواصلون الاضراب لمطالبتهم بصرف حافز الاثابه بنسبه 75% اسوة بالمحليات"(الوفد) تعليق: لو فيه عداله لن يكون هناك فارق رهيب فى أجور العاملين بالدوله للعلم أجر العامل فى الكهرباء أو التليفونات او البترول اكبر من اجر الطبيب فى الصحه والمهندس فى المحليات والرى والمدرس فى التعليم ويقولوا الموظف معندوش ضمير او مهمل او مرتشى وعجبى الخبر الثالث:ضربه قويه لعمليه السلام فى الشرق الاوسط:مع تولى زعيم اليمين الاسرائيلى بنيامين نتن ياهو الحكومه الاسرائيليه وعرضه لمجموعه من اقطاب التشددوغلاة المتطرفين من الوزراء تلقت عمليه السلام ضربه قويه(الاخبار) تعليق:لك الله يافلسطين00 قلنا يمكن اوباما يكحلها جه النتن ياهو عماها الخبر الرابع: تثبيت اسعار الحديد عند3150 جنيها(الاخبار) تعليق: طب وفتره النهب اللى فاتت والحديد او سبعه مين يتحاسب عليها واللى نهب نهب وخلاص شبعتم وبالمناسبه هو مخلس الشعب كان فين الفتره اللى فاتت كان عامل بيات شتوى بعد الصيفى

رد: أحدث الاخبار على الساحه المحليه-هام جدا

الله ينور عليك انا بصراحة كان نفسة نعمل موضوع يومى بالشكل ده ونسمية "صباح الخير يا مصر (موتورز) ptmnlo123per145

كده انت هتبقى مخرج البرنامج واسمحلى ابقى اقدم فقرة فى عن اى حاجة فى النشرة بتاعتك وتسلم ايدك على كل مجهوداتك فى المنتدى ptmnlo123per112

رد: احذار سائقين التاكسي (موقف غريب فى المحلة الكبرى)

ههههههههههههههههههههههههه ههههههههههههههههههههههههه ههههههههههههههههههههههههه ههههههههه

فضيحة وزارية لا ترضي الله ولا الرأي العام ولا نقابة الصحفيين وتستدعي محكمة الغدر

إذا كان الإستجواب الذي تقدم به أحد نواب البرلمان من الأخوان المسلمين صحيحا ، فإن الوقائع تسجل فضيحة غير مسبوقة لوزارة أحمد نظيف .

فضيحة تستوجب تقديم رئيس الوزراء ، والوزير الذي إرتكب الفضيحة الي محكمة خاصة . أقترح أن تكون محكمة للغدر ، علي غرار محكمة الغدر في بداية الثورة ..

الإستجواب قدمه النائب فريد إسماعيل . يقول : إن السيد زهير جرانة وزير السياحة منح الصحفيين التالي أسماءهم مساحات هائلة من الأراضي السياحية في مدينة العين السخنة .

الأستاذ صلاح عطية محرر السياحة بالجمهورية ٣٠ الف متر .

السيد أحمد عبد المقصود محرر السياحة في الأهرام ٢٠ الف متر .

السيد حمدي حمادة في الوفد وصوت الأمة ( الثورية والمعارضة حتي العظم ) ١٥ الف متر ..

الثلاثة مواطنون قبل أن يمتهنوا أي حرفة أخري . ولهم الحق في الحصول علي أية مساحات من الأرض المتاحة من قطاع السياحة ..

ولهم الحق في المعاملة القائمة في القطاع : المتر بدولار يقسط علي عشر سنوات . أي كل سنة ١٠ سنت للمتر . أي ٥٥ قرشا ..

لكن هذا الحق لا يناله أي مواطن ..

إنه حق مستحيل علي أي مواطن ، حتي لو كان علي ملاءة مالية ، أو ملاءة حرفية في صناعة السياحة .

الثلاثة نالوا هذا الحق المستحيل بإعتبارهم صحفيون علي مسافة قصيرة من مكتب الوزير زهير جرانة . يدافعون عن أخطاءة . ويعزفون المارشات العسكرية في ركابة . وينشدون الأغاني الوطنية بإسمه . ويزيفون كل الوقائع لحسابة . إنحازوا لذهب المعز ... وخانوا رسالة الصحافة ... خانوا رسالة الشعب ..

السيد الوزير فاسد الي أبعد حدود الفساد .. وملفاته مقززة ، مقرفة ، مهينة للشعب والحكومة والبرلمان والسلطة . مهينة لأي مصري يحترم مصريته ...

لا يكفي إقالة الوزير إذا كانت واقعة رشوة الصحفيين الثلاثة صحيحة . لا يكفي التحقيق في الواقعة لبيان مصداقيتها . لا يكفي عريضة الإتهام التي تدين الوزير وصحفييه . لا يكفي المحاكمة أمام محكمة الجنايات . بل ينبغي أن يحاكم جماهيريا أمام محكمة للغدر ..

إن هذا الرجل رمز لكل فساد شهدته مصر في السنوات الأخير ..

رد: توقعاتك لمشوار مصر للتأهل لكأس العالم؟

اقتباس:

المشاركة الأصلية كتبت بواسطة ayman abdelrazek (المشاركة 31238)

مش باين ياباشمهندس ........

شكلها كدة زى كل مرة

والسيناريو اللى انا متوقعه ويارب أكون غير محسنا للتقدير كالأتى:

مصر هتتغلب من الجزائر هناك وزامبيا تغلب رواندا فى ارضها

تبقى مصر نقطة والجزائر 4 وزامبيا 4
تروح مصر لرواندا تتعادل بالعافية وتغلب زامبيا الجزائر فى زامبيا

تبقى زامبيا 7 نقط يليها الجزائر 4 ومصر 2 ورواندا فى الذيل

تيجى رواندا لمصر نفوز ونبقى 5 نقط ولكن الجزائر تفوز وتبقى 7 هى وزامبيا

وفى النهاية تغلب زامبيا رواندا وتبقى 10 نقط ومصر تتعادل فى القاهرة مع الجزائر

ويصل كاتونجو ورفاقه الى كاس العالم

على رأى نبيل نور الدين فى تمثلية عيلة الدوغرى (نفسى البس جزمة قبل ما موت يا مصطفى)

نفسى اشوف المنتخب فى كاس العالم قبل ماموت يا أنور

انت شوفت الموطوشة دى ولا اية؟
لسة الكورة فى الملعب و لسة بدرى
حسن شحاته كان مدروخ و التجمع قبل المبارة كان وقت غير كافى

رد: توقعاتك لمشوار مصر للتأهل لكأس العالم؟

اقتباس:

المشاركة الأصلية كتبت بواسطة فادى (المشاركة 31520)

و الله احنا عندنا مشكلة كبيرة جدا اسمها الاحتراف فى الخارج,
الدورى عندنا منظم و قوى بيطلع لعيبة كويسة خاصة من الأهلى,
أول مرة أسمع من حد مصرى إن الدورى بتاعنا منظم
يروح مدرب المنتخب واخدهم و يكسب بيهم بطولة أفريقية, و ده اللى حصل فى 2006, و 2008,
الباشوات يحترفوا بعديها, كل واحد يروحلى فى نادى فى مؤخرة الدورى الانجليزى, و واحد فى نادى فى مؤخرة الدورى الألمانى, و نقول عليهم محترفين لأن قناة مش عارف ايه فى انجلترا (اللى هى غالبا خاصة بقرية انجيليزية صغيرة) قالت عليه ده كويس,
مع ان أى فريق من اللى بيلعب فيه المحترفين بتوعنا ممكن لو لعب ادام الأهلى يلبس بالخمسة و الستة, أنا متأكد انو ويجان لن يصمد كثيرا امام هجوم مش هقول الأهلى, ادام انبى أو حتى غزل المحلة.
أعترض و بشدة أى فريق مصرى او الاهلى أو الزمالك لو إتنقل بجهازه و مدربة و لاعبيه هيحصل على المركز الاخير و بجدارة
خمسة و ستة مين يا أ/فادى و من غزل المحلة؟
لكن المهم انو البيه محترف فى اقوى دورى فى العالم, على منطق ديل اسد و لا راس كلب!
طبعا كل هؤلاء بينخفض مستواهم من مباراة لأخرى, لأنهم بيلعبوا فى فرق درجة تالتة,
الاهلى مع إحترامى الشديد ليه أعور وسط عميان و بعدين لما ألعب فى دورى قوى و انا فى أضعف الفرق اللى فيه أكيد هستفيد من الفرق الكبيرة زى مانشستر زى الأرسنال زى ليفربول زى تشيلسى و غيره و غيره و عشان كده شفنا عمرو زكى تايه طول المباراة باستثناء الهدف, و عماد متعب خيال مأتة, أما زيدان و ميدو فحدث و لا حرج, تطويح فى اى حتة, بيجروا ورا الكورة و لا يحصلوا عليها ابدا.
لكن طبعا الكابتن حسن شحاتة مش مركز غير فى انو ياخد اللعيبة من الأهلى و يسربهم على برا, و ادى النتيجة. بالعكس الكابتن حسن شحاته أثبت إن المحليين لما بيكونو فى المنتخب بتكون هناك مميزات و منها سهولة التجميع و التدريب و كمان الاعبين بيكونو عايزين يثبتوا ذاتهم و إنهم مش أقل من محترفين العالم
بصراحة يجب استبعاد كل المحترفين من التشكيل, عاوزين منتخب محلى مكون من لعيبة الأهلى, و مطعم بالنذر القليل من الأندية الأخرى, و الا فما حدث سوف يتكرر.
يا ريت نقفل باب الاحتراف شوية و هاتولى لعيب واحد احترف و ارتفع مستواه, كل اللى بيحترف بيخش فى غياهب النسيان, هانى رمزى
و حسنا فعل جوزيه عندما نصح أبو تريكة برفض عرض نادى رنجرز الانجليزى, جوزيه قالوا نادى رينجرز ضعيف و غالبا هينزل الدرجة التانية, و لو رحت هناك هتتنسى.
إحترمت مانويل جوزية على النصيحة الغالية دى مفيش سبب منطقى لإحتراف أبو تريكة فلوس إعلانات شعبية عايز إية تانى ؟
لو استمر حسن شحاتة فى تسريب اللعيبة الى الخارج, و محاربة الأهلى بحكم تعصبه الزملكاوى, فنعم, النتيجة سوف تكون أسوأ لا أسمح بهذا الإتهام
حسن شحاتة إنسان محترم و المنتخب فوق الجميع.

و فى النهاية اتمنى التوفيق لمنخبنا القومى